ଭୁବନେଶ୍ୱର/ରାୟଗଡା: ଆଦିତ୍ୟ ବିର୍ଲା ଗ୍ରୁପ୍ର ଉତ୍କଳ ଆଲୁମିନା ଇଣ୍ଟରନ୍ୟାସନାଲ ଲିମିଟେଡ (ୟୁଏଆଇଏଲ୍), ନାବାର୍ଡ ସହଯୋଗିତାରେ ରାୟଗଡାରେ ପ୍ରୋଜେକ୍ଟ ୱାଡି କାର୍ଯ୍ୟକାରୀ କରିଛି । ଏହା କୃଷକଙ୍କ ଆୟ ଦୁଇଗୁଣ କରିବା ଲକ୍ଷ୍ୟ ରଖିଛି । ଏହା ଗ୍ରାମାଞ୍ଚଳ ଆଦିବାସୀ ପରିବାରଗୁଡିକର ଆୟ ଏକ ଦୀର୍ଘସ୍ଥାୟୀ ଭାବରେ ତିନିରୁ ଛଅବର୍ଷ ମଧ୍ୟରେ ବୃଦ୍ଧି ଜରିଆରେ ସେମାନଙ୍କ ଜୀବନର ମାନରେ ଉନ୍ନତି ଆଣିବା ଉପରେ ଦୃଷ୍ଟିନିବଦ୍ଧ କରୁଛି । କୃଷି-ଉଦ୍ୟାନ କୃଷି କାର୍ଯ୍ୟ ଏବଂ ଅନ୍ୟାନ୍ୟ ଆୟକାରୀ କାର୍ଯ୍ୟକଳାପ ପୂରା ଦମ୍ରେ ଚାଲିଛି । ୨୦୧୯ରେ ଶୁଭାରମ୍ଭ କରାଯାଇଥିବା ପ୍ରୋଜେକ୍ଟ ୱାଡି ପାଇଁ ଉତ୍କଳ ଆଲୁମିନା ଜନ ସେବା ଟ୍ରଷ୍ଟ (ୟୁଏଜେଏସ୍ଟି), ନାବାର୍ଡ ଏବଂ ୟୁଏଆଇଏଲ୍ ମିଳିତ ଭାବରେ ପାଣ୍ଠି ଯୋଗାଇ ଦେଉଛନ୍ତି ।
ଏହା ଏକ ଉଲ୍ଲେଖଯୋଗ୍ୟ ପ୍ରକଳ୍ପ ଯାହା ଅଧିବାସୀମାନଙ୍କର ଜୀବନକୁ ଉନ୍ନତ କରୁଛି । ଉଦାହରଣ ସ୍ୱରୂପ, ଶ୍ରୀ ଉଗ୍ରି ମାଝୀଙ୍କର ଏକଦା ପଡିଆ ପଡିଥିବା ଜମି ଏବେ ଫଳ ବଗିଚା ଭାବରେ ହସିଉଠୁଛି । ପ୍ରୋଜେକ୍ଟ ୱାଡି ହେବା ପୂର୍ବରୁ ଶ୍ରୀ ମାଝୀଙ୍କର ଜମି ପଡିଆ ପଡିଥିଲା, ସେଥିରେ କାଁ ଭାଁ ଚାଷ ଉଦ୍ୟମରୁ ସାମାନ୍ୟ କିଛି ଅମଳ ହେଉଥିଲା । ପ୍ରୋଜେକ୍ଟ ୱାଡିର କାର୍ଯ୍ୟକାରିତା ପରେ ସେ ତାଙ୍କର ଫଳ ବଗିଚାର ବିକାଶ ନିମନ୍ତେ ଜମି ଚଉହଦୀ ଚିହ୍ନଟ, ସୌରଶକ୍ତି ଚାଳିତ ଜଳସେଚନ ବ୍ୟବସ୍ଥା, ଫସଲ ଚାଷ ଏବଂ ଆର୍ଥିକ ସାକ୍ଷରତା ତାଲିମ ଆଦି ପ୍ରତ୍ୟେକ ଦିଗରୁ ପୂର୍ଣ୍ଣାଙ୍ଗ ସମର୍ଥନ ପାଇଛନ୍ତି । 
ତାଙ୍କର ଯାତ୍ରା ସମ୍ପର୍କରେ ପ୍ରକାଶ କରି ଶ୍ରୀ ମାଝୀ ଉତ୍ତମ କୃଷି ଉତ୍ପାଦିକତା ନିମନ୍ତେ ଉତ୍କଳ ଆଲୁମିନା ନିଭାଇଥିବା ଭୂମିକାକୁ ସ୍ୱୀକାର କରିଛନ୍ତି ।
ଏହି ପ୍ରୟାସ ସମ୍ପର୍କରେ ମତ ଦେଇ ଶ୍ରୀ ମଜହର ବେଗ୍, ୟୁନିଟ ହେଡ୍ ଓ ପ୍ରେସିଡେଣ୍ଟ, ଉତ୍କଳ ଆଲୁମିନା ଏବଂ ଆଦିତ୍ୟ ରିଫାଇନାରୀ କହିଛନ୍ତି, “ପ୍ରୋଜେକ୍ଟ ୱାଡି ଭଳି ଦୀର୍ଘସ୍ଥାୟୀ ବିକାଶ ପ୍ରୟାସସମୂହରେ ନିବେଶ କେବଳ ଭୂଦୃଶ୍ୟପଟ୍ଟର ରୂପାନ୍ତରଣ ପାଇଁ ନୁହେଁ; ଏହା ଜୀବନରେ ରୂପାନ୍ତରଣ ଆଣିବାକୁ ଉଦ୍ଧିଷ୍ଟ । ଶ୍ରୀ ମାଝୀଙ୍କର ଯାତ୍ରା ସମ୍ମଳିତ ପ୍ର୍ରୟାସର ଶକ୍ତି ଏବଂ ବ୍ୟକ୍ତିବିଶେଷ ଓ ଜନସମୁଦାୟଙ୍କ ଉପରେ ତାହାର ସକାରାତ୍ମକ ପ୍ରଭାବକୁ ପ୍ରଦର୍ଶିତ କରୁଛି ।”
ପତିତ ଜମିର ବିକାଶ, ଫଳ ବଗିଚା ବିକାଶ, ଗୋସମ୍ପଦ ବିକାଶ, ସଂସ୍ଥାନ ନିର୍ମାଣ ଓ ମହିଳା ସଶକ୍ତିକରଣ ଉପରେ ୫୦୦ ଜଣ ଆଦିବାସୀ କୃଷକଙ୍କୁ ତାଲିମ ଦିଆଯାଉଛି । ୧୭ଟି ଗ୍ରାମରେ ୪୨୪ ଏକରରୁ ଅଧିକ ପତିତ ଜମିକୁ ଫଳ ବଗିଚା (କଲମି ଆମ୍ବ ଓ କାଜୁ)ରେ ରୂପାନ୍ତରିତ କରାଯାଇଛି ଯେଉଁଠାରେ ଗଛଗୁଡିକର ବଞ୍ଚିରହିବା ହାର ୮୫% ରହିଛି ।
“ଏହି ପ୍ରକଳ୍ପ ମଧ୍ୟ ୭୬ ଭୂମିହୀନ ପରିବାର ଦ୍ୱାରା ଛେଳି ପାଳନକୁ ପ୍ରୋତ୍ସାହିତ କରିଛି ଏବଂ ଛେଳି ଉତ୍ପାଦନ ୬୨୦ରେ ପହଞ୍ଚିଛି । ମୋଟ ୧୩୦ ଏକର ଅଣ ଜଳସେଚିତ ଜମିକୁ ସୋ÷ରଶକ୍ତି ଚାଳିତ ନଦୀ ଜଳ ଉଠା ଏବଂ ପଥାନ୍ତରଣ ଆଧାରିତ ଜଳସେଚନ ବ୍ୟବସ୍ଥା ଜରିଆରେ ଜଳସେଚିତ କରାଯାଇଛି । ୨୫,୯୪୮ରୁ ଅଧିକ ଫଳ ଗଛ ଓ ୧୯,୮୦୧ ଜଙ୍ଗଲ ସୃଷ୍ଟିକାରୀ ଗଛ ରୋପଣ କରାଯାଇଛି, ଯାହା ଅଙ୍ଗାରକାମ୍ଳ (ସିଓ୨) ନିର୍ଗମନ ହ୍ରାସ କରିବାକୁ କାର୍ବନ କ୍ରେଡିଟ ସୃଷ୍ଟି କରୁଛି । ଏହା ମଧ୍ୟ ପନି ପରିବା ଚାଷକୁ ପ୍ରୋତ୍ସାହିତ କରିବା ଜରିଆରେ କୃଷକ ପରିବାରଗୁଡିକର ପୁଷ୍ଟିଗତ ସୁରକ୍ଷା ପ୍ରତି ଦୃଷ୍ଟିଦେଉଛି,” ବୋଲି ଶ୍ରୀ ବେଗ୍ କହିଛନ୍ତି । 
ଓଡ଼ିଶାରେ ଆଦିତ୍ୟ ବିର୍ଲା ଗ୍ରୁପ୍ ୧୨୮ଟି ଗ୍ରାମରେ ୫ ଲକ୍ଷରୁ ଅଧିକ ଲୋକଙ୍କ ଜୀବନକୁ ପ୍ରଭାବିତ କରୁଛି, ୨ ଲକ୍ଷରୁ ଅଧିକ ଜୀବନ ଉପରେ ସକାରାତ୍ମକ ପ୍ରଭାବ ପକାଉଛି । ଶ୍ରୀମତୀ ରାଜଶ୍ରୀ ବିର୍ଲାଙ୍କ ନେତୃତ୍ୱରେ ଏହି ଗ୍ରୁପ୍ ତାହାର ସିଏସ୍ଆର କାର୍ଯ୍ୟକ୍ରମଗୁଡିକ ଆଦିତ୍ୟ ବିର୍ଲା ସେଣ୍ଟର ଫର୍ କମୁ୍ୟନିଟି ଇନିସିଏଟିଭ୍ସ୍ ଆଣ୍ଡ ରୁରାଲ ଡେଭଲପମେଣ୍ଟ ଜରିଆରେ କାର୍ଯ୍ୟକାରୀ କରୁଛି । ଗ୍ରୁପ୍ର ଦୂରଦୃଷ୍ଟି ଏହା ସେବା ଯୋଗାଉଥିବା ଜନସମୁଦାୟଙ୍କର ସାମାଜିକ ଓ ଅର୍ଥନୈତିକ ବିକାଶକୁ ଆଗେଇନେବା, ନିର୍ଦ୍ଧିଷ୍ଟ ଭାବରେ ବଞ୍ଚିତ ବର୍ଗଙ୍କୁ ଫାଇଦା ପହଞ୍ଚାଇବା ଲକ୍ଷ୍ୟ ରଖିଛି । ୟୁଏନ୍ଏସଡିଜି ଲକ୍ଷ୍ୟସମୂହ ମୁତାବକ ଗ୍ରୁପ୍ର ସିଏସ୍ଆର ପ୍ରୟାସଗୁଡିକ ଦାରିଦ୍ର୍ୟ ଦୂରୀକରଣ, କ୍ଷୁଧାରୁ ମୁକ୍ତି ଏବଂ ରାଷ୍ଟ୍ରର ମାନବ ସମ୍ବଳ ସୂଚୀରେ ଉତ୍ଥାନ କରିବାକୁ ନିରନ୍ତର ପ୍ରୟାସ କରୁଛି ।
