କର୍ମରେ ପ୍ରମାଣ, ବିକାଶରେ ପରିଚୟ — ଆମ ବଲାଙ୍ଗୀର

ସ୍ୱାୟତ୍ତ ଶାସନ ଦିବସରେ ବଲାଙ୍ଗୀର ପୌର ପରିଷଦକୁ ଅଭିନନ୍ଦନ

ବଲାଙ୍ଗୀର: ସ୍ୱାୟତ୍ତ ଶାସନ ଦିବସର ଗୌରବମୟ ଅବସରରେ ବଲାଙ୍ଗୀର ପୌର ପରିଷଦର ଅଧ୍ୟକ୍ଷା ଶ୍ରୀମତୀ ଲିକା ସାହୁ, ସମସ୍ତ କାଉନସିଲର ଏବଂ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ସନ୍ତୋଷ ବେହେରାଙ୍କୁ ବିଭିନ୍ନ ମହଲରୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା ଜଣାଯାଇଛି।

ବଲାଙ୍ଗୀର ପୌର ପରିଷଦର ବିଭିନ୍ନ କାର୍ଯ୍ୟକ୍ରମ ଓ ବିକାଶମୂଳକ ପଦକ୍ଷେପ ଏବେ ସହରବାସୀଙ୍କ ମଧ୍ୟରେ ଚର୍ଚ୍ଚାର ବିଷୟ ହୋଇଛି। ଉନ୍ନତ ନାଗରିକ ସେବା, ସହରର ବିକାଶ ଏବଂ ଜନସାଧାରଣଙ୍କ ଆବଶ୍ୟକତାକୁ ପ୍ରାଥମିକତା ଦେଇ କାର୍ଯ୍ୟ କରିବା ଦିଗରେ ପୌର ପରିଷଦର ପ୍ରୟାସକୁ ପ୍ରଶଂସା କରାଯାଉଛି।

ଅଧ୍ୟକ୍ଷା ଲିକା ସାହୁଙ୍କ ନେତୃତ୍ୱରେ ସମସ୍ତ କାଉନସିଲର ଓ ପୌର ପ୍ରଶାସନର ଅଧିକାରୀମାନଙ୍କ ସମନ୍ୱିତ ପ୍ରୟାସ ସହରର ବିକାଶକୁ ଏକ ନୂଆ ଦିଗ ଦେବ ବୋଲି ଆଶା ପ୍ରକାଶ ପାଇଛି।

“କଥା ନୁହେଁ, କାମ କଥା କହୁ; ପ୍ରତିଶ୍ରୁତି ନୁହେଁ, ବିକାଶ ଦୃଶ୍ୟମାନ ହେଉ”—ଏହି ମନ୍ତ୍ରକୁ ଆଧାର କରି ବଲାଙ୍ଗୀରକୁ ଏକ ସୁନ୍ଦର, ସ୍ୱଚ୍ଛ ଓ ବିକଶିତ ସହରରେ ପରିଣତ କରିବା ଦିଗରେ ନିରନ୍ତର ପ୍ରୟାସ ଜାରି ରହିବା ଆବଶ୍ୟକ।

ପୌର ପରିଷଦର ସଫଳତା କେବଳ ପ୍ରଶାସନର ସଫଳତା ନୁହେଁ, ଏହା ସମଗ୍ର ବଲାଙ୍ଗୀରବାସୀଙ୍କ ସହଯୋଗ ଓ ଅଂଶଗ୍ରହଣର ପ୍ରତିଫଳନ। ଆଗାମୀ ଦିନରେ ବିକାଶର ଧାରା ଅବ୍ୟାହତ ରହିବା ସହ ବଲାଙ୍ଗୀର ଏକ ନୂଆ ପରିଚୟ ସୃଷ୍ଟି କରିବ ବୋଲି ସହରବାସୀ ଆଶାବାଦୀ।