ମୃତକ ତୁଳସୀ ମୁଣ୍ଡା ପରିବାରକୁ ଭେଟି ଗଭୀର ସମବେଦନା ଜଣାଇଲା ବିଜେପି ପ୍ରତିନିଧୀ ଦଳ
ବାଙ୍ଗିରୀପୋଷୀ ଘଟଣା ବଖାଣୁଛି ରାଜ୍ୟରେ କିପରି ଚାଲିଛି ସ୍ୱାସ୍ଥ୍ୟସେବା ଓ ମହିଳା ସୁରକ୍ଷା ଯୋଜନା
କୋମାରେ ରାଜ୍ୟସରକାରଙ୍କ ସ୍ୱାସ୍ଥ୍ୟ ବିଭାଗ ଏବଂ ମମତା ଯୋଜନା
ଆଦିବାସୀ ମହିଳା ତୁଳସୀ ମୁଣ୍ଡାଙ୍କ ମୃତ୍ୟୁ ‘ମୋ ସରକାର’ ଯୋଜନା ବିଫଳତାର ଦୃଷ୍ଟାନ୍ତ
ମୃତକ ତୁଳସୀଙ୍କ ପରିବାରକୁ ୧୦ ଲକ୍ଷ କ୍ଷତିପୂରଣ ସହ ତାଙ୍କ ସନ୍ତାନର ଭରଣ ପୋଷଣ ଦାୟିତ୍ୱ ନିଅନ୍ତୁ ରାଜ୍ୟସରକାର
ଭୁବନେଶ୍ୱର, (ଶାସକ ପ୍ରଶାସକ) : ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗ ସଂପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ସ୍ୱାସ୍ଥ୍ୟ ବିଭାଗର ଖାମ ଖିଆଲି ନୀତି ଯୋଗୁଁ ରୋଗୀ ସେବା ଅନେକ ସ୍ଥାନରେ ବାଧାପ୍ରାପ୍ତ ହେଉଛି । ମେଡିକାଲରେ ଡାକ୍ତର ଅଭାବ, ଆବଶ୍ୟକୀୟ ଉପକରଣର ଅଭାବ, ଉନ୍ନତ ମାନର ଔଷଧର ଅଭାବ, ନିମ୍ନ ମାନର ଚିକିତ୍ସା ଏବଂ ଆମ୍ବୁଲାନ୍ସ ସେବାରେ ବିଭ୍ରାଟ ଯୋଗୁଁ ରାଜ୍ୟରେ ଅନେକ ରୋଗୀଙ୍କ ଜୀବନ ଯାଉଛି । ବାଙ୍ଗିରୀପୋଷି ବ୍ଲକର ହାଣଦା ଗ୍ରାମର ଚିତରଂଜନ ମୁଣ୍ଡାଙ୍କ ପତ୍ନୀ ତୁଳସୀ ମୁଣ୍ଡା ଦ୍ୱିତୀୟ ସନ୍ତାନ ପ୍ରସବ ନିମନ୍ତେ ଗର୍ଭ ଯନ୍ତ୍ରଣା କାରଣରୁ ଶୁକ୍ରବାର ରାତିରେ ବାଙ୍ଗିରୀପୋଷି ଡାକ୍ତରଖାନାରେ ଭର୍ତି ହୋଇଥିଲେ । ଆଦିବାସୀ ମହିଳା ତୁଳସୀଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜକୁ ନେବା ପାଇଁ ଡାକ୍ତର ରେଫର କରିଥିଲେ । ୧୦୮ ଓ ୧୦୨ ଆମ୍ବୁଲାନ୍ସ ନଥିବା ଯୋଗୁଁ ମେଡିକାଲ ଆମ୍ବୁଲାନ୍ସରେ ତୁଳସୀଙ୍କୁ ନେଇ ଗଲାବେଳେ ବାଟରେ ତେଲ ସରିବା କାରଣରୁ ଆଧା ରାସ୍ତାରେ ଗର୍ଭବତୀ ମହିଳାଙ୍କ ମୃତୁ୍ୟ ହୋଇଛି । ଏଭଳି ଏକ ଅଭାବନୀୟ ଘଟଣା ପରେ ମୟୁରଭଂଜ ସାଂସଦ ବିଶେଶ୍ୱର ଟୁଡୁଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ମୃତକ ତୁଳସୀ ମୁଣ୍ଡାଙ୍କ ପରିବାର ସଦସ୍ୟଙ୍କୁ ଭେଟି ସମବେଦନା ଜଣାଇବା ସହ ଏହା ଅତ୍ୟନ୍ତ ର୍ଦୁଭାଗ୍ୟଜନକ ଏବଂ ନିନ୍ଦନୀୟ ଘଟଣା ବୋଲି କହିଛନ୍ତି । ଏହା ପରେ ଶ୍ରୀ ଟୁଡୁ ବାଙ୍ଗିରୀପୋଷି ଗୋÂୀ ସ୍ୱାସ୍ଥ୍ୟ କେନ୍ଦ୍ର ଯାଇ ଡାକ୍ତରଙ୍କ ସହ ପୂରା ଘଟଣା ସଂର୍ପକରେ ଆଲୋଚନା କରିଥିଲେ ।
ଶ୍ରୀ ଟୁଡୁ କହିଛନ୍ତି ଯେ, ମୁଖ୍ୟମନ୍ତ୍ରୀ ‘ମୋ ସରକାର’ କଥା କହି ଲୋକ ହିଁ ପ୍ରକୃତ ମାଲିକ ବୋଲି କହୁଛନ୍ତି । କିନ୍ତୁ ଏଠି ବାଙ୍ଗିରୀପୋଷି ଡାକ୍ତରଖାନାରେ ପ୍ରସବ କରାଇବା ପାଇଁ ସ୍ତ୍ରୀ ପ୍ରସୂତି ବିଭାଗର ଡାକ୍ତର ନାହଁନ୍ତି । ସେହିପରି ୬ଟି ଡାକ୍ତର ପଦବୀରୁ ମାତ୍ର ୨ଜଣ ଡାକ୍ତର ଏଠି ନିଯୁକ୍ତ ଅଛନ୍ତି । ମେଡିକାଲରେ ନିୟମିତ ଆମ୍ବୁଲାନ୍ସ ଗୁଡିକର ରକ୍ଷଣାବେକ୍ଷଣା ଅଭାବ ଯୋଗୁଁ ଆଜି ଆଦିବାସୀ ମହିଳା ତୁଳସୀ ମୁଣ୍ଡାଙ୍କ ମୃତୁ୍ୟ ହୋଇଛି । ଏହା କଣ ‘ମୋ ସରକାର’ର ନମୂନା ? ଖୋଦ୍ ବାଙ୍ଗିରୀପୋଷି ବିଧାୟକ ତଥା ରାଜସ୍ୱମନ୍ତ୍ରୀ ସୁଦାମ ମାରାଣ୍ଡିଙ୍କ ନିର୍ବାଚନ ମଣ୍ଡଳୀରେ ଯଦି ଏଭଳି ସ୍ଥିତି ଦେଖା ଦେବା ଅତ୍ୟନ୍ତ ନିନ୍ଦନୀୟ ଘଟଣା । ରାଜ୍ୟସରକାର ତୁରନ୍ତ ମୃତକ ତୁଳସୀ ମୁଣ୍ଡା ପରିବାରକୁ ୧୦ ଲକ୍ଷ ଟଙ୍କା କ୍ଷତିପୂରଣ ଦେବା ସହ ତାଙ୍କ ସନ୍ତାନର ସମସ୍ତ ଖର୍ଚ୍ଚ ବହନ କରିବା ପାଇଁ ପ୍ରତିନିଧୀ ଦଳ ଦାବି କରିଛନ୍ତି ।
ସ୍ୱାସ୍ଥ୍ୟସେବାକୁ ରାଜ୍ୟସରକାର ଗୁରୁତର ସହ ନେଉ ନାହାଁନ୍ତି । କେବଳ ବିଜ୍ଞାପନରେ ୧୦୮ ଓ ୧୦୨ ଆମ୍ବୁଲାନ୍ସ ସେବା, ଜନନୀ ସୁରକ୍ଷା, ମମତା, ନିରାମୟ, ନିଦାନ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଆଦି ସ୍ଥାନ ପାଇଛି । ନିର୍ବାଚନ ସମୟରେ ରାଜ୍ୟବାସୀଙ୍କୁ ଭୂଆଁ ବୁଲାଇ ଭୋଟ ହାତେଇବା ପାଇଁ ସ୍ୱାସ୍ଥ୍ୟ ସେବା ନାଁରେ ଏମିତି ଅନେକ ଯୋଜନା କରିଛନ୍ତି ରାଜ୍ୟସରକାର | କିନ୍ତୁ ଯାହାଙ୍କ ପାଇଁ ଏ ଯୋଜନା ହୋଇଛି ସେମାନଙ୍କ ପାଖରେ ଏ ଯୋଜନା ପହଂଚିବା ସାତସପନ ପାଲଟୁଛି । ଆମ୍ବୁଲାନ୍ସ ପହଂଚିବା କାରଣରୁ ରାଜ୍ୟରେ ପ୍ରତ୍ୟେକ ଦିନ ଗର୍ଭବତୀ ମହିଳା ଖଟରେ, କାନ୍ଧରେ, ବେତ ଟୋକେଇରେ ବୁହା ହୋଇ ମେଡିକାଲରେ ପହଂଚୁଛନ୍ତି । ଅନେକ ସମୟରେ ଗର୍ଭବତୀ ମହିଳା ରାସ୍ତାକଡରେ ପ୍ରସବ କରି ମୃତ ଶିଶୁକୁ ଜନ୍ମ କରନ୍ତି ଅବା ମା’ ଶିଶୁ ଅଧିକ ରକ୍ତସ୍ରାବ ଯୋଗୁଁ ମୃତୁ୍ୟବରଣ କରନ୍ତି । ଏହା କ’ଣ ରାଜ୍ୟସରକାରଙ୍କ ସ୍ୱାସ୍ଥ୍ୟ ବିଭାଗର ବିକାଶ ବୋଲି ଶ୍ରୀ ଟୁଡୁ ପ୍ରଶ୍ନ କରିଛନ୍ତି ।
ଏହି ପ୍ରତିନିଧୀ ଦଳରେ ବାଙ୍ଗିରୀପୋଷ ବିଜେପି ବିଧାୟକ ପ୍ରାର୍ଥୀ ସୁକୁଡା ମୁର୍ମୁ, ମୟୁରଭଂଜ ଜିଲ୍ଲା ସଭାପତି ଓ ମୋରଡା ବିଜେପି ବିଧାୟକ ପ୍ରାର୍ଥୀ ଡ. କୃଷ୍ଣଚନ୍ଦ୍ର ମହାପାତ୍ର ଏବଂ ଦୋଳ ଗୋବିନ୍ଦ ବେହେରା ପ୍ରମୁଖ ସାମିଲ ଥିଲେ ।
Pls read related story : http://www.shasakprashasak.com/index.php/state/9156-2019-10-05-12-48-11
