ପ୍ରଦୀପଙ୍କ ବିରୋଧରେ ଥିବା ଦୁର୍ନୀତି ଅଭିଯୋଗର ତଦନ୍ତ କରିବେ ଲୋକାୟୁକ୍ତ : ମୁଖ୍ୟମନ୍ତ୍ରୀ କଲେ ସୁପାରିଶ 

ଭୁବନେଶ୍ୱର (ଶାସକ ପ୍ରଶାସକ): ବିଜେଡିରୁ ବହିସ୍କୃତ ବିଧାୟକ ଡ ପ୍ରଦୀପ ପାଣିଗ୍ରାହୀଙ୍କ ବିରୋଧରେ ହୋଇଥିବା ଦୁର୍ନୀତି ଅଭିଯୋଗକୁ  ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଲୋକାୟୁକ୍ତ ଦ୍ୱାରା ତଦନ୍ତ ବା ଅନୁସନ୍ଧାନ ପାଇଁ ସୁପାରିଶ କରିଛନ୍ତି । ଜଣେ ରାଜନେତାଙ୍କ ବିରୋଧରେ ଆସିଥିବା ଦୁର୍ନୀତି ଅଭିଯୋଗ ଉପରେ ଲୋକାଯୁକ୍ତ ତଦନ୍ତ ହେବାରେ ଏହା ହେବ ରାଜ୍ୟରେ  ପ୍ରଥମ ମାମଲା | ସୂଚନାଯୋଗ୍ୟ ଯେ  ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ସରକାର ସାଧାରଣ ଜୀବନରେ ଦୁର୍ନୀତି ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଜଣାଶୁଣା |  ଆଜି ମୁଖ୍ୟମନ୍ତ୍ରୀଙ୍କ ଏହି ନିଷ୍ପତ୍ତି ଦୁର୍ନୀତି ବିରୋଧରେ ଆଉ ଏକ ବଳିଷ୍ଠ ପଦକ୍ଷେପ ହେବ ବୋଲି ଆଶା କରାଯାଉଛି |