ପ୍ରଧାନମନ୍ତ୍ରୀ, ଧର୍ମେନ୍ଦ୍ର ଓ ଜୁଏଲ ଜଣାଇଲେ ଶୁଭେଚ୍ଛା, ହେଲେ ନବୀନଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଲେନି ବୈଜୟନ୍ତ 

ନବୀନଙ୍କୁ ଜଣାଇଲେନି ସିନା, ଇନ୍ଦୋରର ବିଜେପି ସାଂସଦଙ୍କୁ ବୈଜୟନ୍ତ ଜଣାଇଛନ୍ତି ବାର୍ଥ ଦେ ଉଇଶ

 ବଡ଼ ଭାଇ ନକଲେ ନାହିଁ, ବୈଜୟନ୍ତଙ୍କ ସାନଭାଇ  ଇମ୍ଫା ଏମଡି ଶୁଭ୍ରକାନ୍ତ ନବୀନଙ୍କୁ  ଜଣାଇଲେ ଶୁଭେଚ୍ଛା 

ଭୁବନେଶ୍ୱର (ଶାସକ ପ୍ରଶାସକ) : ଏହା ଏକାନ୍ତ ବ୍ୟକ୍ତିଗତ କଥା | ଏଥିରେ କାହାର କିଛି କହିବାର ନାହିଁ | ହେଲେ ସେ ଏତେ ବଡ ଜାତୀୟ ଦଳର ରାଷ୍ଟ୍ରୀୟ ଉପାଧ୍ୟକ୍ଷ | ଏତେଦିନ ସାଙ୍ଗ ହୋଇ ଥିଲେ | ପୁଣି ରାଜନୀତିରେ ଅଛନ୍ତି | ରାଷ୍ଟ୍ରପତି ଶୁଭେଚ୍ଛା ଜଣାଉଛନ୍ତି, ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଉଛନ୍ତି, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁଭେଚ୍ଛା ଜଣାଉଛନ୍ତି, ତ୍ରିପୁରା ମୁଖ୍ୟମନ୍ତ୍ରୀ ଜଣାଇଛନ୍ତି ଶୁଭେଚ୍ଛା, ସାଂସଦ ଜୁଏଲ ଓରାମ ଜଣାଇଛନ୍ତି ଶୁଭେଚ୍ଛା | ତେଣୁ ସୌଜନ୍ୟତାର ସହ ଜନ୍ମଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଶୁଭେଚ୍ଛା ଜଣାଇଥିବେ ବୋଲି ଆଶାକରଯାଉଥିଲା | କାରଣ କିଏ କାହାକୁ କଣ ଜଣାନ୍ତୁ ନଜଣାନ୍ତୁ, ପ୍ରତ୍ୟେକ ଦିନ କିନ୍ତୁ ବୈଜୟନ୍ତ ବାବୁ କିଛି ବିଶିଷ୍ଟ ବ୍ୟକ୍ତିଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଥାନ୍ତି | ତେଣୁ ଚିରାଚରିତ ଭାବେ ସେ ନବୀନ ବାବୁଙ୍କ ଭଳି ଜାତୀୟ ସ୍ତରର ନେତାଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଥିବେ ବୋଲି ଆଶା କରାଯାଉଥିଲା | ହେଲେ କାହିଁ ତାଙ୍କ ଟୁଇଟର ହାଣ୍ଡଲ ରେ କୋଉଠି ଶୁଭେଚ୍ଛା ପାଇଲୁ ନାହିଁ | ଚାରୋଟି ଟୁଇଟର ହାଣ୍ଡଲ ଦରାଣ୍ଡିଲୁ , ହେଲେ ଗୋଟିଏ ଅଫିସିଆଲ ଟୁଇଟର ହାଣ୍ଡଲରେ ମଧ୍ୟପ୍ରଦେଶର ଜଣେ ଏମପିଙ୍କୁ ବୈଜୟନ୍ତ ବାବୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି | ହେଲେ ନବୀନ ବାବୁଙ୍କ ପାଇଁ ଶୁଭେଚ୍ଛା ବାର୍ତ୍ତା ତାଙ୍କ ଟୁଇଟର ହାଣ୍ଡଲରେ ଖବର ଲେଖା ହେବା ପର୍ଯ୍ୟନ୍ତ ନାହିଁ | 

ନବୀନଙ୍କୁ ସିନା ଜଣାଇନାହାନ୍ତି ଶୁଭେଚ୍ଛା,  ହେଲେ ବୈଜୟନ୍ତ ବାବୁ ଇନ୍ଦୋରର ସାଂସଦ ଶଙ୍କର ଲାଲବାନିଙ୍କୁ ଜନ୍ମଦିନରେ ଆଜି ଶୁଭେଚ୍ଛା ଜଣାଇଛନ୍ତି |  ତାଙ୍କର ୪ଟି ଟୁଇଟର ପେଜରେ କୋଉଠି କିଛି ଶୁଭେଚ୍ଛା ବାର୍ତ୍ତା ନାହିଁ | ଅବଶ୍ୟ କିଏ କାହାକୁ ଶୁଭେଚ୍ଛା ଜଣାଇବା ନଜଣାଇବା ବ୍ୟକ୍ତିଗତ କଥା | ହେଲେ ବୈଜୟନ୍ତ ପଣ୍ଡାଙ୍କ ଓ ଓଟିଭି ଓ ସରକାରଙ୍କ ମଧ୍ୟରେ  ବର୍ତ୍ତମାନ ଯେଉଁ ଟଣାଓଟରା ପରିସ୍ଥିତି ଚାଲିଛି ସେଥିପାଇଁ ବୋଧେ ବୈଜୟନ୍ତ ବାବୁ ଶୁଭେଚ୍ଛା ଜଣାଇନାହାନ୍ତି ବୋଲି ଆଶା କରାଯାଉଛି | 

ଅବଶ୍ୟ ଟୁଇଟରରେ ନକରି କଲେ ଅନ୍ୟ ସାମାଜିକ ଗଣମାଧ୍ୟମରେ ଶୁଭେଚ୍ଛା ଜାଣିଥିବେ ଅବା ଫୋନେ ଯୋଗେ ଶୁଭେଚ୍ଛା ଜଣାଇଥିବେ ବୋଧ ହୁଏ ମୁଖ୍ୟମନ୍ତ୍ରୀଙ୍କୁ ତାଙ୍କ ପୁରୁଣା ଅନ୍ତରଙ୍ଗ ସହଯୋଗୀ ବୈଜୟନ୍ତ | 

ବୈଜୟନ୍ତ ପଣ୍ଡା ସିନା ଜଣାଇ ନାହାନ୍ତି ନବୀନ ବାବୁଙ୍କୁ ଜନ୍ମଦିନର ଶୁଭକାମନା | ହେଲେ ତାଙ୍କ ସାନ ଭାଇ ତଥା ବୈଜୟନ୍ତଙ୍କ ପରିବାର ପରିଚାଳିତ ଇମ୍ଫାକମ୍ପାନୀର ଏମଡି ଶୁଭ୍ରକାନ୍ତ ପଣ୍ଡା ନବୀନଙ୍କୁ  ଜଣାଇଛନ୍ତି ଜନ୍ମଦିନରେ ହାର୍ଦ୍ଦିକ ଶୁଭକାମନା | ସେ ତାଙ୍କ ଟୁଇଟର ହାଣ୍ଡଲରେ ନବୀନଙ୍କୁ ଶୁଭେଚ୍ଛା ଜଣାଇ  ଲେଖିଛନ୍ତି ” Best wishes to Hon’ble CM 

@Naveen_Odisha   on his birthday – may he be blessed with a long life & continue to serve people of Odisha. I’ve had the opportunity to meet him on many occasions over the years; this was to receive an award instituted by a leading newspaper.”