ସୋହେଲା-ଭଟଲି ରାସ୍ତା ଭାୟା ସୁଲସୁଲିଆର ଉନ୍ନତିକରଣ ନିମନ୍ତେ ୩୯.୧୩ କୋଟି ଟଙ୍କା

ଭୁବନେଶ୍ୱର (ଶାସକ ପ୍ରଶାସକ) ତାଳଚେରରେ ମା ହିଙ୍ଗୁଳା ମନ୍ଦିରରେ ବିବିଧ ଉଦ୍ଦେଶ୍ୟ ସାଧନକାରୀ ସାଂସ୍କୃତିକ କଂପ୍ଲେକ୍ସ ନିର୍ମାଣ ପାଇଁ ୧୪.୧୭ କୋଟି ଟଙ୍କାର ବ୍ୟୟ ଅଟକଳକୁ ପ୍ରଶାସନିକ ଅନୁମୋଦନ ପ୍ରଦାନ କରାଯାଇଛି। ପବିତ୍ର ସ୍ଥଳ ଭାବରେ ବିବେଚିତ ଏହି ସ୍ଥାନରେ ଏହି ସୁବିଧା ତୀର୍ଥଯାତ୍ରୀଙ୍କ ଅନୁଭୂତିକୁ ପରିବର୍ଦ୍ଧିତ କରିବା ସହ ସ୍ଥାନୀୟ ଲୋକଙ୍କ ପାଇଁ ଲାଭଦାୟକ ହେବ।  ଆଜି ପୂର୍ତ୍ତ ବିଭାଗ ପକ୍ଷରୁ ଏ ସୂଚନା ଦିଆଯାଇଛି | 

ସେହିପରି ୨୦୨୦ -୨୧ ବର୍ଷ ପାଇଁ ବରଗଡ଼ ଜିଲ୍ଲାରେ ସୋହେଲା-ଭଟଲି ରାସ୍ତା ଭାୟା ସୁଲସୁଲିଆର ଉନ୍ନତିକରଣ ନିମନ୍ତେ ୩୯.୧୩ କୋଟି ଟଙ୍କା ବ୍ୟୟ ଅଟକଳରେ ପ୍ରଶାସନିକ ଅନୁମୋଦନ ଦିଆଯାଇଥିବା ଜଣାପଡିଛି | । ଏହି ପ୍ରକଳ୍ପରେ ରାସ୍ତା ପ୍ରଶସ୍ତିକରଣ ଏବଂ ସୁଦୃଢ଼ୀକରଣ, ଡ୍ରେନ ନିର୍ମାଣ ଏବଂ ଅନ୍ୟାନ୍ୟ ବ୍ୟବହାର୍ଯ୍ୟ ସାମଗ୍ରୀ ସ୍ଥାନାନ୍ତରଣ ଅନ୍ତର୍ଭୁକ୍ତ।