ଲଜ୍ଜା : ମନ୍ଦିର ପ୍ରାଙ୍ଗଣ ବି ନିରାପଦ ନୁହେଁ !!!

ନାବାଳିକାଙ୍କୁ ଦୁଷ୍କର୍ମ ଅଭିଯୋଗ ରେ ପୂଜକ ଅଟକ

ଜମନକିରା (ଲିପନ ନାଏକ) ପ୍ରଦୀଦ୍ଧ ଶୈବପୀଠ ମୁକ୍ତେଶ୍ଵର ମନ୍ଦିର ପ୍ରାଙ୍ଗଣରେ ଶୋଇଥିବା ଜଣେ ନାବାଳିକାଙ୍କୁ ରବିବାର ଅପରାହ୍ନରେ ମନ୍ଦିର ପୂଜକ ଦୁଷ୍କର୍ମ କରିଥିବା ସମ୍ବଲପୁର ଜିଲ୍ଲା ଜମନକିରା ଥାନାରେ ଅଭିଯୋଗ ହୋଇଛି l ନାବାଳିକାଙ୍କ ଅଭିଯୋଗ ଆଧାରରେ ମନ୍ଦିର ପୂଜକ (୩୫) କୁ ପୋଲିସ ଅଟକ ରଖି ପଚରା ଉଚୁରା କରୁଛି l ଅଭିଯୁକ୍ତ ର ଡାକ୍ତରୀମାଇନା, ବୟାନ ରେକର୍ଡ ପରେ ସୋମବାର କୋର୍ଟ ଚାଲାଣ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ l ମନ୍ଦିର ପ୍ରାଙ୍ଗଣରେ ନାବାଳିକା ଦୁଷ୍କର୍ମ ହେବା ଭଳି ଘଟଣା ନେଇ ପରିଚାଳନା କମିଟି ତଥା ଟ୍ରଷ୍ଟବୋର୍ଡ କର୍ମକର୍ତ୍ତା କି ପ୍ରକାର ପଦକ୍ଷେପ ଗ୍ରହଣ କରୁଛନ୍ତି ତାହା ଏ ପର୍ଯ୍ୟନ୍ତ ଜଣାପଡ଼ିନାହିଁ l ମନ୍ଦିର ଟ୍ରଷ୍ଟବୋର୍ଡ ର ସ୍ଥାୟୀ ଟ୍ରଷ୍ଟି ପି. ଭି କନ୍ନପା ଙ୍କୁ ପଚାରିବାରୁ ସୋମବାର ମନ୍ଦିର ପ୍ରାଙ୍ଗଣରେ ପରିଚାଳନା କମିଟି ତଥା ଟ୍ରଷ୍ଠାବୋର୍ଡ କର୍ମକର୍ତ୍ତାଙ୍କ ବୈଠକ ବସିବ l ଅଭିଯୁକ୍ତଙ୍କୁ ଗିରଫ କରାଗଲେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି କହିଥିଲେ l
ଆସନ୍ତା ୩୧ ତାରିଖରେ ମନ୍ଦିର ପ୍ରାଙ୍ଗଣରେ ହେବାକୁ ଥିବା ମୁକ୍ତେଶ୍ଵର ବାବା ଓ ମାତା ପାର୍ବତୀଙ୍କ ଲୌକିକ ବିବାହ ତଥା ଶୀତଳଷଷ୍ଠୀ ଯାତ୍ରା ପୂର୍ବରୁ ହୋମଯଜ୍ଞ କରି ଶୁଦ୍ଧ କରାଯିବ | ତେବେ ପରିଚାଳନା ଟ୍ରଷ୍ଟବୋର୍ଡ ପକ୍ଷରୁ ଶିବବିବାହ ପାଇଁ ଜୋରଦାର ପ୍ରସ୍ତୁତି ଚାଲିଥିବା ବେଳେ ମନ୍ଦିରରେ ଏଭଳି ଲଜ୍ଜାଜନକ ଘଟଣାକୁ ବୁଦ୍ଧିଜୀବୀ ମହାଲରେ ନିନ୍ଦା କରାଯାଉଛି l