ସାମାଜିକ ଓ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ

ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଆଦର୍ଶ ଥାନା , ପାରଳାଖେମୁଣ୍ଡି କାର୍ଯ୍ୟାଳୟ ଠାରେ ବରିଷ୍ଠ ନାଗରିକ ମାନଙ୍କୁ ନେଇ ବରିଷ୍ଠ ନାଗରିକ ମାନଙ୍କ ସାମାଜିକ ଓ ସଡ଼କ ସୁରକ୍ଷା ଉପରେ ଜିଲ୍ଲା ଆରକ୍ଷୀ ବିଭାଗ ତରଫ ରୁ ଏକ ଆଲୋଚନା ସଭା ଆୟୋଜନ କରାଯାଇଛି।
ଏହି ସଭା ଥାନା ର ସଡ଼କ ସୁରକ୍ଷା ଅଧିକାରୀ ଶ୍ରୀ ବାଲ୍ମୀକି ପ୍ରଧାନ ବରିଷ୍ଠ ନାଗରିକ ଗଣ ଦୈନିକ ସମ୍ମୁଖୀନ ହେଉଥିବା ଅସୁବିଧା ବିଷୟରେ ଆଲୋକପାତ କରିଥିଲେ। ଏହି ଆଲୋଚନା ସଭା ରେ ସଭାପତିତ୍ବ କରିବା ସହ କେତେକ ସ୍ଥାନୀୟ ସମସ୍ୟା ର ସମାଧାନକିପରି କରାଯାଇଛି କହିବା ସହିତ ଅନ୍ୟାନ୍ୟ ସମସ୍ୟା ଗୁଡ଼ିକ କିପରି ସମାଧାନ କରାଯାଇପାରିବ ସେଥିପାଇଁ ବରିଷ୍ଠ ନାଗରିକ ମାନ ଙ୍କ ସହଯୋଗ କାମନା କରିଥିଲେ।
ଅତିଥି ରୂପେ ଜିଲ୍ଲା ଗ୍ରାମାଞ୍ଚଳ ଓ ସହରାଞ୍ଚଳ ବରିଷ୍ଠ ନାଗରିକ ସୁରକ୍ଷା ସଂଗଠନ ର ସଭାପତି ରାମ ଚନ୍ଦ୍ର ପାଢି ଯୋଗ ଦେଇ ବରିଷ୍ଠ ନାଗରିକ ମାନେ କିପରି ଘରୋଇ ହିଂସା ଓ ସଡ଼କ ସୁରକ୍ଷା ରେ ଅସୁବିଧା ର ସମ୍ମୁଖୀନ ହେଉଛନ୍ତି ସେ ଉପରେ ଆଲୋକପାତ କରିଥିଲେ। ପ୍ରତ୍ୟେକ ସାହି ଛକ ଜାଗା ରେ କ୍ୟାମେରା ଲଗାଇବା , ପ୍ରତ୍ୟେକ ମାସ ରେ ସୌହାଘ୍ୟପୂର୍ଣ୍ଣ ଭାବେ ଏହି ପରି ମିଳିତ ବୈଠକ କରିବା ପାଇଁ ପ୍ରସ୍ତାବ ଗୃହୀତ ହୋଇଥିଲା।
ପୋଲିସ ପରିଚୟ ପତ୍ର ପ୍ରସ୍ତୁତ କରି ଶୀଘ୍ର ପ୍ରଦାନ ପାଇଁ ଅନୁରୋଧ କରିଥିଲେ ବରିଷ୍ଠ ନାଗରିକ ଗଣ। ଜିଲ୍ଲା ର ବିଭିନ୍ନ ବିଭାଗ ର ଅଧିକାରୀ ମାନଙ୍କ ମଧ୍ୟ ରୁ ପ୍ରତ୍ୟେକ ମାସ ରେ ଗୋଟିଏ ଗୋଟିଏ ବିଭାଗ ଅଧିକାରୀ ଙ୍କ ସହ ମିଳିତ ଭାବେ ଆଲୋଚନା କରିବାକୁ ସହମତି ପ୍ରକାଶ କରାଯାଇଥିଲା। ଶେଷ ରେ ଆଦର୍ଶ ଥାନା ଅଧିକାରୀ ସମସ୍ତ ଙ୍କୁ ଧନ୍ୟବାଦ ପ୍ରଦାନ କରିଥିଲେ।