ଇତିହାସ ସୃଷ୍ଟି କରି ଭାରତ ପାଇଁ ଗୌରବ ଆଣିଲେ ନିରଜ
ଟୋକିଓ : ଅଲିମ୍ପିକରେ ଭାରତ ପାଇଁ ଫିଲଡ ଆଣ୍ଡ ଟ୍ରାକ ଇଭେଣ୍ଟରେ ପ୍ରଥମ ସ୍ବର୍ଣ୍ଣ ପଦକ ବିଜୟୀ ହୋଇ ଟୋକିଓ ଅଲିମ୍ପିକରେ ଭାରତ ପାଇଁ ଏପରି ବିରଳ ଗୌରବ ଆଣିଦେଇଛନ୍ତି ଭାରତର ସୁନା ପୁଅ ନିରଜ ଚୋପ୍ରା | ଅଲିମ୍ପିକ ଜାଭେଲିନ ଥ୍ରୋରେ ପ୍ରଥମ ସ୍ଥାନ ଅଧିକାର କରି ଭାରତ ପାଇଁ ଇତିହାସ ସୃଷ୍ଟି କରିଛନ୍ତି ନିରଜ | ଟୋକିଓ ଅଲିମ୍ପିକ୍ସରେ ପୁରୁଷ ଜାଭେଲିନ୍ ଥ୍ରୋ ଫାଇନାଲ୍ ଇଭେଣ୍ଟରେ 87.58 ମିଟର ଦୂରତାକୁ ଜାଭେଲିନ ଫିଙ୍ଗି ଭାରତ ପାଇଁ ଆଣିଛନ୍ତି ଏହି ବିରଳ ଗୌରବ | ଭାରତକୁ ଗର୍ବିତ କରିଛନ୍ତି ନିରଜ | ଫିଲଡ ଆଣ୍ଡ ଟ୍ରାକ ଇଭେଣ୍ଟରେ ଏହା ହେଉଛି ପ୍ରଥମ ତଥା ସ୍ବର୍ଣ୍ଣ ପଦକ | ଏ ବିରଳ ସଫଳତା ପାଇଁ ନିରଜଙ୍କୁ ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ, ଓଡ଼ିଶାର ମୁଖ୍ୟମନ୍ତ୍ରୀ ଅଭିନନ୍ଦନ ଜଣାଇଛନ୍ତି |