ପଦ୍ମପୁର(ଶାସକପ୍ରଶାସକ)- ଜାତିର ପିତା ମୋହନ ଦାସ କରମଚାନ୍ଦ ଗାନ୍ଧୀଙ୍କ ୧୨୫ ତମ ଜନ୍ମ ବାର୍ଷିକି ଅବସରରେ ରାଜବୋଡାସମ୍ବର ବ୍ଳକ ଭେଉଁରିଆ ପଞ୍ଚାୟତ ବୁଧାପାଲି ସ୍କୁଲ ଠାରେ ସରପଞ୍ଚ ରଜନୀ ସାହୁଙ୍କ ଅଧ୍ୟକ୍ଷତାରେ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ବୁଧାପାଲିର ସମସ୍ତ ମହିଳା ସ୍ବୟଂ ସହାୟକ ଗୋଷ୍ଠୀର ମହିଳା ମାନେ ଯୋଗଦେଇ ଗ୍ରାମର ଚତୁଃପାଶ୍ୱ ସଫା କରିଥିଲେ । ଏହି ଅବସରରେ ବିଇଓ ଜନକଲାଲ ମେହେର,ସୁବ୍ରତ ସାହୁ, ସୁଶାନ୍ତ ମହାପାତ୍ର ତଥା ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ । ସେହିପରି ପାଇକମାଲ ବ୍ଳକ ଲଖମରା ପଞ୍ଚାୟତ ଧୂମାଭଟା ଠାରେ ନେହେରୁ ଯୁବ କେନ୍ଦ୍ର ସଂଗଠନ ପକ୍ଷରୁ ମଧ୍ୟ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏହି ପବିତ୍ର ଦିନରେ କ୍ଳବର ସଦସ୍ୟ ମାନେ ଗାଁ ଚତୁଃପାଶ୍ୱ ସଫା କରିବା ସହ ଗାନ୍ଧୀଙ୍କ ମହତବାଣୀ ବିଷୟରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଦହିତ ସାହୁ,ରାଜକିଶୋର ପଟେଲ, ଇନ୍ଦ୍ରମଣି ଭୋଇ ତଥା ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ ।