ଏହା ଏକକ ସ୍ୱାସ୍ଥ୍ୟ ଆଭିମୁଖ୍ୟ ଆଧାରରେ ସମ୍ଭାବ୍ୟ ପ୍ରାଣୀ ମହାମାରୀ କ୍ଷେତ୍ରରେ ଭାରତର ପ୍ରସ୍ତୁତି ଏବଂ ଜବାବି ପଦକ୍ଷେପରେ ବୃଦ୍ଧି ଘଟାଇବ
ନୂଆଦିଲ୍ଲୀ,୧୫ା୪: କେନ୍ଦ୍ର ମତ୍ସ୍ୟସମ୍ପଦ, ପଶୁପାଳନ ଓ ଦୁଗ୍ଧ ଉତ୍ପାଦନ ମନ୍ତ୍ରୀ ଶ୍ରୀ ପରଷୋତ୍ତମ ରୁପାଲାଙ୍କ ଦ୍ୱାରା ଏକକ ସ୍ୱାସ୍ଥ୍ୟ ଆଭିମୁଖ୍ୟ ଆଧାରରେ ସମ୍ଭାବ୍ୟ ପ୍ରାଣୀ ମହାମାରୀର ମୁକାବିଲା ନିମନ୍ତେ ଭାରତର ପ୍ରସ୍ତୁତି ଓ ଜବାବି ପଦକ୍ଷେପରେ ବୃଦ୍ଧି ଘଟାଇବାକୁ ଶୁକ୍ରବାର ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ପ୍ରୟାସସମୂହ ଏବଂ ଏକକ ସ୍ୱାସ୍ଥ୍ୟ ପାଇଁ ବିଶ୍ୱବ୍ୟାଙ୍କ ପାଣ୍ଠି ସହାୟତାରେ ପରିଚାଳିତ ପ୍ରାଣୀ ସ୍ୱାସ୍ଥ୍ୟ ବ୍ୟବସ୍ଥା ସମର୍ଥନ ପ୍ରଚଳନ କରାଯାଇଛି । ଏହି ପ୍ରୟାସ ଉଭୟ ପ୍ରାଣୀ ଓ ମଣିଷର ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି କରୁଥିବା ଜୋନୋଟିକ୍ ରୋଗଗୁଡିକ ଉପରେ ମୁଖ୍ୟତଃ ଦୃଷ୍ଟିଦେଇ ସମ୍ଭାବ୍ୟ ପ୍ରାଣୀ ମହାମାରୀର ମୁକାବିଲା କ୍ଷେତ୍ରରେ ଭାରତର ପ୍ରସ୍ତୁତି ଏବଂ ଜବାବି ପଦକ୍ଷେପରେ ବୃଦ୍ଧି ଘଟାଇବା ଲକ୍ଷ୍ୟ ରଖିଛି । ଏହି ପଦକ୍ଷେପ ପଶୁଧନ ସେବା ଓ ଭିତ୍ତିଭୂମି, ରୋଗ ସମ୍ପର୍କିତ ସତର୍କ ନିରୀକ୍ଷଣ ସାମର୍ଥ୍ୟ, ଶୀଘ୍ର ରୋଗ ଚିହ୍ନଟ ଏବଂ ତାହାର ଜବାବି ପଦକ୍ଷେପରେ ଉନ୍ନତି ଆଣିବାରେ ସହାୟତା କରିବା ସହିତ ପ୍ରାଣୀ ସ୍ୱାସ୍ଥ୍ୟ ବୃତ୍ତିଧାରୀଙ୍କ ସାମର୍ଥ୍ୟ ସୃଷ୍ଟି ତଥା ଗୋÂୀ ପହଞ୍ଚ କାର୍ଯ୍ୟକ୍ରମ ଜରିଆରେ କୃଷକଙ୍କ ମଧ୍ୟରେ ସଚେତନତାର ପ୍ରସାର କରିବ । ଏହି କାର୍ଯ୍ୟକ୍ରମରେ ‘ଆନିମଲ୍ ହେଲ୍ଥ ସିଷ୍ଟମ ସପୋର୍ଟ ଫର୍ ୱାନ୍ ହେଲ୍ଥ (ଏଏଚ୍ଏସଏସ୍ଓଏଚ୍)’ ଉପରେ ବିଶ୍ୱବ୍ୟାଙ୍କ ପାଣ୍ଠି ପରିଚାଳିତ ପ୍ରକଳ୍ପର ଶୁଭାରମ୍ଭ ମଧ୍ୟ କରାଯାଇଥିଲା, ଯାହା ଭାରତର ପାଞ୍ଚଟି (୫) ରାଜ୍ୟରେ ଏକକ ସ୍ୱାସ୍ଥ୍ୟ ଆଭିମୁଖ୍ୟକୁ ଉପଯୋଗ କରି ଏକ ଉତ୍ତମ ପ୍ରାଣୀ ସ୍ୱାସ୍ଥ୍ୟ ପରିଚାଳନା ବ୍ୟବସ୍ଥା ନିମନ୍ତେ ଏକ ପରିବ୍ୟବସ୍ଥା ସୃଷ୍ଟି ଲକ୍ଷ୍ୟ ରଖିଛି ।
ଏହି ଅବସରରେ ଉଦ୍ବୋଧନ ଦେଇ ଶ୍ରୀ ପରଷୋତ୍ତମ ରୁପାଲା, କେନ୍ଦ୍ର ମତ୍ସ୍ୟସମ୍ପଦ, ପଶୁପାଳନ ଏବଂ ଦୁଗ୍ଧ ଉତ୍ପାଦନ ମନ୍ତ୍ରୀ କହିଥିଲେ, “ଭାରତରରେ ବହୁବିଧ ପ୍ରାଣୀ ପ୍ରଜାତି ବାସ କରୁଛନ୍ତି ଏବଂ ଗୋସମ୍ପଦ ଦେଶର ଅର୍ଥନୀତି ଓ ଖାଦ୍ୟ ନିରାପତ୍ତା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି । ତେବେ ନୂଆ ନୂଆ ଏବଂ ଜୁନୋଟିକ୍ ରୋଗଗୁଡିକ କାରଣରୁ ଆମ ପ୍ରତି ବିପଦ ମଧ୍ୟ ଦେଖାଦେଉଛି । ଆମ ପଶୁସମ୍ପଦ ସୁରକ୍ଷା ଦେବା ଏବଂ ଆମ ଜନସାଧାରଣଙ୍କ ନିରାପତ୍ତା ଓ ସ୍ୱାସ୍ଥ୍ୟ ସୁନିଶ୍ଚିତ କରିବାକୁ ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ପ୍ରୟାସ ଏକ ସକ୍ରିୟ ପଦକ୍ଷେପ ହୋଇଛି । ପଶୁ ମହାମାରୀର ସାମଗ୍ରିକ ଭାବରେ ମୁକାବିଲା ନିମନ୍ତେ ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ଏବଂ ବିଶ୍ୱବ୍ୟାଙ୍କ ପାଣ୍ଠିରେ ପରିଚାଳିତ ‘ଏକକ ସ୍ୱାସ୍ଥ୍ୟ ପାଇଁ ପ୍ରାଣୀ ସ୍ୱାସ୍ଥ୍ୟ ବ୍ୟବସ୍ଥା ସମର୍ଥନ’ ଆଦି ପୂର୍ଣ୍ଣାଙ୍ଗ ପ୍ରୟାସସମୂହ ହୋଇଛି । ଆମର ପ୍ରାଣୀ ସ୍ୱାସ୍ଥ୍ୟ ବ୍ୟବସ୍ଥାକୁ ମଜଭୁତ କରି ଏବଂ ଏକକ ସ୍ୱାସ୍ଥ୍ୟ ଆଭିମୁଖ୍ୟକୁ କାର୍ଯ୍ୟକାରୀ କରି ଆମେ ଜୁନୋଟିକ୍ ରୋଗଗୁଡିକୁ ଅଧିକ ଭଲ ଭାବରେ ନିରାକରଣ ଓ ନିୟନ୍ତ୍ରଣ କରିପାରିବୁ, ଯାହା ଆମ ପ୍ରାଣୀ ସମ୍ପଦର ସ୍ୱାସ୍ଥ୍ୟ ଓ କଲ୍ୟାଣକୁ ପ୍ରଭାବିତ କରେନାହିଁ, ତାହାସହିତ ଏହାର ଉଲ୍ଲେଖନୀୟ ଅର୍ଥନୈତିକ ପ୍ରଭାବ ଏବଂ ମଣିଷ ସ୍ୱାସ୍ଥ୍ୟ ପ୍ରତି ବିପଦ ଆଶଙ୍କା ରହିଛି ।”
ଏହି ସମାବେଶରେ ଉଦ୍ବୋଧନ ଦେଇ ଡଃ.ଏଲ୍ ମୁରୁଗାନ୍, କେନ୍ଦ୍ର ମତ୍ସ୍ୟସମ୍ପଦ, ପଶୁପାଳନ ଓ ଦୁଗ୍ଧ ଉତ୍ପାଦନ ରାଷ୍ଟ୍ରମନ୍ତ୍ରୀ କହିଥିଲେ ଯେ, “ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ପ୍ରୟାସ (ଏପିପିଆଇ) ଏବଂ ଏକକ ସ୍ୱାସ୍ଥ୍ୟ ନିମନ୍ତେ ପ୍ରାଣୀ ସ୍ୱାସ୍ଥ୍ୟ ବ୍ୟବସ୍ଥା ସମର୍ଥନ (ଏଏଚ୍ଏସଏସଓଏଚ୍) ପ୍ରଚଳନ ପ୍ରାଣୀ ମହାମାରୀ ମୁକାବିଲା ଏବଂ ଭବିଷ୍ୟତରେ ଯେକୋ÷ଣଜି ଅଜଣା ସଂକ୍ରମଣ ପରିଚାଳନା ନିମନ୍ତେ ପ୍ରସ୍ତୁତହେବା ଦିଗରେ ଆଉ ଏକ ସୋପାନ ନିକଟତର ହୋଇଛି । ଏକକ ସ୍ୱାସ୍ଥ୍ୟ ପ୍ରୟାସସମୂହକୁ କାର୍ଯ୍ୟକାରୀ କରିବାକୁ ସମ୍ମିଳିତ ଭାବରେ ଉଦ୍ୟମ କରି ଆମେ ଏକ ଦୀର୍ଘସ୍ଥାୟୀ ଏବଂ ସୁସ୍ଥ ମତ୍ସ୍ୟସମ୍ପଦକୁ ପ୍ରୋତ୍ସାହିତ କରିପାରିବା ଯାହା ଉଭୟ ଜନସାଧାରଣ ଓ ପରିବେଶ ନିମନ୍ତେ ଫାଇଦା ପହଞ୍ଚାଉଥିବ ।” ସମାବେଶକୁ ଉଦ୍ବୋଧନ ଦେଇ ଶ୍ରୀ ରାଜେଶ କୁମାର ସିଂ, ସଚିବ, ପଶୁପାଳନ ଓ ଦୁଗ୍ଧ ଉତ୍ପାଦନ ବିଭାଗ କହିଥିଲେ, “ଯେକୋ÷ଣସି ମହାମାରୀଜନିତ ଜରୁରୀ ପରିସ୍ଥିତିର ମୁକାବିଲା କରିବା ସକାଶେ ବ୍ୟବସ୍ଥା ପ୍ରସ୍ତୁତ କରିବା ଦିଗରେ ଅଗ୍ରସର ହେବାପାଇଁ ରୋଗ ଉପରେ ସତର୍କ ଦୃଷ୍ଟି ନିରୀକ୍ଷଣ, ରୋଗ ସମ୍ପର୍କରେ ଆଗୁଆ ସତର୍କ ସୂଚନା ପ୍ରଦାନ ନିମନ୍ତେ ବିଭିନ୍ନ ମଡେଲ ପ୍ରସ୍ତୁତି, ଆର୍ ଆଣ୍ଡ୍ ଡି ପରିବ୍ୟବସ୍ଥା ଏବଂ ରୋଗ ନିରୂପଣ ସାମର୍ଥ୍ୟରେ ଉନ୍ନତି ସାଧନ, ନିୟାମକ ପରିବ୍ୟବସ୍ଥାକୁ ଅଧିକ ଶାଣିତ କରିବା, କ୍ଷେତ୍ର ସ୍ତରରେ ଅଧିକ ଉନ୍ନତ ସମ୍ବେଦୀ ପଦକ୍ଷେପ ଯୋଗାଇବା ଏବଂ ସମ୍ବଳ ଯୋଗାଡ ଆଦି କାର୍ଯ୍ୟକ୍ରମଗୁଡିକ ମଧ୍ୟରେ ସମନ୍ୱୟ ଆଣିବାକୁ ହେବ । ଦେଶରେ ଗୋସମ୍ପଦ ବ୍ୟବସ୍ଥା ଏବଂ କାର୍ଯ୍ୟକ୍ରମରେ ଉନ୍ନତି ଆଣିବା ନିମନ୍ତେ ମତ୍ସ୍ୟସମ୍ପଦ ଓ ପଶୁପାଳନ ବିଭାଗ କେତେକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆଣିବା ପଦକ୍ଷେପ ନେଉଛି । ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ଅଥବା ଏପିପିଆଇ ଏହିଭଳି ଏକ ପ୍ରୟାସ ଯାହା ରୋଗ ନିରାକରଣ, ନିୟନ୍ତ୍ରଣ ଏବଂ ମହାମାରୀ ମୁକାବିଲା ପ୍ରସ୍ତୁତି ଆଦିର ସମସ୍ତ ଦିଗକୁ ପୂର୍ଣ୍ଣାଙ୍ଗ ଭାବରେ ଦୃଷ୍ଟିଦେଉଛି । ଏଥିମଧ୍ୟରେ ଥିବା ମୁଖ୍ୟ ଉପାଦାନଗୁଡିକ ମଧ୍ୟରେ ସମନ୍ୱିତ ରୋଗ ସତର୍କ ଦୃଷ୍ଟି ଏବଂ ନିରୀକ୍ଷଣ, ଶୀଘ୍ର ସତର୍କତା ଏବଂ ଜବାବି ପଦକ୍ଷେପ, ଟିକା/ନିରୂପଣ, ଗବେଷଣା ଓ ବିକାଶ ଏବଂ ଉତ୍ପାଦନ, ଏବଂ ପାଣ୍ଠି ଯୋଗାଣକାରୀ ତଥା ନିୟାମକ ବିଧିବ୍ୟବସ୍ଥା ସମର୍ଥକାରୀଙ୍କ ସହିତ ପରିବ୍ୟବସ୍ଥା ସୃଷ୍ଟିରେ ସମନ୍ୱୟ ଆଣିବା ଆଦି ଅନ୍ତର୍ଭୁକ୍ତ ।
ଏହି କାର୍ଯ୍ୟକ୍ରମ ପରେ ଏକକ ସ୍ୱାସ୍ଥ୍ୟ ସମର୍ଥନ ୟୁନିଟ୍ର ବୁଲେଟିନ୍/ପ୍ରକାଶନ ଉନ୍ମୋଚିତ ହୋଇଥିଲା ଏବଂ ତାହାସହିତ ଏପିପିଆଇ ଏବଂ ଏଏଚ୍ଏସଏସ୍ଓଏଚ୍ର ଭିଡିଓଗୁଡିକ ମଧ୍ୟ ଉନ୍ମୋଚନ କରାଯାଇଥିଲା । ପ୍ରଫେସର ଅଜୟ କୁମାର ସୁଦ୍, ଭାରତ ସରକାରଙ୍କ ପ୍ରମୁଖ ବୈଜ୍ଞାନିକ ପରାମର୍ଶଦାତା, ପ୍ରଫେସର (ଡଃ) ଅତୁଲ ଗୋଏଲ, ସ୍ୱାସ୍ଥ୍ୟସେବା ମହାନିଦେ୍ର୍ଧଶକ, ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ, ଶ୍ରୀ ଅଲିଭର ବ୍ରେଟ୍, ହେଡ, ଏଗ୍ରିକଲ୍ଚର ଆଣ୍ଡ ଫୁଡ୍ ଗ୍ଲୋବାଲ ପ୍ରାକ୍ସିସ, ବିଶ୍ୱବ୍ୟାଙ୍କ, ଡଃ. ଅଭିଜିତ ମିତ୍ର, ପଶୁପାଳନ କମିଶନର, ଡିଏଏଚ୍ଡି ପ୍ରମୁଖ ବିଶିଷ୍ଟ ବ୍ୟକ୍ତିଗଣ ଉତ୍ସବରେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଆନ୍ତର୍ଜାତିକ ସଙ୍ଗଠନସମୂହ (ଡବ୍ଲୁଏଚ୍ଓ, ଡବ୍ଲୁବି, ଏଫଏଓ, ଡବ୍ଲୁଓଏଏଚ୍, ୟୁଏନ୍ଇପି), ସମ୍ପୃକ୍ତ ମନ୍ତ୍ରଣାଳୟସମୂହ, ଆଇସିଏଆର୍୍ ଏବଂ ଆଇସିଏମ୍ଆର୍ର ଗବେଷଣା ପ୍ରତିÂାନସମୂହର ପ୍ରାଣୀ ସ୍ୱାସ୍ଥ୍ୟ ବିଶେଷଜ୍ଞଗଣ ଏବଂ ଅନ୍ୟ ସରକାରୀ ସହଭାଗୀଙ୍କ ସମେତ ବିଭିନ୍ନ ସମ୍ପୃକ୍ତ କ୍ଷେତ୍ରରୁ ପ୍ରାୟ ୨୦୦ ମୁଖ୍ୟ ମୁଖ୍ୟ ସହଭାଗୀ ଅଂଶଗ୍ରହଣ କରିଥିଲେ । ପଶୁପାଳନ ଓ ଦୁଗ୍ଧ ଉତ୍ପାଦନ ବିଭାଗ (ଡିଏଏଚ୍ଡି), ଭାରତ ସରକାର ପ୍ରାଣୀ ମହାମାରୀ ମୁକାବିଲା ପ୍ରସ୍ତୁତି ପ୍ରୟାସ ଏବଂ ବିଶ୍ୱବ୍ୟାଙ୍କ ପାଣ୍ଠି ସହାୟତାରେ ପରିଚାଳିତ ଏକକ ସ୍ୱାସ୍ଥ୍ୟ ନିମନ୍ତେ ପ୍ରାଣୀ ସ୍ୱାସ୍ଥ୍ୟ ବ୍ୟବସ୍ଥା ସମର୍ଥନ କାର୍ଯ୍ୟକ୍ରମର ସଫଳ ରୂପାୟନ ନିମନ୍ତେ ପ୍ରତିବଦ୍ଧ ରହିଛି ଏବଂ ଏହି ଗୁରୁତ୍ୱପୂର୍ଣ୍ଣ ଲକ୍ଷ୍ୟ ହାସଲ ସକାଶେ ସମସ୍ତ ସହଭାଗୀଙ୍କ ସହିତ ମିଶି କାର୍ଯ୍ୟ କରିବାକୁ ଆଗ୍ରହୀ ଅଛି ।
