ଦୁର୍ଘଟଣା : ଶିକ୍ଷକ ଗୁରୁତର  

ବଲାଙ୍ଗୀର/ ନିରୋଜ ମିଶ୍ର : ଗତକାଲି ଦୀପକ କୁମାର ସାହୁ (୨୮) ତାଳଚେର ର ଆଦର୍ଶ ବିଦ୍ୟାଳୟର ଇଂରାଜୀ ଶିକ୍ଷକ।  କରୋନା  ଭାଇରସ ପାଇଁ ଓଡିଶା ସରକାର ସମସ୍ତ ସ୍କୁଲ ଛୁଟି ଦେଇଥିବା ବେଲେ ପାଇକମାଳରେ ତାଙ୍କ ସ୍ତ୍ରୀ ଜଣେ ଶିକ୍ଷୟତ୍ରୀ ଥିବାରୁ ତାଙ୍କ ସ୍କୁଲ ମଧ୍ୟ ଛୁଟି ହୋଇଥିବା ବେଲେ ତାଙ୍କ ସ୍ତ୍ରୀଙ୍କୁ ଆଣିବା ପାଇଁ କଳାହାଣ୍ଡି ଜିଲ୍ଲା ରୁଫଡା ଗ୍ରାମରୁ କାରରେ ବାହାରିଥିଲେ। ଗତକାଲି ଯିବା ସମୟରେ ବଲାଙ୍ଗୀର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ ମଣ୍ଡଳ ଛକରୁ ପ୍ରାୟ ଶହେ ମିଟର ଦୂରରେ ଭାରସାମ୍ୟ ହରାଇ ଏକ ଗଛରେ ମାରୁତି ସ୍ପପଟ (ଓଡି ୧୪ ଆର ୯୬୯୬) କାର ପ୍ରାୟ ଦ୍ବିପ୍ରହର ୧ଟା ରୁ ୨ ଟା ସମୟରେ ଦୁର୍ଘଟଣା ଗ୍ରସ୍ତ ହୋଇଥିଲା। କାରଟି ଗଛରେ ଏତେ ଜୋରରେ ପିଟି ହୋଇଥିଲା ଯେ ଗାଡିର ଇଞ୍ଜିନ ବାହାରି ପ୍ରାୟ ଦଶ ମିଟର ଦୂରରେ ପଡିଥିବା ଦେଖିବାକୁ ମିଳିଥିଲା। ସ୍ଥାନିୟ ଲୋକ ୧୦୮ କୁ ଫୋନକରି ଦୁର୍ଘଟଣା ଗ୍ରସ୍ତ ଗାଡିରୁ ଦିପକଙ୍କୁ ଉଦ୍ଧାର କରି ପାଟଣାଗଡ ଉପଖଣ୍ଡ ଡାକ୍ତରଖାନାକୁ ପହଞ୍ଚିବା ପରେ ଡାକ୍ତର ପ୍ରାଥମିକ ଚିକିତ୍ସା ପରେ ଦୀପକ ସାହୁଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ଥିବାରୁ ବଲାଙ୍ଗୀର  ଡାକ୍ତରଖାନକୁ ରେଫର କରାଯାଇଥିଲା | ସେଠାରୁ ତାଙ୍କୁ ଭୁବନେଶ୍ୱରର  କୀମସ ମେଡିକାଲ କଲେଜ -ହସ୍ପିଟାଲ କୁ ପଠାଯାଇଛି ।