​ ଭଞ୍ଜନଗର ରୁ (ଉଦୟନାଥ ପଣ୍ଡା )୧୬ ଫେବ୍ରୁଆରୀ ୨୦୨୬ ଶାସକ ପ୍ରଶାସକ: ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ବରିଷ୍ଠ ନାଗରିକଙ୍କ ଅମୂଲ୍ୟ ଅବଦାନ, ଅଭିଜ୍ଞତା ଓ ଜ୍ଞାନକୁ ସମ୍ମାନ ଜଣାଇବା ଉଦ୍ଦେଶ୍ୟରେ "ବରିଷ୍ଠ ନାଗରିକ ସପ୍ତାହ" ଅବସରରେ ଭଞ୍ଜନଗର ବ୍ଲକ କନ୍ଫରେନ୍ସ୍ ହଲ୍ ଠାରେ ଏକ ଭବ୍ୟ “କବିତା ପାଠ ଉତ୍ସବ” ଅନୁଷ୍ଠିତ ହୋଇଯାଇଛି।
​ଭଞ୍ଜନଗର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ଭାରତୀ ଦେବୀଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ବହୁ ବରିଷ୍ଠ ନାଗରିକ ସ୍ୱରଚିତ କବିତା ପାଠ କରି ନିଜର ପ୍ରତିଭା ପ୍ରଦର୍ଶନ କରିଥିଲେ। ଏଥିରେ ​ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ଉମାଶଙ୍କର ବେହେରା (ଉପଜିଲ୍ଲାପାଳ), ​ସମ୍ମାନିତ ଅତିଥି ଭାବେଚନ୍ଦ୍ରଗିରି ଗାୟତ୍ରୀ (ସହାୟକ ଜିଲ୍ଲାପାଳ), ଶ୍ରୀ ସନ୍ତୋଷ କୁମାର ନାୟକ (ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ), ​ବିଚାରକ ଭାବେ ଡ଼. କମ୍ବୁପାଣି ସାମନ୍ତ (ଅବସରପ୍ରାପ୍ତ ଅଧ୍ୟକ୍ଷ), ପ୍ରଫେସର କୃତ୍ତିବାସ ବିଶ୍ୱାଳ ଏବଂ କବି ପ୍ରଶାନ୍ତ ମହାନ୍ତି ଯୋଗ ଦେଇଥିଲେ
​ଶ୍ରୀମତୀ ପ୍ରଭାତୀ ମଞ୍ଜରୀ ବେହେରା। ​କାର୍ଯ୍ୟକ୍ରମର ବିବରଣୀ ପାଠ ସହିତ ସଭା ସଂଯୋଜନା କରିଥିଲେ।
​ଉତ୍ସବରେ ବହୁସଂଖ୍ୟାରେ ବରିଷ୍ଠ କବି ଓ ନାଗରିକ ଯୋଗ ଦେଇ ସମାଜର ବିଭିନ୍ନ ଦିଗ ଉପରେ ହୃଦୟସ୍ପର୍ଶୀ କବିତା ପାଠ କରିଥିଲେ, ଯାହା ଶ୍ରୋତାମାନଙ୍କୁ ବିମୋହିତ କରିଥିଲା। ବରିଷ୍ଠ ନାଗରିକମାନଙ୍କ ସମ୍ମାନ ଓ ସୁରକ୍ଷା ସୁନିଶ୍ଚିତ କରିବା ସହ ସମାଜକୁ ଏକତ୍ରିତ କରିବା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ବୋଲି ଅତିଥିମାନେ ମତବ୍ୟକ୍ତ କରିଥିଲେ। ​କବିତା ପାଠ ପ୍ରତିଯୋଗିତାରେ ନିମ୍ନଲିଖିତ କବିମାନଙ୍କୁ ଶ୍ରେଷ୍ଠ ବିବେଚିତ କରାଯାଇ ସମ୍ବର୍ଦ୍ଧିତ କରାଯାଇଥିଲା:
​ପ୍ରଥମ: ସନ୍ତୋଷ କୁମାର ଜେନା
​ଦ୍ୱିତୀୟ: ନେତାଜୀ ବିଷୋୟୀ
​ତୃତୀୟ: ସୁରେଶ ଚନ୍ଦ୍ର ସ୍ୱାଇଁ
​ଆସନ୍ତା ୨୦ ଫେବ୍ରୁଆରୀରେ ଅନୁଷ୍ଠିତ ହେବାକୁ ଥିବା ଜିଲ୍ଲା ସ୍ତରୀୟ କାର୍ଯ୍ୟକ୍ରମରେ ଅଂଶଗ୍ରହଣ କରିବା ପାଇଁ ବିଜେତାମାନଙ୍କୁ ବିଡିଓ ଶ୍ରୀମତୀ ଭାରତୀ ଦେବୀ ସୂଚନା ପ୍ରଦାନ କରିଥିଲେ। ପରିଶେଷରେ ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ସନ୍ତୋଷ କୁମାର ନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।