ବଲାଙ୍ଗିରରୁ ନିରୋଜ ମିଶ୍ର : ସ୍ଥାନୀୟ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ଠାରେ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ମାନଙ୍କର ନେତୃତ୍ୱ ସମ୍ବନ୍ଧୀୟ ୧୦ଦିନିଆ ତାଲିମ ଶିବିର ତା.୨୯.୦୧.୨୦୧୮ ରୁ ୦୭.୦୨.୨୦୧୮ରିଖ ପର୍ଯ୍ୟନ୍ତ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ତରଫରୁ ଅନୁଷ୍ଠିତ ହୋଇଯାଇଛି । ଏହି ତାଲିମ ଶିବିରରେ ପରାମର୍ଶଦାତା ଭାବେ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଚନ୍ଦନ କୁମାର ସାହୁ, ମଧୂପ ସୁନା, ପ୍ରଶାନ୍ତ କୁମାର ନିଖଣ୍ଡିଆ, ସସ୍ମିତା ସାହୁ, ଆରତୀ ସାହୁ, ଚିନ୍ମୟୀ ସାହୁ, ମନ୍ଦରଧର ସାହୁ, ଅଳକା ସାମଲ, ମମତା ମଂଜରୀ ସାହୁ ପ୍ରମୁଖ ତାଲିମ ପ୍ରଦାନ କରିଥିଲେ । ଜିଲ୍ଲାର ବିଭିନ୍ନ ସରକାରୀ ଉଚ୍ଚ ବିଦ୍ୟାଳୟର ୩୦ ଜଣ ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରି ବିଦ୍ୟାଳୟର ସୁପରିଚାଳନା ସମ୍ବନ୍ଧୀୟ ତାଲିମ ଗ୍ରହଣ କରିଥିଲେ ।