ଅବକାରୀ ଗୋଇନ୍ଦା ବିଭାଗ ପକ୍ଷରୁ ସଦଳବଳେ ଚଢ଼ାଉ କରି ହିଞ୍ଜିଳି ଥାନା ଅନ୍ତର୍ଗତ ସୋମପୁର ଛକରେ ଦୁଇଟି ଦାମୀ ଗାଡ଼ି କୁ ଅଟକାଇ ଯାଞ୍ଚ କରିବା ବେଳେ ସୁଦୁର ପଶ୍ଚିମବଙ୍ଗ ରାଜ୍ୟ ମୁର୍ଶିଦାବାଦ ଜିଲ୍ଲାର ୪ ଯୁବକ ଉକ୍ତ ଦୁଇଟି ଗାଡ଼ିରେ ୧୩୫ କିଲୋ ଗଞ୍ଜେଇ ଚାଲାଣ କରୁଥିଲେ। ବିଭାଗୀୟ ଅଧିକାରୀ ଓ କର୍ମଚାରୀମାନେ ଉକ୍ତ ଗଞ୍ଜେଇ ଜବତ କରିବା ସହ ୪ ଯୁବକ ଯଥା ରାଜେଶ୍ ସରକାର,ସଜେଲ୍ ସରକାର, ଆସିଫ୍ ଇକବାଲ ଓ ସୟଦ୍ ଅହମ୍ମଦ କୁ ଅବକାରୀ ଆଇନ ଏନ୍ ଡି ପି ଏସ ଧାରା ଅନୁଯାୟୀ ଗିରଫ କରି କୋର୍ଟ ଚାଲାଣ କରିବା ସହ ୭ ଟି ମୋବାଇଲ ଫୋନ ଓ ଉକ୍ତ ଦୁଇ ଦାମୀ ଗାଡ଼ି କୁ ଜବତ କରିଛନ୍ତି।