ପଦ୍ମପୁର :- ପଞ୍ଚାୟତ ଉଚ୍ଚବିଦ୍ୟାଳୟ ପୁରେନା ପରିସର ମଧ୍ୟରେ ପ୍ରଧାନଶିକ୍ଷକ ଶ୍ରୀ ରେଣୁଧର ସାହୁଙ୍କ ସଭାପତିତ୍ବ ରେ ଗୁରୁ ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମର ସଂଯୋଜନା କରିଥିଲେ ଶିକ୍ଷକ ଶ୍ରୀ ପ୍ରମୋଦ ନାଥ। ସର୍ବ ପ୍ରଥମେ ଡ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ସଭାକାର୍ଯ୍ଯ ଆରମ୍ଭ ହୋଇଥିଲା। ପ୍ରଧାନଶିକ୍ଷକ ତାଙ୍କର ବକ୍ତବ୍ୟରେ ଗୁରୁଶିଷ୍ୟ ପରମ୍ପରା ଉପରେ କହିଥିଲେ । ଏହି ସଭାରେ ବରିଷ୍ଠ ଶିକ୍ଷକ ଶ୍ରୀ ଅକ୍ଷୟ କୁମାର ବେହେରା, ଶ୍ରୀ ଲେଖ୍ରୁ ବାରିକ ଓ ଶ୍ରୀ ଚନ୍ଦ୍ରଭାନୁ ବଡଗୁଛିଆ ଉପସ୍ଥିତ ଥିଲେ। ଛାତ୍ର ଲୋକନାଥ ସାହୁ, ଧବଳେଶ୍ଵର ମହାପାତ୍ର, ନନ୍ଦିନୀ ପଟେଲ ,ପ୍ରିୟଙ୍କା ସାହୁ ଓ ସଂଚିତା ସାହୁ ଗୁରୁ ବନ୍ଦନା କରିଥିଲେ।ପରିଶେଷରେ ଗୁରୁପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥଲା।