ସମ୍ବଲପୁର, (ରମାକାନ୍ତ ବିଶ୍ବାଳ ):   ସମ୍ବଲପୁର ର ଅଗ୍ରଣୀ ସାମାଜିକ ଅନୁଷ୍ଠାନ ''ଉତ୍ସର୍ଗ''ର ୩୬ ତମ ବାର୍ଷିକ ଉତ୍ସବ ୱେବିନାର ମାଧ୍ୟମ ରେ ପାଳିତ ହୋଇଛି  l ଆଜିର ଦିନରେ ସାରା ବିଶ୍ୱ କୋବିଡ଼- ୧୯  କରୋନା ସଂକ୍ରମଣ ରେ ଆତଙ୍କିତ ହୋଇ  ଚାଲିଥିବା ବେଳେ, ସରକାରଙ୍କ ର ନିୟମ କୁ ପାଳନ କରିବାର ଆବଶ୍ୟକତା ରହିଛି l ସାମାଜିକ ଦୂରତା  ତଥା ସଭା ସମିତି ର ଆୟୋଜନ ରୁ ବାରଣ ରହିବାର ଆବଶ୍ୟକତା ରହିଛି l ସେହି ଦୃଷ୍ଟି ରୁ ''ଉତ୍ସର୍ଗ'' ୧୯୮୪ ମସିହାରୁ  ପ୍ରତିଷ୍ଠା ଅନବରତ ସମାଜ ପାଇଁ ଉତ୍ସର୍ଗୀକୃତ ହୋଇ ଆସିଥିବା ଅନୁଷ୍ଠାନ  ଆଜି  ୩୬ ବର୍ଷ ରେ ପହଂଚି ଯାଇଛି l ହେଲେ ଆଜି ବି ସେହି ଉତ୍ସାହ ଆଉ ସମାଜ ପାଇଁ କାର୍ଯ୍ୟ କରିବାର ମନୋବଳ କମି ନାହିଁ l  ରକ୍ତଦାନ ଠୁ ଆରମ୍ଭ କରି  ଶରୀର ଦାନ, ବୃକ୍ଷ ରୋପଣ, ସ୍ୱାସ୍ଥ୍ୟ ସେବା, ସଫେଇ ଅଭିଯାନ, ପ୍ରାକୃତିକ ବିପର୍ଯ୍ୟୟ ସମୟ ରେ ସାହାଯ୍ୟ ପରି କାର୍ଯ୍ୟ ରେ ନିଜକୁ ସାମିଲ କରି ଆସିଛି ''ଉତ୍ସର୍ଗ'' l 

     ଆଜିର ଏହି ୱେବିନାର କୁ ସଭ୍ୟ ସ୍ୱସ୍ତିକ ପାଣ୍ଡେ  ସଂଚାଳନ କରିଥିବା ବେଳେ ଅନୁଷ୍ଠାନ ର ସଂଯୋଜକ ପ୍ରଶାନ୍ତ ପାଟଜୋଷୀ  ପ୍ରାରମ୍ବିକ ସୂଚନା ଓ  ସ୍ୱାଗତ ବକ୍ତବ୍ୟ ରଖିଥିଲେ l ଅତିଥି ଭାବରେ  ଯୋଗଦେଇ  ଡାକ୍ତର  ପ୍ରମୋଦ କୁମାର ପୁରୋହିତ  କୋଭିଡ-୧୯ ଓ ଏହି  ସମୟ ର ସତର୍କତା  ଓ  ସଚେତନତା ର ଆବଶ୍ୟକତା  ବିଷୟରେ ଆଲୋକପାତ କରିଥିବା ବେଳେ ଅନ୍ୟତମ ଅତିଥି  ବରିଷ୍ଠ ସାମ୍ବାଦିକ  ଶିବ ଶଙ୍କର ନନ୍ଦ  ଆଜିର ଦିନରେ ସମାଜ ପ୍ରତି  ଯୁବ ସମାଜ ର ଦାୟିତ୍ୱ ଓ କର୍ତ୍ତବ୍ୟ  ବିଷୟରେ  ନିଜର ବକ୍ତବ୍ୟ ରଖିଥିଲେ l 

          ଶେଷରେ ଅନୁଷ୍ଠାନ ର ବରିଷ୍ଠ ସଭ୍ୟ ସୁଧୀର ପୂଜାରୀ  ''ଉତ୍ସର୍ଗ'' ର କର୍ତ୍ତବ୍ୟ ପରାୟଣାତା ବିଷୟ ରେ ଆଲୋଚନା କରିବା ସହ ଧନ୍ୟବାଦ ଅର୍ପଣ କରିଥିଲେ l ଏହି ୱେବିନାର କୁ ସଭ୍ୟ ପ୍ଲାବନ ମିଶ୍ର ପରିଚାଳନା ରେ ସହଯୋଗ କରିଥିଲେ l ଏହି ୱେବିନାର ରେ ''ଉତ୍ସର୍ଗ''ର  ଶତାଧିକ ସଭ୍ୟ ଓ ଶୁଭେଛୁ  ଭାଗ ନେଇଥିଲେ l