ବଲାଙ୍ଗିର, ଶାସକ (ଘନଶ୍ୟାମ ନାଗ) ଟିଟିଲାଗଡ଼ରେ ଗ୍ରାମୀଣ ପାନୀୟ ଜଳ ଯୋଗାଣ ପାଇଁ କୋଟି କୋଟି ଟଙ୍କା ଖର୍ଚ୍ଚ କରି ନିର୍ମାଣ ହୋଇଥିବା ଓଭର ହେଡ ପାଣି ଟାଙ୍କି ଆଜି ପର୍ଯ୍ୟନ୍ତ ଅଚଳ ଅବସ୍ଥାରେ ପଡ଼ିରହିଛି । ଲକ୍ଷ୍ୟ ଥିଲା— ଲୋକଙ୍କୁ ସୁଚିତ୍ର ପାଣି ଯୋଗାଣ କରିବା । କିନ୍ତୁ ବାସ୍ତବତାରେ, ଏହା କେବଳ ଏକ ସିମେଣ୍ଟ ର ଢାଞ୍ଚା ଭଳି ରହିଛି, ଯେଉଁଥିରୁ ପାଣିର ଏକ ବିନ୍ଦୁ ମଧ୍ୟ ଲୋକଙ୍କ ପାଖକୁ ପହଞ୍ଚି ନାହିଁ। ଏହି ପ୍ରକାରର ପ୍ରକଳ୍ପ ଲୋକଙ୍କୁ ସୁବିଧା ଦେବା ପାଇଁ ନୁହେଁ, ଦେଖା ଦେଖି ପାଇଁ ହୋଇଥିବା ସନ୍ଦେହକୁ ସୁସ୍ପଷ୍ଟ କରୁଛି । ପ୍ରସାସନର ଅବହେଳା ଓ ବିଭାଗୀୟ ଅକ୍ଷମତାର କାରଣରେ ସାଧାରଣ ଲୋକ ଜଳ ସଙ୍କଟରେ ପଡ଼ି, ବହୁତ କଷ୍ଟ ସହୁଛନ୍ତି । ବିଶେଷତଃ ଗ୍ରୀଷ୍ମକାଳରେ ପାଣିର ଅଭାବ ଯେତେବେଳେ ମୃତ୍ୟୁଜନକ ରୂପ ନେଇଥାଏ, ସେତେବେଳେ ଏପରି ଅବ୍ୟବହୃତ ପ୍ରକଳ୍ପ ଗ୍ରାମବାସୀଙ୍କୁ କ୍ରୋଧିତ କରିବା ସ୍ବାଭାବିକ । ସମାଜରେ ବିଶ୍ୱାସ ତେବେ ହିଁ ଜନ୍ମେ, ଯେତେବେଳେ ପ୍ରଶାସନୀୟ ଉଦ୍ୟମ ଲୋକଙ୍କ ଆବଶ୍ୟକତାକୁ ପୂରଣ କରେ । କିନ୍ତୁ ଟିଟିଲାଗଡ଼ ବ୍ଲକ ଅନ୍ତର୍ଗତ ନାରେନ ଗ୍ରାମପଞ୍ଚାୟତର ନାରେନ ଗ୍ରାମରେ ନିର୍ମିତ ପାଣି ଟାଙ୍କିର ଦୁର୍ଦ୍ଦଶା ପ୍ରମାଣ କରୁଛି “ଅଛି ପ୍ରକଳ୍ପ, କିନ୍ତୁ ନାହିଁ ପରିଚାଳନା; ଅଛି ଖର୍ଚ୍ଚ, କିନ୍ତୁ ନାହିଁ ଫଳ ।” ଏହି ପରିସ୍ଥିତିରେ ସ୍ଥାନୀୟ ପ୍ରଶାସନଙ୍କ ତୁରନ୍ତ ପଦକ୍ଷେପ ଆବଶ୍ୟକ । ନହେଲେ ଗ୍ରାମବାସୀଙ୍କ ଆନ୍ଦୋଳନ ସ୍ବାଭାବିକ ଏବଂ ନ୍ୟାୟସଙ୍ଗତ ହେବ ।