ଭୁବନେଶ୍ୱର: ଦେଶର ଅଗ୍ରଣୀ ଜୀବନ ବୀମା କଂପାନି ଏସବିଆଇ ଲାଇଫ୍ ଇନସ୍ୟୁରାନ୍ସ ୨୦୨୧ ଜୁନ୍ ୩୦ ସୁଦ୍ଧା ଶେଷ, ପ୍ରଥମ ତ୍ରୟମାସରେ ୩୩୪୫ କୋଟି ଟଙ୍କାର ନୂଆ ବ୍ୟବସାୟ ପ୍ରିମିୟମ୍ ହାସଲ କରିଛି । ୨୦୨୦ ଜୁନ୍ ୩୦ ସୁଦ୍ଧା ଶେଷ ତ୍ରୟମାସରେ କଂପାନି ୩୦୫୯ କୋଟି ଟଙ୍କାର ନୂଆ ବ୍ୟବସାୟ ପ୍ରିମିୟମ୍ ହାସଲ କରିଥିଲା । ଏହା ତୁଳନାରେ ଚଳିତ ବର୍ଷ କଂପାନି ୨୯% ବୃଦ୍ଧି ହାସଲ କରିଛି ।
ଏସବିଆଇ ଲାଇଫର ପ୍ରୋଟେକ୍ସନ୍ ବ୍ୟବସାୟରେ ନୂଆ ବ୍ୟବସାୟ ପ୍ରିମିୟମ୍ ୪୬% ବୃଦ୍ଧି ପାଇ ୪୨୮ କୋଟି ଟଙ୍କା ହୋଇଛି । ସୁରକ୍ଷା ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ୍ ୭୫% ବୃଦ୍ଧି ପାଇ ୧୩୨ କୋଟି ଟଙ୍କା ହୋଇଥିବା ବେଳେ ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ୍ ୩୭% ବୃଦ୍ଧି ପାଇ ୧୮୩୬ କୋଟି ଟଙ୍କା ହୋଇଛି । ଏସବିଆଇ ଲାଇଫର ଟିକସ ପରବର୍ତୀ ଲାଭ ୨୨୩ କୋଟି ଟଙ୍କା ରହିଛି । କଂପାନିର ସଲଭେନସି ରେସିଓ ୨.୧୫ ଭଳି ଦୃଢ଼ ସ୍ତରରେ ରହିଛି ।
ଏସବିଆଇ ଲାଇଫର ଏୟୁଏମ୍ ୩୨% ବୃଦ୍ଧି ପାଇ ୨,୩୧,୫୫୯ କୋଟି ଟଙ୍କା ହୋଇଛି ଯାହା ପୂର୍ବବର୍ଷ ଏହି ସମୟରେ ୧,୭୫,୩୫୫ କୋଟି ଟଙ୍କା ଥିଲା । କଂପାନିର ଡେବ୍ଟ ଓ ଇକ୍ୱିଟି ଅନୁପାତ ୭୨:୨୮ ରହିଛି ଓ ୯୦% ରାଶି ଏଏଏ ରେଟିଂରେ ରହିଛି ।
କଂପାନି ପାଖରେ ୨,୧୨,୮୨୧ ତାଲିମ୍ ପ୍ରାପ୍ତ ବୀମା ପେସାଦାରଙ୍କ ଟିମ୍ ରହିଥିବା ବେଳେ ସାରା ଦେଶରେ ୯୪୭ଟି କାର୍ଯ୍ୟାଳୟ ରହିଛି । ଏହା ସହିତ ବ୍ୟାଙ୍କ ଆସ୍ୟୁରାନ୍ସ ଚ୍ୟାନେଲ୍, ଏଜେନ୍ସି ଚ୍ୟାନେଲ୍, କର୍ପୋରେଟ୍ ବ୍ରୋକର୍, ମାଇକ୍ରୋ ଏଜେଣ୍ଟ୍, ଜନ ସେବା କେନ୍ଦ୍ର, ବୀମା ମାର୍କେଟିଂ କଂପାନି, ୱେବ୍ ଏଗ୍ରିଗ୍ରେଟର୍ ଓ ପ୍ରତ୍ୟକ୍ଷ ବ୍ୟବସାୟ ଭଳି ଚ୍ୟାନେଲ୍ ମଧ୍ୟ ରହିଛି । ଘରୋଇ ଜୀବନ ବୀମା କଂପାନିଗୁଡ଼ିକ ମଧ୍ୟରେ ଏସବିଆଇ ଲାଇଫ୍ ଇନସ୍ୟୁରାନ୍ସର ବଜାର ଅଂଶ ୧୮.୯%କୁ ବୃଦ୍ଧି ପାଇଛି ।
