ଯିଏ ଯାହା କହୁ ପଦ୍ମପୁର ର ବିକାଶ ମୋର ଏକମାତ୍ର ଲକ୍ଷ୍ୟ :- ବର୍ଷା
ବରଗଡ :- ଉପ ନିର୍ବାଚନ ବେଲେ ବିରୋଧୀଙ୍କ ଅପପ୍ରଚାରକୁ ଭୁଲ ବୋଲି ପ୍ରମାଣିତ କରିଛନ୍ତି ପଦ୍ମପୁର ବିଧାୟିକା ବର୍ଷ ସିଂ ବରିହା | ଉପନିର୍ବାଚନ ବେଳେ ତାଙ୍କୁ ବିଦେଶୀ ବୋଲି ଦର୍ଶଯିବା ସହ ଜିତିଲା ପରେ ତାଙ୍କର ଦେଖା ମିଳିବନି ବୋଲି ଅପପ୍ରଚାର କରାଯାଇଥିଲା. ବିରୋଧୀଙ୍କ ଅପପ୍ରଚାର ସାଙ୍ଗକୁ ବିଜେଡି ଭିତରୁ ଜଣେ ଅଧେ ମଧ୍ୟ ଗୃହଭେଦି ବିଭୀଷଣ ମଧ୍ୟ ବିରୋଧୀଙ୍କ ଅଭିଯୋଗରେ ଇନ୍ଧନ ଦେଇଥିଲେ ପରୋକ୍ଷରେ. ହେଲେ ପଦ୍ମପୁର ବାସୀ ମୁଖ୍ୟମନ୍ତ୍ରୀଙ୍କ ନିବେଦନ ରକ୍ଷା କରି ବର୍ଷାଙ୍କୁ ବିପୁଳ ପରିମାଣରେ ଭୋଟ ଦେଇ ବିଜୟୀ କରିବା ପରେ ଏବେ ସ୍ଥିତି ଓଲଟା ହୋଇଯାଇଛି | ନବାଗତା ବର୍ଷା ଭୋଟ ଜିତିଲା ପରେ ନିଜ ନିର୍ବାଚନ ମଣ୍ଡଳୀରେ ଏତେ ସମୟ ଦେଉଛନ୍ତି ଓ ବିଧାନସଭାରେ ପଦ୍ମପୁର ବିକାଶ ପାଇଁ ବିଭିନ୍ନ ପ୍ରସଙ୍ଗ ଉଠାଇବା ପରେ ସର୍ବୋପରି ବିଭିନ୍ନ ଉନ୍ନୟନ କାର୍ଯ୍ୟ ତ୍ୱରାନ୍ୱିତ କରାଇବା ପରେ ଏବେ ବିରୋଧୀଙ୍କ ମୁହଁ ପୋଡ଼ିଯାଉଛି. ବଢିଛି ଅସହିଷ୍ଣୁତା ବଢିବାରେ ଲାଗିଛି |
ପଦ୍ମପୁର ଉପନିର୍ବାଚନ ପାଇଁ ହଟାତ ସମସ୍ତଙ୍କୁ ଚକିତ କରିଦେଇ ବିଜୁ ଜନତା ଦଳ ସ୍ବର୍ଗତ ଶ୍ରୀ ବିଜୟ ରଞ୍ଜନ ସିଂ ବରିହା ଙ୍କର ସୁପୁତ୍ରୀ ବର୍ଷା ସିଂ ବରିହା ଙ୍କୁ ପ୍ରାର୍ଥୀ ଭାବରେ ଘୋଷଣା କରିବା ପରେ ବିରୋଧୀ ମାନଙ୍କର ମନରେ ଅନେକ ପ୍ରକାର ଆଲୋଡନ ସୃଷ୍ଟି ହୋଇଥିଲା । ଯଦିଓ ବର୍ଷାଙ୍କ ପାଖରେ ରାଜନୈତିକ ଅଭିଜ୍ଞତା ନଥିଲା , କିନ୍ତୁ ଜଣେ ଅଭିଜ୍ଞ ଓ ଗ୍ରହଣୀୟ ନେତାଙ୍କର ଝିଅ ଭାବରେ ତାଙ୍କର ରାଜନୀତିର ଅନୁଭବ ଥିଲା । ଏହାପରେ ଉପନିର୍ବାଚନ ସମୟରେ ବିରୋଧୀ ତାଙ୍କ ବିରୋଧରେ ନାନା ପ୍ରକାର ଅପପ୍ରଚାର ,ବ୍ୟକ୍ତିଗତ ଆରୋପ ଓ ଆକ୍ଷେପ କରିବା ସତ୍ୱେ ପଦ୍ମପୁର ଉପନିର୍ବାଚନ ରେ ରେକର୍ଡ ଭୋଟ ବ୍ୟବଧାନ ରେ ବିଜୟ ଲାଭ କରି ନିଜର ରାଜନୈତିକ କେରିଅର ଆରମ୍ଭ କରିଥିଲେ । ଉପନିର୍ବାଚନ ସମୟରେ ବିରୋଧୀ ପ୍ରତ୍ୟେକ ମଞ୍ଚରୁ ବର୍ଷା ଙ୍କୁ ଟାର୍ଗେଟ କରି ମୁଖ୍ୟତଃ ଗୋଟିଏ କଥା କହୁଥିଲେ ଯେ ନିର୍ବାଚନ ସରିବା ପରେ ବର୍ଷା ଙ୍କର ଆଉ ଦେଖା ମିଳିବ ନାହିଁ । କିନ୍ତି ବିରୋଧୀ ମାନଙ୍କର ଏହି ଉକ୍ତିକୁ ସମ୍ପୂର୍ଣ୍ଣ ଭାବରେ ଭୁଲ ପ୍ରମାଣିତ କରି ଦେଇଛନ୍ତି ବର୍ଷା । ନିର୍ବାଚନ ରେ ରେକର୍ଡ ସଂଖ୍ୟକ ଭୋଟ ବ୍ୟବଧାନ ରେ ବିଜୟ ଲାଭ କରିବା ପରେ ପ୍ରତେକ ଦିନ ନିଜର ନିର୍ବାଚନ ମଣ୍ଡଳୀ ର ଗାଁ କୁ ଗାଁ ବୁଲି ସିଧାସଳଖ ଲୋକଙ୍କ ସହିତ ବିଭିନ୍ନ ବିଷୟରେ ଆଲୋଚନା କରୁଛନ୍ତି । ପ୍ରତେକ ଦିନ ସକାଳୁ ଘରୁ ବାହାରି ବିଳମ୍ବିତ ରାତ୍ରି ପର୍ଯ୍ୟନ୍ତ ନିଜର ନିର୍ବାଚନ ମଣ୍ଡଳୀ ର ଲୋକଙ୍କ ବିକାଶ ପାଇଁ କଠୋର ପରିଶ୍ରମ କରୁଥିବା ଦେଖିବାକୁ ମିଳିଛି । ଅଳ୍ପ ଦିନ ମଧ୍ୟରେ ସେ ପଦ୍ମପୁର ନିର୍ବାଚନ ମଣ୍ଡଳୀର ଲୋକଙ୍କ ଅତି ପ୍ରିୟ ଓ ଆପଣାର ହୋଇ ପାରିଛନ୍ତି । ମୂଖ୍ୟତଃ ଯୁବ ସମାଜ ଓ ମହିଳା ମାନଙ୍କ ଭିତରେ ଆଜି ତାଙ୍କର ଲୋକପ୍ରିୟତା ବହୁ ମାତ୍ରାରେ ବଢି ଯାଇଛି । ଯେ କୋଣସି ଗ୍ରାମକୁ ଗଲେ ଗାଁ ର ମାଁ ଭଉଣୀ ମାନେ ତାଙ୍କୁ ଅତି ଆଦରରେ କୋଳେଇ ନେଉଥିବା ଦୃଶ୍ୟ ଓ ଯୁବ ସମାଜ ଭିତରେ ବର୍ଷା ଙ୍କର ଲୋକପ୍ରିୟତା ଦେଖି ବର୍ତ୍ତମାନ ସବୁ ଗୋଷ୍ଠୀ ର ବିରୋଧୀ ଅତି ମାତ୍ରାରେ ଚିନ୍ତିତ ।
ଅନ୍ୟପଟେ ବର୍ତ୍ତମାନ ଉପନିର୍ବାଚନ ସମୟରେ ବିଭିନ୍ନ ଗ୍ରାମରେ ଗ୍ରାମର ବିକାଶ ପାଇଁ ବିଜୁ ଜନତା ଦଳ , ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବର୍ଷା ଦେଇଥିବା ପ୍ରତିଶ୍ରୁତି ଉପରେ କାମ ଜୋରସୋରରେ ଆରମ୍ଭ ହୋଇ ଗଲାଣି । ପ୍ରତ୍ୟେକ ଦିନ ଗାଁ କୁ ଗାଁ ବୁଲି ଲୋକଙ୍କ ସହିତ ଅଲୋଚନ କରି ଉନ୍ନୟନ ମୂଳକ କାମର ସମୀକ୍ଷା ମଧ୍ୟ କରୁଛନ୍ତି । ବର୍ଷା ଙ୍କର ଏହି ସବୁ କାମ ଏବେ ବିରୋଧୀ ମାନଙ୍କ ପାଇଁ ମୁଣ୍ଡ ବ୍ୟଥାର କାରଣ ପାଲଟି ଯାଇଛି । କାରଣ ଲୋକସମ୍ପର୍କ ହେଉ ବା ଉନ୍ନୟନ ମୂଳକ କାମ କରିବା ହେଉ ସବୁଥିରେ ବିରୋଧୀ ମାନଙ୍କ ଠାରୁ ଢେର ଆଗରେ ରହିଛନ୍ତି ବର୍ଷା ।
ଇତି ମଧ୍ୟରେ ଅନେକ ସ୍ଥାନରେ ବିଭିନ୍ନ ମାଧ୍ୟମରେ ବର୍ଷା ଙ୍କୁ ହତୋତ୍ସାହିତ କରିବା ପାଇଁ ହେଉ କି ତାଙ୍କର ଲୋକପ୍ରିୟତା କୁ ସଙ୍କୁଚିତ କରିବା ପାଇଁ ହେଉ ବିରୋଧୀ ମାନଙ୍କ ଦ୍ୱାରା ତାଙ୍କ ବିରୋଧରେ ଅପପ୍ରଚାର ମଧ୍ୟ ଜାରି ରହିଛି । ହେଲେ ବିଧାୟିକା ବର୍ଷା ଙ୍କର ମନ୍ତବ୍ୟ ହେଲା ଯେ ବିରୋଧୀ ମାନେ ତ ବିରୋଧ କରିବେ କିନ୍ତୁ ପଦ୍ମପୁର ଅଞ୍ଚଳ ର ବିକାଶ ପାଇଁ ସେ ସବୁ ପ୍ରକାର ପ୍ରୟାସ ଜାରି ରଖିବେ । ପଦ୍ମପୁର ନିର୍ବାଚନ ମଣ୍ଡଳୀର ପ୍ରତେକ ଲୋକ ତାଙ୍କର ନିଜର ଲୋକ , ନିଜ ଲୋକଙ୍କ ବିକାଶ ପାଇଁ ସେ ବିରୋଧି ଙ୍କର ସବୁ କଟୁ ମନ୍ତବ୍ୟ ଶୁଣିବାକୁ ପ୍ରସ୍ତୁତ । ବିରୋଧୀ ମାନେ ସବୁବେଳ ଅଧା କଥା କିମ୍ବା ମିଛ କଥା କୁ ରଙ୍ଗୀନ କରି ଅପପ୍ରଚାର କରିଥାନ୍ତି , ସେମାନେ କେବେ ବି କୋଣସି ସ୍ଥାନରେ କିମ୍ବା କୋଣସି ମାଧ୍ୟମରେ ପୁରା କଥା ବା ସତ କଥା କୁହନ୍ତି ନାହିଁ । କାରଣ ସତ କଥା କହିଲେ ସେମାନଙ୍କ ମିଛ ଧାରା ପଡିଯିବ । ଏହା ସହିତ ବିଧାୟିକା ଏହା ମଧ୍ୟ କହିଛନ୍ତି ଯେ ପଦ୍ମପୁର ଅଞ୍ଚଳ ର ବିକାଶ ପାଇଁ ବିରୋଧୀ ମାନେ ମଧ୍ୟ ଆଗେଇ ଆସି ସହଯୋଗ କରନ୍ତୁ । ଯାହାଫଳରେ ବିକାଶ କାର୍ୟ୍ଯ ବାଧାପ୍ରାପ୍ତ ହେବ ନାହିଁ ।
