ଗୁଣପୁର ରୁ ସନ୍ତୋଷ କୁମାର ସୁବୁଦ୍ଧି :ରାୟଗଡ଼ା ଜିଲ୍ଲା ଅନ୍ତର୍ଗତ ଗୁଣୁପୁର ବନାଞ୍ଚଳ ଚି଼ମ୍ପାପୁର ର ଏକ କପା ବାଡ଼ ରୁ ଗତ କାଲି ଵିଳମ୍ବିତ ରାତ୍ରି ରେ ଏକ ମାଈ ହାତୀ ର ମୃତ ଦେହ ଠାବ କରାଯାଇଛି l ନିକଟ ରେ ଥିବା ବିଦ୍ୟୁତ ପୋଲ କୁ ହାତୀ ଟି ଭାଙ୍ଗିବା ପାଇଁ ଚେଷ୍ଟା କରୁଥିବା ବେଳେ ବିଦ୍ୟୁତ ତାର ସଂସ୍ପର୍ଶ ରେ ଆସି ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି l ବନାଞ୍ଚଳ ଅଧିକାରୀ ଙ୍କ ଠାରୁ ମିଳିଥିବା ତଥ୍ୟ ଅନୁସାରେ ଏହି ହାତୀ ଟି ଆନ୍ଧ୍ରପ୍ରଦେଶ ଶ୍ରୀକାକୁଲମ ର କୋଟ୍ରାଗୁଡା ଜଙ୍ଗଲ ରୁ ଅନ୍ୟ ଏକ ହାତୀ ସହ ଆସି ଗୁଣୁପୁର ବନାଞ୍ଚଳ ରେ ଘୁରି ବୁଲୁଥିଲା l ଏହି ହାତୀ ପୋଲ ର ୬ ଟି ହାତୀ ମଧ୍ୟ ରୁ ୪ ଟି ହାତୀ ଆନ୍ଧ୍ର ଜଙ୍ଗଲ ରେ ବିଦ୍ୟୁତ ତାର ସଂସ୍ପର୍ଶ ରେ ଆସି ବିଗତ ବର୍ଷ ମୃତ୍ୟୁ ବରଣ କରିଥିଲେ l ଏବଂ ଏହି ପୋଲ ର ଅନ୍ୟ ଦୁଇ ହାତୀ ଚଳିତ ବର୍ଷ ଗୁଣୁପୁର ବନଖଣ୍ଡ କୁ ଚାଲିଆସିଥିଲେ l କିନ୍ତୁ ବିଗତ ରାତ୍ର ରେ ଏହି ଦୁଇ ହାତୀ ଚି଼ମ୍ପାପୁର ନିକଟ ରେ ଥିବା କପା ବାଡ଼ ରେ ପସିବା ପରେ ବିଦ୍ୟୁତ ଖୁଣ୍ଟି କୁ ଭାଙ୍ଗିବାର ଚେଷ୍ଟା କରିଥିଲେ l ବିଦ୍ୟୁତ ଖୁଣ୍ଟି ନଇଁ ପଡିବାରୁ ବିଦ୍ୟୁତ ତାର ମାଈ ହାତୀ ର ସଂସ୍ପର୍ଶ ରେ ଆସି ହାତୀ ଟିର ମୃତ୍ୟୁ ହୋଇଛି l ଏହି ହାତୀ ପୋଲ ର ଶେଷ ହାତୀ ଟି ମଧ୍ୟ ବିଦ୍ୟୁତ ତାର ସଂସ୍ପର୍ଶ ରେ ଆସି ଆଘାତ ହେଇଥିବା ନେଇ ସ୍ଥାନୀୟ ଲୋକେ ସନ୍ଦେହ କରୁଛନ୍ତି l
