ଟିପିଏସ୍ଓଡିଏଲ୍ ପକ୍ଷରୁ ବିଭିନ୍ନ କୌଶଳ ବିକାଶ କାର୍ଯ୍ୟକ୍ରମ ସହ ବ୍ୟବସାୟ ସହଯୋଗୀଙ୍କ ସଶକ୍ତିକରଣ ଅଭିଯାନ

ଭୁବନେଶ୍ୱର: ଉନ୍ନତ ଓ ଉତମ ଅଭିବୃ୍ଦ୍ଧି ସୁଯୋଗ ପ୍ରଦାନ କରିବାର ଉଦ୍ୟମ ସ୍ୱରୂପ, ଦକ୍ଷିଣ ଓଡ଼ିଶାରେ ବିଦୁ୍ୟତ ବିତରଣ ପାଇଁ ଟାଟା ପାୱାର ଓ ଓଡ଼ିଶା ସରକାରଙ୍କ ମଧ୍ୟରେ ଏକ ଯୌଥ ଉଦ୍ୟୋଗ ଟାଟା ପାୱାର ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିଏସ୍ଓଡିଏଲ୍) ପକ୍ଷରୁ ଏହାର ବ୍ୟବସାୟ ସହଯୋଗୀ (ବିଜନେସ୍ ଆସୋସିଏଟ୍ସ)ମାନଙ୍କ ପାଇଁ ବିଭିନ୍ନ ସାମାଜିକ ସୁରକ୍ଷା, ନିଯୁକ୍ତି ଓ କୌଶଳ ବିକାଶ ଅଭିଯାନ ଆରମ୍ଭ କରାଯାଇଛି ।
ଏଥିପାଇଁ ନିମ୍ନଲିଖିତ ଆର୍ଥିକ ସହାୟତା ଓ ସାମାଜିକ ସୁରକ୍ଷା ବ୍ୟବସ୍ଥା ହୋଇଛି:
• ସମସ୍ତ ବ୍ୟବସାୟ ସହଯୋଗୀ କର୍ମଚାରୀଙ୍କୁ ୧୫ ଲକ୍ଷ ଟଙ୍କାର ଗ୍ରୁପ୍ ବ୍ୟକ୍ତିଗତ ଦୁର୍ଘଟଣା (ଜିପିଏ) ପଲିସିରେ ସାମିଲ କରିବାକୁ ନିଶ୍ଚତ କରିବା
• ବ୍ୟବସାୟ ସହଯୋଗୀ କର୍ମଚାରୀଙ୍କ ମୃତ୍ୟୁ (କୋଭିଡ୍-୧୯ ଜନିତ ମୃତ୍ୟୁ)ରେ ତାଙ୍କ ଆଇନଗତ ଉତରାଧିକାରୀଙ୍କୁ ୫ ଲକ୍ଷ ଟଙ୍କା ପ୍ରଦାନ କରିବା ଲାଗି ସ୍ୱତନ୍ତ୍ର କୋଭିଡ୍ ବୀମା ପଲିସିରେ ସମସ୍ତ ବ୍ୟବସାୟ ସହଯୋଗୀ କର୍ମଚାରୀଙ୍କୁ ସାମିଲ କରିବା
ବ୍ୟବସାୟ ସହଯୋଗୀଙ୍କ ପେସାଦାର ଦକ୍ଷତାରେ ଉନ୍ନତି ଆଣିବା ଲାଗି ଟିପିଏସ୍ଓଡିଏଲ୍ ପକ୍ଷରୁ ସ୍ୱତନ୍ତ୍ର ସ୍କିମ୍ “ଉଡାନ୍” ଘୋଷଣା କରାଯାଇଛି । ଏହି ସ୍କିମ୍ ସେହି ବ୍ୟବସାୟ ସହଯୋଗୀମାନଙ୍କ ପାଇଁ ଯେଉଁମାନେ ଅଷ୍ଟମ ପର୍ଯ୍ୟନ୍ତ ଶିକ୍ଷା ଶେଷ କରିଛନ୍ତି ଓ ଯାହାଙ୍କ ବୟସ ୪୦ ବର୍ଷରୁ କମ୍ ଏବଂ ଯେଉଁମାନେ କଂପାନି ସହିତ କ୍ରମାଗତ ପାଂଚ ବର୍ଷ ଧରି ଜଡ଼ିତ ରହିଛନ୍ତି । ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନାର ପ୍ରମୁଖ ସ୍କିମ୍ ସ୍କିଲ ଇଣ୍ଡିଆ ଅଭିଯାନ ଅଧୀନରେ କଂପାନି ପକ୍ଷରୁ ପେସାଦାର ତାଲିମ କେନ୍ଦ୍ର ସ୍ଥାପନ କରାଯିବ । ଜାତୀୟ ଦକ୍ଷତା ବିକାଶ ନିଗମର ବିଦ୍ୟୁତ କ୍ଷେତ୍ରର କୌଶଳ ପରିଷଦ ପାଠ୍ୟକ୍ରମ ଅନୁସାରେ ବିତରଣ ଲାଇନ୍ମ୍ୟାନ୍ ପାଇଁ ଏହି କେନ୍ଦ୍ରରେ ଥିଓରି ଓ ପ୍ରାକ୍ଟିକାଲ୍ ତାଲିମ ପ୍ରଦାନ କରାଯିବ । ପାଠ୍ୟକ୍ରମ ଶେଷ କରିବା ଲାଗି ପ୍ରାର୍ଥୀଙ୍କୁ ଏନ୍ଏସଡିସି-ପିଏସଏସସି ଅଧୀନରେ ବିଦ୍ୟୁତ ବିତରଣ କ୍ଷେତ୍ର ଲାଗି କୌଶଳ ସାର୍ଟିଫିକେଟ୍ ପ୍ରଦାନ କରାଯିବ । ପୁନଶ୍ଚ, ସର୍ବନିମ୍ନ ୪୫% ମାର୍କ ରଖି ପାସ୍ କରିଥିବା ବ୍ୟବସାୟ ସହଯୋଗୀମାନେ ଯଦି ଅନ୍ୟ ଯୋଗ୍ୟତାର ମାନଦଣ୍ଡ ପୂରଣ କରୁଥିବେ ସେମାନେ ନିଯୁକ୍ତି ପାଇଁ ନିଯୁକ୍ତି ପ୍ରକ୍ରିୟାରେ ଅଂଶଗ୍ରହଣ କରିପାରିବେ ।
ଏହା ସହିତ, ବିଭିନ୍ନ ବ୍ୟବସାୟ ସହଯୋଗୀଙ୍କ ପାଖରେ ଆଉଟସୋର୍ସିଂ କର୍ମଚାରୀ ଭାବେ ଦୀର୍ଘ ଦିନ ଧରି କାର୍ଯ୍ୟ କରୁଥିବା ଯୋଗ୍ୟ କର୍ମଚାରୀମାନଙ୍କୁ ଅପରେସନ୍ସ ଟ୍ରେନି ଓ ଅଫିସ ଆସିଷ୍ଟାଂଟ୍ ଟ୍ରେନି ଭାବେ ନିଯୁକ୍ତି ସୁଯୋଗ ପ୍ରଦାନ କରିବାକୁ କଂପାନି ନିଷ୍ପତି ନେଇଛି । ଟିପିଏସ୍ଓଡିଏଲ୍ ସହ ପୂର୍ବରୁ ଜଡ଼ିତ ଥିବା ବ୍ୟବସାୟ ସହଯୋଗୀଙ୍କ ପାଇଁ କାମ କରିଥିବା ଯେକୌଣସି ବ୍ୟକ୍ତି ଲିଖିତ ପରୀକ୍ଷାରେ ୪୫% ମାର୍କ ରଖି ଏବଂ ବ୍ୟକ୍ତିଗତ ସାକ୍ଷାତକାରରେ ଯୋଗ୍ୟତା ହାସଲ କଲେ ଏହି ଦୁଇ ଭୂମିକା ମଧ୍ୟରୁ ଯେକୌଣସିଟି ପାଇଁ ଯୋଗ୍ୟ ବିବେଚିତ ହୋଇପାରିବେ ।
“ଆମ ବ୍ୟବସାୟର ଭବିଷ୍ୟତକୁ ସାକାର ରୂପ ପ୍ରଦାନ କରିବାରେ ଆମ ବ୍ୟବସାୟ ସହଯୋଗୀମାନଙ୍କ ପ୍ରମୁଖ ଭୂମିକା ରହିଛି । ସେମାନଙ୍କୁ ଉଭୟ ସାମାଜିକ ଓ ପେସାଦାରଭାବେ ଆଗକୁ ବଢ଼ାଇବାର ଉଦ୍ୟମ ସ୍ୱରୂପ ଆମେ ବିଭିନ୍ନ ଅଭିଯାନ ଆରମ୍ଭ କରିଛୁ । ମୋର ବିଶ୍ୱାସ ରହିଛି ଯେ ବ୍ୟବସାୟ ସହଯୋଗୀମାନେ ଏହି ଅଭିଯାନଗୁଡ଼ିକୁ ପ୍ରଶଂସା କରିବେ । ସମସ୍ତ ଆଉଟସୋର୍ସିଂ କର୍ମଚାରୀଙ୍କୁ ଆମ ସହାୟତାକୁ ସୁଦୃଢ଼ କରିବା ଲାଗି ଭବିଷ୍ୟତରେ ଆମେ ଏହିଭଳି ଧରଣର ଅଭିଯାନ ଜାରି ରଖିବା ଉପରେ କାମ କରିବୁ ବୋଲି ଟିିପିଏସ୍ଓଡିଏଲର ସିଇଓ ଶ୍ରୀଯୁକ୍ତ ଅରବିନ୍ଦ ସିଂହ କହିଛନ୍ତି ।’’