ପାରଳାଖେମୁଣ୍ଡି/ ବାଳକୃଷ୍ଣ ପାଣିଗ୍ରାହୀ : ମୋହନା ନୀଳକଣ୍ଠେଶ୍ଵର ଶିବ ମନ୍ଦିର ପରିସରରେ ମୋହନା ସାମ୍ବାଦିକ ସଂଘର ଜରୁରୀକାଳିନ ବୈଠକ କୋଡ଼ିଡ୍ କଟକଣା ନିୟମ ଅନୁଯାୟୀ ଅନୁଷ୍ଠିତ ହୋଇଯାଇଛି।
ସଂଘର ସଭାପତି ପଞ୍ଚାନନ ଦାଶଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ସଂଘର ସମସ୍ତ କର୍ମକର୍ତ୍ତା ମାନେ ଉପସ୍ଥିତ ଥିଲେ। ନୂତନ ଭାବେ ସଂଘରେ ସାମ୍ବାଦିକ ମନ୍ମଥ ମିଶ୍ର , ସୁଶାନ୍ତ ମାଳି , ଲକ୍ଷ୍ମୀନାରାୟଣ ଆଚାର୍ଯ୍ୟ , ବୁଲୁ ବିଷୋୟୀ ଯୋଗଦାନ କରିଥିଲେ। ସମସ୍ତ ନୂତନ ସଭ୍ୟ ମାନଙ୍କୁ ସ୍ଵାଗତ କରାଯିବା ସହ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା।
ବୈଠକରେ ସ୍ଥାନୀୟ ବ୍ଳକର ୩୯ଟି ପଞ୍ଚାୟତରେ ରହିଥିବା ମୌଳିକ ସମସ୍ୟା ବିଷୟରେ ଆଲୋଚନା , ସମସ୍ୟା ଭିର୍ତ୍ତିକ ଖବର ପରିବେଷଣ ଓ ସଂଗ୍ରହ , ପ୍ରମାଣ ଭିର୍ତ୍ତିକ ଖବର ପ୍ରକାଶନ ଓ ସଂଗ୍ରହ , ଗୋପବନ୍ଧୁ ସ୍ୱାସ୍ଥ୍ୟବୀମା ଯୋଜନା , ସରକାରୀ ଓ ବେସରକାରୀ କାର୍ଯ୍ୟାଳୟକୁ ଖବର ସଂଗ୍ରହ କରିବା ପାଇଁ ଯିବା ସମୟରେ ପରିଚୟପତ୍ର ସାଥିରେ ନେବା , ପ୍ରତ୍ୟେକ ମାସର ଶେଷ ସପ୍ତାହରେ ବୈଠକ କରିବା , ପ୍ରତ୍ୟେକ ପଞ୍ଚାୟତକୁ ସମସ୍ତ ସଭ୍ୟ ସପ୍ତାହର ଗୋଟିଏ ଦିନ ମିଳିତ ଭାବେ ଗ୍ସ୍ତ କରିବା ଓ ଦୁର୍ଗମ ଅଞ୍ଚଳର ଅଧିବାସୀଙ୍କୁ ସାକ୍ଷାତ କରି ସେମାନଙ୍କ ସୁବିଧା ଅସୁବିଧା ବିଷୟରେ ଆଲୋଚନା କରି ଖବର ପରିବେଷଣ କରିବା ଏବଂ ପ୍ରଶାସନକୁ ଅବଗତ କରିବା ସମ୍ପର୍କରେ ଆଲୋଚନା କରାଯାଇଥିଲା ।
ଏହି ବୈଠକରେ ସାମ୍ବାଦିକ ମିହିର ଜତି , ଅଂଶୁମାନ ପଣ୍ଡା , ସୁହାନ ଛିଞ୍ଚାଣି , ଯୋଗେନ୍ଦ୍ର ରଥ , ମାଣିକ ଜେନା , ମୋହନ ଗୌଡ , ମୋଜେଶ ରଇତ ପ୍ରମୁଖ ସଦସ୍ୟ ଉପସ୍ଥିତ ଥିଲେ। ଶେଷରେ ସଂଘର କୋଷାଧ୍ୟକ୍ଷ ଶ୍ରୀ ଛିଞ୍ଚାଣି ଉପସ୍ଥିତ ସମସ୍ତ କର୍ମକର୍ତ୍ତାଙ୍କୁ ଧନ୍ୟବାଦ ଅର୍ପଣ କରିଥିଲେ।