ତେରପନ୍ଥ ମହିଳା ମଣ୍ଡଳ ନବରଙ୍ଗପୁର ଦ୍ୱାରା ଅବଚେତନ ମନର ଶକ୍ତି କାର୍ଯ୍ୟକ୍ରମ

ଅଶୋକ ସାହୁ, ନବରଙ୍ଗପୁର:ଅଖିଳ ଭାରତୀୟ ତେରପନ୍ଥ ମହିଲା ମଣ୍ଡଳ ଙ୍କ ନିର୍ଦ୍ଦେଶ ଅନୁଯାୟୀ ତେରପନ୍ଥ ମହିଳା ମଣ୍ଡଳ ନବରଙ୍ଗପୁର ଦ୍ୱାରା ଅବଚେତନ ମନର ଶକ୍ତି କାର୍ଯ୍ୟକ୍ରମର ସଫଳ ଅୟୋଜନ ହୋଇଥିଲା। ଏହି କାର୍ଯ୍ୟକ୍ରମରେ ଡକ୍ଟର କେ ଧନୁର୍ଜୟ ପଟ୍ଟନାୟକ ମୂଖ୍ୟ ଅତିଥି ଭାବରେ ଯୋଗଦେଇଥିଲେ। ଏହି କାର୍ଯ୍ୟକ୍ରମ ନମସ୍କାର ମହାମନ୍ତ୍ର ସହିତ ଆରମ୍ଭ ହୋଇଥିଲା |
ଏହା ପରେ ସ୍ଥାନୀୟ ମହିଳା ମଣ୍ଡଳର ଭଉଣୀମାନେ ପ୍ରେରଣା ଗୀତ ଗାଇଥିଲେ । ଜୈନ ତେରପନ୍ଥ ସଭା ଅଧ୍ୟକ୍ଷ ବବଲୁ ଜୈନ ଉପଢଙ୍କନ ଦେଇ ମୂଖ୍ୟ ଅତିଥି ଙ୍କୁ ସମ୍ମାନିତ କରିଥଲେ । ମହିଳା ମଣ୍ଡଳ ଅଧ୍ୟକ୍ଷ ବୋବି ଜୈନ ଅବଚେତନ ମନ ଏବଂ ଚେତନ ମନ କ’ଣ ତାହା ବୁଝାଇଥିଲେ । ଏହି ବିଷୟ ବିଝାଇ ସେ 1997 ରେ ଚିକାଗୋ ୟୁନିଭରସିଟିର ଏକ ପ୍ରକୃତ ଘଟଣା ସମସ୍ତ ଙ୍କୁ କହିଥିଲେ ଏବଂ ଯଦି ତୁମେ ନିଜର ଅବଚେତନ ମନର ପ୍ରୟୋଗ କର , ତେବେ ନିଶ୍ଚିତ ଭାବରେ ତୁମ ଭିତରେ ଏକ ସକରାତ୍ମକ ପରିବର୍ତ୍ତନ ଘଟିବ ବୋଲି କହିଥିଲେ ।
ଏହି କାର୍ଯ୍ୟକ୍ରମର ମୁଖ୍ୟ ବକ୍ତା ଡକ୍ଟର କେ.ଡି ପଟ୍ଟନାୟକ ଅତ୍ୟନ୍ତ ଭଲ ଏବଂ ସରଳ ଭାଷାରେ ଅବଚେତନ ମନ ବିଷୟରେ ସୂଚନା ପ୍ରଦାନ କରି କହିଥିଲେ ଯେ ଚେତନ ମନ 10% କାମ କରେ ଏବଂ ଅବଚେତନ ମନ 90% କାମ କରେ । ସେ ଅବଚେତନ ମନ କୁ କମ୍ପ୍ୟୁଟର ସହ ତୁଳନା କରି କହିଥିଲେ ଯେ ତୁମେ ଯେତେ ଅଧିକ ରଖିବ , ସେତେ କମ ହେବ | ଅବଚେତନ ମନକୁ କିପରି କାର୍ଯ୍ୟକ୍ଷମ କରିବେ ବହୁତ ଛୋଟ ଉଦାହରଣ ସହିତ ବିସ୍ତୃତ ଭାବରେ ବର୍ଣ୍ଣନା କରିଥିଲେ | ଭଉଣୀ ରାଖୀ ମଧ୍ୟ କାହାଣୀ ମାଧ୍ୟମରେ ଅବଚେତନ ମନ ବିଷୟରେ ବ୍ୟାଖ୍ୟା କରିଥିଲେ |
ଏହି କାର୍ଯ୍ୟକ୍ରମ କୁ ଶ୍ରୀମତୀ ବିନ୍ଦିଆ ଜୈନ ବହୁତ ଭଲ ଭାବରେ ପରିଚାଳନା କରିଥିଲେ | ନବରଙ୍ଗପୁର ମହିଳା ମଣ୍ଡଳ ର ମନ୍ତ୍ରୀ ଶ୍ରୀମତି ରୀନ ଜୈନ ଅବଚେତନ ମନ ବିଷୟରେ କହି ଶେଷରେ ସମସ୍ତଙ୍କୁ କୃତଜ୍ଞତା ଜଣାଇଥିଲେ |