ବିଜେପୁର ହସ୍ପିଟାଲ ସମ୍ମୁଖରେ ବାଇକ ଦୁର୍ଘଟଣା : ଗୁରୁତର ଆହତ ହେଲେ ପୂର୍ଣ୍ଣିମା ମୁଗ୍ରୀ
ବିଜେପୁର :-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ବଡ଼ବାଉସେନ ଗ୍ରାମପଂଚାୟତ କୁରକୁଟା ଗଣ୍ଡପାଲି ଗ୍ରାମର ପୂର୍ଣ୍ଣିମା ମୁଗ୍ରୀ, ସ୍ୱାମୀ ଅନାଦି ମୁଗ୍ରୀ, ଆଜି ସନ୍ଧ୍ୟା ପ୍ରାୟ ଛଅଟା ବେଳେ ବିଜେପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ତାଙ୍କ ଜଣେ ସମ୍ପର୍କୀୟଙ୍କୁ ଦେଖିବା ପାଇଁ ଆସିଥିଲେ। ହସ୍ପିଟାଲରୁ ବାହାରୁଥିବା ବେଳେ ଏକ ଦ୍ରୁତଗତି ବାଇକ ଆସି ଧକ୍କା ହୋଇଥିଲା, ଫଳରେ ସେ ତଳେପଡ଼ି ଗୁରୁତର ଆହତ ହୋଇଥିଲେ।
ଦୁର୍ଘଟଣା ଦେଖି ସ୍ଥାନୀୟ ଲୋକମାନେ ତୁରନ୍ତ ତାଙ୍କୁ ଉଠେଇ ବିଜେପୁର ହସ୍ପିଟାଲକୁ ନେଇ ଚିକିତ୍ସା ପାଇଁ ଭର୍ତ୍ତି କରିଥିଲେ। ଡାକ୍ତରମାନେ ଜଣାଇଛନ୍ତି ଯେ ପୂର୍ଣ୍ଣିମା ମୁଗ୍ରୀଙ୍କ ଆଖିପରଦା ପାଖରେ ଗଭୀର ଆଘାତ ହୋଇଥିବାରୁ ତିନୋଟି ସ୍ଟିଚ୍ ଲଗାଯାଇଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା ସତ୍ତ୍ୱେ ଚିକିତ୍ସକମାନେ ନିରୀକ୍ଷଣରେ ରଖିଛନ୍ତି।
ସ୍ଥାନୀୟ ଲୋକମାନଙ୍କ କହିବା ଅନୁସାରେ, ବିଜେପୁର ହସ୍ପିଟାଲ ଶମ୍ଭୁଖରେ ଲାଇଟ ଅଚଳ ରହିଥିବା ଓ ରୋଡ୍ ବ୍ରେକର ନଥିବା ଯୋଗୁଁ ଏହି ସ୍ଥାନରେ ବାରମ୍ବାର ଦୁର୍ଘଟଣା ଘଟୁଛି। ଏହି ସ୍ଥାନଟି ହେଉଛି ବିଜେପୁର ହସ୍ପିଟାଲ, ତହସିଲ ଅଫିସ,ବିଜେପୁର କଲେଜ, ଷ୍ଟେଟ୍ ବ୍ୟାଙ୍କ ଓ ଅନେକ କାର୍ଯ୍ୟାଳୟ ଯୋଗାଯୋଗ ରାସ୍ତା। ଏହା ଦିନ ଓ ରାତି ଦୁହିଁବେଳେ ଯାତାୟାତ ଭିଡ଼ ଥିବା ଏକ ମୁଖ୍ୟ ସଂଯୋଗ ସ୍ଥାନ।
ସ୍ଥାନୀୟ ବାସିନ୍ଦା ଓ ଯାତ୍ରୀମାନଙ୍କ ଅନୁସାରେ, ରାତି ସମୟରେ ଲାଇଟ ଅଭାବ ଏବଂ ବ୍ରେକର ନଥିବାରୁ ବାଇକ ଓ ଚାଲିଥିବା ଲୋକଙ୍କ ମଧ୍ୟରେ ଧକ୍କା ଘଟୁଛି। ଗତ କିଛି ମାସ ମଧ୍ୟରେ ଏହି ସ୍ଥାନରେ ଅନେକ ସାନ ଓ ମଧ୍ୟମ ଦୁର୍ଘଟଣା ଘଟିଥିବା ଜଣାପଡ଼ିଛି।
ସ୍ଥାନୀୟ ଜନସାଧାରଣ ବିଜେପୁର ପ୍ରଶାସନ ପକ୍ଷରୁ ଏହି ଅଞ୍ଚଳରେ ତତ୍କାଳ ରୋଡ୍ ବ୍ରେକର ଓ ଲାଇଟ ବ୍ୟବସ୍ଥା ସ୍ଥାପନ କରିବାକୁ ଦାବି କରିଛନ୍ତି। ଅଞ୍ଚଳବାସୀ କହିଛନ୍ତି ଯେ ହସ୍ପିଟାଲ ଏବଂ ତହସିଲ ଅଫିସ ଭଳି ଜନସେବା ସଂସ୍ଥା ଥିବା ଏକ ସ୍ଥାନରେ ସୁବିଧା ଯେପରିକି ଲାଇଟ ନଥିବା ଦୁଃଖଦ।
“ପ୍ରତିଦିନ ଶତାଧିକ ଲୋକ ହସ୍ପିଟାଲ ଓ ଅଫିସ ଆସୁଛନ୍ତି, ରାତିରେ ଅନ୍ଧାର ରହିଥାଏ, ଯେଉଁଥିରୁ ଦୁର୍ଘଟଣା ହେବା ସ୍ୱାଭାବିକ। ପ୍ରଶାସନ ଶୀଘ୍ର ଉଚିତ ବ୍ୟବସ୍ଥା କରିବା ପାଇଁ ଅଞ୍ଚଳ ବାସିଙ୍କ ଦାବି l
ବିଜେପୁର ଅଞ୍ଚଳରେ ଗତ କିଛି ମାସ ଧରି ହେଉଥିବା ବାଇକ ଓ ଚାଳିତ ଗାଡି ଦୁର୍ଘଟଣା ସଂଖ୍ୟା ବଢ଼ିବା ନେଇ ଲୋକମାନେ ଚିନ୍ତିତ। ଜନମତ ରହିଛି ଯେ ଯଦି ଶୀଘ୍ର ଟ୍ରାଫିକ୍ ନିୟନ୍ତ୍ରଣ ଓ ସୁରକ୍ଷା ବ୍ୟବସ୍ଥା ନ ହେଲେ ଆଗାମୀ ଦିନରେ ଆଉ ଗୁରୁତର ଦୁର୍ଘଟଣା ଘଟିପାରେ।