ବାରିପଦା(ଦିଲ୍ଲୀପ ମହାନ୍ତି )- ବାରିପଦାସ୍ଥିତ ଏମକେସି ହାଇସ୍କୁଲ ପରିସରରେ ମହାରାଜା କୃଷ୍ଣଚନ୍ଦ୍ର ସାହିତ୍ୟ ସଂସଦ ପକ୍ଷରୁ ପ୍ରଖ୍ୟାତ ସଙ୍ଗୀତ ନିର୍ଦ୍ଦେଶକ ସ୍ୱର୍ଗତ ରାଧାକୃଷ୍ଣ ଭଞ୍ଜଙ୍କ ଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ଅନୁଷ୍ଠିତ କାର୍ଯ୍ୟକ୍ରମର ପ୍ରାରମ୍ଭରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ତଥା ସଂସଦର ସଭାପତି ଡ଼ଃ ପ୍ରଜ୍ଞା ପାରମିତା ଜେନା ରାଧାକୃଷ୍ଣ ଭଞ୍ଜଙ୍କ ଫଟୋଚିତ୍ରରେ ପୁଷ୍ପମାଲ୍ୟ ପ୍ରଦାନ ପୂର୍ବକ ଭକ୍ତିପୂତ ଶ୍ରଦ୍ଧା ସୁମନ ଅର୍ପଣ କରିବା ସହ ସାମ୍ପ୍ରତିକ ସମୟର ସଙ୍ଗୀତ ସାଧକଙ୍କ ନିମନ୍ତେ ସେ ଜଣେ ଆଦର୍ଶ ସବୁ ଦିନ ପ୍ରେରଣାର ଉତ୍ସ ହୋଇ ରହିଥିବା ବୋଲି ମତବକ୍ତ କରିଥିଲେ । ସେହିପରି ସଂସଦର ସଂଯୋଜକ ଶିକ୍ଷକ ଅମିତାଭ ମିଶ୍ରଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଶିକ୍ଷକ ଅମୂଲ୍ୟ କୁମ୍ଭକାର, ବୈଜୟନ୍ତ କୁମାର ଦାସ, ଲକ୍ଷ୍ମୀନାରାୟଣ ମହାନ୍ତ, ପ୍ରବୀଣ କୁମାର ଚାନ୍ଦ, ରାଜୀବ ଲୋଚନ ଜେନା ଓ ମନୋଜ କୁମାର ପରିଡ଼ା ପ୍ରମୁଖ ଯୋଗ ଦେଇ ପୁଷ୍ପାଞ୍ଜଳି ଅର୍ପଣ କରିବା ସହ ସ୍ୱର୍ଗତ ଭଞ୍ଜଙ୍କ ସ୍ମୃତି ଚାରଣ କରିଥିଲେ ।
