ଉଜ୍ବଳ ଭବିଷ୍ୟତର କାମନା କଲେ ଉପଜିଲ୍ଲାପାଳ ଓ ଅନ୍ୟାନ୍ୟ ଅଧିକାରୀ
ବରଗଡ :- ଗତ ଅପ୍ରେଲ ମାସ ଏଗାର ତାରିଖ ଦିନ ପାଇକମାଲ ଥାନାରେ ଚାର୍ଜ ନେଇଥିଲେ ଯୁବ ଡ଼ିଏସପି ଦିନେଶ ନାଏକ । ପାଇକମାଲ ରେ ଗତ ୫ ମାସ ସ୍ୱଳ୍ପ ଅବଧୀର କାର୍ଯକାଲ ଭିତରେ ଅଞ୍ଚଳରେ ଲୋକପ୍ରିୟ ହେବା ସହିତ ଲୋକଙ୍କୁ ପୋଲିସର ନିକଟତର କରିବାରେ ଅନେକ ମାତ୍ରା ରେ ସଫଳତା ପାଇ ପାରିଥିଲେ ଶ୍ରୀ ନାଏକ । ଶ୍ରୀ ନାଏକଙ୍କୁ ପାଇକମାଲ ପୋଲିସ ତରଫରୁ ବିଦାୟ କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି । ଶ୍ରୀ ନାୟକ ଆଗାମୀ ଦିନରେ ଜଣେ କର୍ମଠ , ନୀତିନିଷ୍ଠ ତଥା ଲୋକଙ୍କ ସେବାରେ ତତ୍ପର କର୍ତ୍ତବ୍ୟ ପରାୟଣ ପୋଲିସ ଅଧିକାରୀ ଭାବରେ ସୁନାମ ଅର୍ଜନ କରିଥିବା ଶ୍ରୀ ନାଏକଙ୍କର ଉଜ୍ବଳ ଭବିଷ୍ୟତ କାମନା କରିଛନ୍ତି ପଦ୍ମପୁର ଉପଜିଲ୍ଲାପାଳ ଶ୍ରୀ ତନ୍ମୟ କୁମାର ଦରୁଆନ । ପାଇକମାଲ ତହସିଲଦାର ଶ୍ରୀ ମନୋଜ କୁମାର ମେହେର , ପାଇକମାଲ ନାଗରିକ କମିଟିର ସଭାପତି ଶ୍ରୀ ମନୋଜ କୁମାର ତ୍ରିବେଦୀ , ଉପସଭାପତି ଶ୍ରୀ ସୁଶାନ୍ତ ନାଗ, ସମ୍ପାଦକ ଶ୍ରୀ ନୀଳମଣି ପଣ୍ଡା ପ୍ରମୁଖ ମଧ୍ୟ ଶ୍ରୀ ନାଏକ ଙ୍କର ଉଜ୍ବଳ ଭବିଷ୍ୟତ କାମନା କରିଛନ୍ତି ।
"ପାଞ୍ଚ ମାସ ର ଅବଧୀ ରେ ପାଇକମାଲ ଅଞ୍ଚଳ ବାସିଙ୍କର ନିକଟରୁ ଅନେକ ସ୍ନେହ ପାଇଛି । ଅନେକ ମିଠା ଅନୁଭୂତି ନେଇ ଯାଉଛି । ପାଇକମାଲ ଥାନାର ସମସ୍ତ କର୍ମଚାରୀ ଓ ଅଧିକାରୀ ମାନଙ୍କୁ ଅନେକ ଅନେକ ଧନ୍ୟବାଦ " ବୋଲି କହିଛନ୍ତି ଶ୍ରୀ ନାଏକ ।
