ମିଥ୍ୟା ପ୍ରତିଶୃତି ଦେଇ ଲୋକଙ୍କୁ ଠକିବା ବିରୋଧୀ ମାନଙ୍କର ଅଭ୍ୟାସ :- ରାଜେନ୍ଦ୍ର ରାଉତ
ବିଜେଡିରେ ମିଶିଲେ ଜିଲ୍ଲା ପରିଷଦ ସଭ୍ୟାଙ୍କର ସ୍ୱାମୀ
ବରଗଡ଼ :- ବରଗଡ ଜିଲ୍ଲା ପଦ୍ମପୁର ନିର୍ବାଚନ ମଣ୍ଡଳୀର ପାଇକମାଲ ବ୍ଲକ ସାଲେପଲି ବିଜୁ ଜନତା ଦଳ ଅଫିସରେ ଆଜି ପାଇକମାଲ ବ୍ଲକ ସ୍ତରୀୟ କର୍ମୀ ସମ୍ମିଳନୀ ର ସଫଳ ଅୟୋଜନ ହୋଇଯାଇଛି । ବିଜୁ ଜନତା ଦଳର ପାଇକମାଲ ସଭାପତି ଶ୍ରୀ ରାଜେନ୍ଦ୍ର ରାଉତ ଙ୍କର ସଭାପତିତ୍ୱ ରେ ଆୟୋଜିତ ଏହି ସଭାରେ ଶ୍ରମ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରୀ ସୁଶାନ୍ତ ସିଂ ମୁଖ୍ୟ ଅତିଥି ଭାବରେ ଯୋଗଦେଇ ଥିଲେ । କର୍ମୀ ମାନଙ୍କୁ ଉଦବୋଧନ ଦେଇ ମନ୍ତ୍ରୀ କହିଥିଲେ ଯେ କେନ୍ଦ୍ରରେ ଥିବା ସରକାର ବାରମ୍ବାର ଲୋକଙ୍କୁ ମିଥ୍ୟା ପ୍ରତିଶୃତି ଦେଇ ପ୍ରତାରିତ କରୁଛନ୍ତି ଯାହାକି ଓଡ଼ିଶାର ର ସାଢ଼େ ଚାରି କୋଟି ଜନତା ଠିକ ଭାବରେ ବୁଝି ଗଲେଣି । ବିଜୁ ଜନତା ଦଳ ଓ ମାନ୍ୟବର ମୁଖ୍ୟମନ୍ତ୍ରୀ କାମରେ ବିଶ୍ୱାସ କରନ୍ତି କଥାରେ ନୁହେଁ । ତେଣୁ ଦଳରେ ଯିଏ ପରିଶ୍ରମ କରିବ ସେ ନିଶ୍ଚିତ ଭାବରେ ଆଗକୁ ଯିବ । ସମ୍ମୁଖରେ ପଞ୍ଚାୟତ ନିର୍ବାଚନ ତେଣୁ ରାଜ୍ୟ ସରକାର ଙ୍କର ବିଭିନ୍ନ ଜନାହିତକର ଯୋଜନା ବାବଦରେ ମୁଖ୍ୟତଃ ଗତ କିଛି ମାସ ପୂର୍ବରୁ ରାଜ୍ୟ ସରକାରଙ୍କ ଦ୍ୱାରା ଲାଗୁ କରାଯାଇଥିବା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବାବଦରେ ଲୋକଙ୍କୁ ବୁଝାଇବା ପାଇଁ କହିଥିଲେ । ମୁଖ୍ୟମନ୍ତ୍ରୀ ଙ୍କର ପ୍ରୟାସ ଫଳରେ ଆଜି ଓଡିଶା ରେ ଥିବା ବିଭିନ୍ନ ତୀର୍ଥ କ୍ଷେତ୍ର ଓ ପର୍ଯଟନ ସ୍ଥଳୀର ରୂପରେଖ ବଦଳିବାରେ ଲାଗିଛି । ଗତ ଦୁଇ ଦିନ ତଳେ ଓଡ଼ିଶାର ଏକମାତ୍ର ଅଭୟାରଣ୍ୟ ଡେବ୍ରିଗଡ଼ ଓ ବାରବଖରା ଜଳପ୍ରପାତ ର ସୌନ୍ଦର୍ଯ୍ୟକରଣ ପାଇଁ ଅର୍ଥ ମଞ୍ଜୁର ହୋଇସାରିଥିବା ବେଳେ ବିଶ୍ୱପ୍ରସିଦ୍ଧ ଶ୍ରୀ ଶ୍ରୀ ନୃସିଂହନାଥ ମନ୍ଦିର ର ସୌନ୍ଦର୍ଜିକରଣ ପାଇଁ ଖୁବଶୀଘ୍ର ଅନୁଦାନ ମୁଖ୍ୟମନ୍ତ୍ରୀ ଘୋଷଣା କରିବେ ଓ କାର୍ଯମଧ୍ୟ ଆରମ୍ଭ ହୋଇଯିବ ବୋଲି କହିଥିଲେ । ଶେଷରେ ଆଗାମୀ ପଞ୍ଚାୟତ ନିର୍ବାଚନ ପାଇଁ କର୍ମୀ ମାନେ ବର୍ତମାନ ଠାରୁ ପରିଶ୍ରମ କରିବାକୁ ମନ୍ତ୍ରୀ ପରାମର୍ଶ ଦେଇଥିଲେ ।
ଏହି ସମ୍ମିଳନୀରେ ପାଇକମାଲ ଯୋନ 2 ର ଜିଲ୍ଲା ପରିଷଦ ସଭ୍ୟାଙ୍କର ସ୍ୱାମୀ ପୂର୍ବତନ ସେକ୍ସନ ଅଫିସର ଶ୍ରୀ ଖେତ୍ରୀ ଲୁହର ଆଜି ନିଜ ଇଚ୍ଛାରେ ମନ୍ତ୍ରୀ ଙ୍କର ନିକଟକୁ ଆସି ବିଜୁ ଜନତା ଦଳରେ ସାମିଲ ହୋଇଥିଲେ ଯାହାକି ବିଜେପି ପାଇଁ ଏକ ଶକ୍ତ ଧକ୍କା । ଶ୍ରୀ ଲୁହାର ଙ୍କର ସହିତ ଶ୍ରୀ ସୁରେଶ କାଳିଆ , ଶ୍ରୀ ଡେଭିଡ ମିଶ୍ର, ଶ୍ରୀ ଭିବିଷଣ ଭୋଇ, ଶ୍ରୀ ଅମୁଲ୍ୟ ସାହୁ ପ୍ରମୁଖ ବିଜେଡ଼ି ରେ ସାମିଲ ହୋଇଥିଲେ । ବିଗତ କିଛିଦିନ ତଳେ ଆମ୍ବଭନା ଠାରେ ପ୍ରାୟ ଏକ ସହ ରୁ ଉର୍ଦ୍ବ ବିଜେପି ଓ କଂଗ୍ରସ କର୍ମୀ ମାନ୍ୟବର ମନ୍ତ୍ରୀ ଙ୍କର ନିକଟକୁ ଆସି ବିଜେଡିରେ ସାମିଲ ହୋଇଥିଲେ । ଏବେ ପାଇକମାଲ ରେ ବିଜେପି କୁ ଲାଗିଛି ଏକ ଜୋରଦାର ଝଟକା ।
ଆଜିକାର ଏହି ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଅଞ୍ଚଳର ପ୍ରିୟ ଯୁବ ନେତା ଶ୍ରୀ ଭୋଜରାଜ ସିଂ ବରିହା , ପାଇକମାଲ ବ୍ଲକ ଅଧ୍ୟକ୍ଷ ଶ୍ରୀ ଅଳତାଫ ମହମ୍ମଦ, ଝାରବନ୍ଧ ବ୍ଲକ ଅଧ୍ୟକ୍ଷ ଶ୍ରୀ ବିଜୟ ପ୍ରଧାନ , ଶ୍ରୀ ଧବଳେଶ୍ବର ସାହୁ , ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ପୁଟା ପ୍ରମୁଖ ନିଜର ସୁଚିନ୍ତିତ ମତାମତ ରଖି କର୍ମୀଙ୍କୁ ଉତ୍ସାହିତ କରିଥିଲେ ।
