ଓଡ଼ିଶାସ୍ଥିତ ସ୍ୱେଚ୍ଛାସେବୀ ସଂଗଠନ ଏ .ଜେ.ଏସ୍.ଏ ଇଣ୍ଡିଆକୁ କପ୍ ୩୦ ସମ୍ମିଳନୀରେ ମିଳିଲା ବିଶ୍ୱସ୍ତରୀୟ ମାନ୍ୟତା
ଭୁବନେଶ୍ୱର: ଚଳିତବର୍ଷ ମିଳିତ ଜାତିସଂଘ ଓ ବ୍ରାଜିଲ ସରକାରଙ୍କ ମିଳିତ ଆନୁକୂଲ୍ୟରେ ବେଲେମ୍ସ ସହରରେ ଅନୁଷ୍ଠିତ ହେଉଥିବା କପ୍ ୩୦ ସମ୍ମିଳନୀରେ ଆୟୋଜିତ ଏକ ସ୍ୱତନ୍ତ୍ର ସଭାରେ ବ୍ରାଜିଲ ପ୍ରଥମ ମହିଳା ସମ୍ମାନନୀୟା ଜାଞ୍ଜାଲୁଲା ଦା ସିଲ୍ଭା, ଜର୍ଡାନର ରାଜକୁମାରୀ ଦାନା ଫିରାସ, ଗ୍ଲୋବାଲ ସେଣ୍ଟର ଅନ୍ ଆଡାପ୍ଟେସନ (ଜି.ସି.ଏ)ର ଅଧ୍ୟକ୍ଷ ଓ ସିଇଓ ପ୍ରଫେସର ପ୍ୟାଟ୍ରିକ୍ ଭି ଭର୍କୋଇଯେନ୍ ଏବଂ ନରେୱେ, ଇଉନାଇଟେଡ କିଙ୍ଗଡମ୍ ସରକାରଙ୍କ ଉଚ୍ଚ ପଦାଧିକାରୀମାନେ ମିଳିତ ହିସାବରେ ଏ.ଜେ.ଏସ.ଏ ଇଣ୍ଡିଆର କାର୍ଯ୍ୟନିର୍ବାହୀ ନିଦେ୍ର୍ଦଶକ ଶ୍ରୀ ମନୋରଞ୍ଜନ ବେହେରାଙ୍କୁ ମହିଳାଙ୍କ ଜୀବିକା ଅଭିବୃଦ୍ଧିରେ ଉନ୍ନତିମୂଳମ କାର୍ଯ୍ୟକ୍ରମ ଶ୍ରେଣୀରେ ‘ଲୋକାଲିଲେଡ୍ ଆଡାପ୍ଟେସନ ଚାମ୍ପିଅନ୍ (ଏଲଏଲଏ)’ ପୁରସ୍କାର ପ୍ରଦାନ କରିବା ସହିତ ସମ୍ମାନିତ କରିଥିଲେ । ଏହି ବିଶେଷ ସମାରୋହ କପ୍ ୩୦ର ରେଜିଲିଏନ୍ସ ହବ୍ରେ ଆୟୋଜିତ ହୋଇଥିଲା । ଏହି ସମ୍ମିଳନୀରେ ବିଶ୍ୱର ପାଖାପାଖି ଦୁଇଶହ ଦେଶରୁ ପଚାଶ ହଜାର ଲୋକ ଯୋଗଦାନ କରିଛନ୍ତି ।
ଚଳିତ ବର୍ଷର ଏଲ୍.ଏଲ୍.ଏ ପୁରସ୍କାର ପ୍ରତିଯୋଗୀତାରେ ୮୬ଟି ଦେଶରୁ ୪୮୯ଟି ସାମାଜିକ ସଂଗଠନ ଏବଂ ଯୁକ୍ତରାଷ୍ଟ୍ର ସଂଗଠନ ଇଦ୍ୟାଦି ଭାଗ ନେଇଥିଲେ । ତନ୍ମଧ୍ୟରୁ ଚାରୋଟି କ୍ଷେତ୍ରରେ ୨୦ଟି ପ୍ରଭାବଶାଳୀ ପ୍ରକଳ୍ପକୁ ଅନ୍ତିମ ସୋପାନରେ ମନୋନୀତ କରାଯାଇଥିଲା । ଏହିମଧ୍ୟରୁ ଏ.ଜେ.ଏସ୍.ଏ ଇଣ୍ଡିଆକୁ ମହିଳା ଜୀବିକା ଶ୍ରେଣୀର ବିଶିଷ୍ଟ ବିଚାରକ ମଣ୍ଡଳୀ ଦ୍ୱାରା ବିଶ୍ୱଜୟୀ ଭାବେ ବିବେଚିତ କରାଯାଇଥିଲା । ବିଚାରକ ମଣ୍ଡଳୀରେ ବିଶ୍ୱସ୍ତରୀୟ ସମ୍ମାନିତ ବ୍ୟକ୍ତିବିଶେଷଙ୍କ ମଧ୍ୟରୁ ସଂଯୁକ୍ତ ରାଷ୍ଟ୍ରଙ୍କ ୮ତମ ସେକ୍ରେଟାରୀ ଜେନେରାଲ ଲାନˆି-ମୁନ୍, ବ୍ରାଜିଲ ପ୍ରଥମ ମହିଳା ଜାଞ୍ଜାଲୁଲା ଦା ସିଲ୍ଭା; ୟୁନାଇଟେଡ କିଙ୍ଗଡମ୍ର ଆନ୍ତର୍ଜାତୀୟ ଉନ୍ନୟନ ମନ୍ତ୍ରୀ ଡାର୍ଲିଙ୍ଗ ଟନ୍ରବାରୋ ସ୍ଟାପମାନ୍; ନରୱେର ଆନ୍ତର୍ଜାତିକ ଉନ୍ନୟନ ମନ୍ତ୍ରୀ ଆସମଣ୍ଡ୍ ଗ୍ରୋଭର ଆକ୍ରଷ୍ଟ, ଆଫ୍ରିକୀୟ ସଂଘ ଡେଭଲପେଣ୍ଟ ଏଜେନ୍ସିର ସିଇଓ ନାର୍ଡୋଗ୍ଧ-ବେକେଲ-ଥୋମାସ; ଏବଂ ଗ୍ଲୋବାଲ ସେଣ୍ଟର ଅନ୍ ଆଡାପ୍ଟେସନ (ଜିସିଏ)ର ଅଧ୍ୟକ୍ଷ ଓ ସିଇଓ ପ୍ରଫେସର ପ୍ୟାଟ୍ରିକ ଭି ଭର୍କୋଇଯେନ୍ ଏହି ପ୍ରକ୍ରିୟାରେ ଭାଗ ନେଇଥିଲେ । 
ସୂଚନାଯୋଗ୍ୟ ଯେ ଓଡ଼ିଶାର କଳାହାଣ୍ଡି ଜିଲ୍ଲାର ବିଭିନ୍ନ ମରୁଡିପ୍ରବଣ ଗ୍ରାମଗୁଡିକରେ ୫୫୦୦ରୁ ଅଧିକ ଆଦିବାସୀ ମହିଳାଙ୍କ ସହ ଏ.ଜେ.ଏସ୍.ଏ ଜଳବାୟୁ-ଅନୁକୂଳ କୃଷି, ସ୍ଥାୟୀ ଜୀବିକା, ଏବଂ ଜୈବ ବିବିଧତାର ଅଭିବୃଦ୍ଧି ଦିଗରେ ବିଗତ ବହୁ ବର୍ଷ ଧରି କାମ କରିଆସୁଅଛି, ଯାହାଦ୍ୱାରା ସେଠିକାର ମହିଳାମାନେ ସ୍ୱାବଲମ୍ବୀ ଏବଂ ଆତ୍ମନିର୍ଭରଶୀଳ ହୋଇପାରିଛନ୍ତି । ତତ୍ସହିତ ସେହି ଅଞ୍ଚଳର ବିକାଶରେ ପ୍ରମୁଖ ଭୂମିକା ମଧ୍ୟ ନେଉଛନ୍ତି ।
ଏହି ସମ୍ମାନ କେବଳ ଏ.ଜେ.ଏସ୍.ଏର ସମ୍ମାନ ନୁହେଁ, ଏହି ସମ୍ମାନ କଳାହାଣ୍ଡିର ସୁବୁଠୁ ଜଳବାୟୁ-ସମ୍ବେଦନଶୀଳ ଗ୍ରାମମାନଙ୍କର ମହିଳାଙ୍କ ଉଦ୍ୟମ, ସାହସିକତା ଓ କଠିନ ପରିଶ୍ରମର ଏକ ପ୍ରତିଫଳନ ବୋଲି କହିଛନ୍ତି ଏ.ଜେ.ଏସ୍.ଏ ଇଣ୍ଡିଆର କାର୍ଯ୍ୟନିର୍ବାହୀ ନିଦେ୍ର୍ଦଶକ ଶ୍ରୀ ମନୋରଞ୍ଜନ ବେହେରା । ସ୍ଥାନୀୟ ସମୁଦାୟମାନଙ୍କ ତୃଣମୂଳସ୍ତରୀୟ ପ୍ରଚେଷ୍ଟା ଏବଂ ସ୍ୱରକୁ ବିଶ୍ୱ ମଞ୍ଚରେ ପହଞ୍ଚାଇବା ପାଇଁ ଗ୍ଲୋବାଲ ସେଣ୍ଟର ଅନ୍ ଆଡାପ୍ଟେସନ ଏବଂ ନିର୍ବାଚକମଣ୍ଡଳୀଙ୍କୁ ଆମେ କୃତଜ୍ଞତା ଜ୍ଞାପନ କରୁଛୁ । ତତ୍ସହିତ ଓଡ଼ିଶା ସରକାର, କଳାହାଣ୍ଡି ଜିଲ୍ଲାବାସୀ, ସ୍ୱେଚ୍ଛାସେବୀ ସଂଗଠନ ଏବଂ ଆମ ସହ କାର୍ଯ୍ୟରତ କର୍ମକର୍ତ୍ତାମାନଙ୍କୁ ଧନ୍ୟବାଦ ଜଣାଉଛୁ, ଯାହାଙ୍କ ସହଯୋଗୀତାରେ ଆମର ସ୍ୱର ବିଶ୍ୱ ଦରବାରରେ ପହଞ୍ଚିପାରିଛି ବୋଲି ସେ ଦର୍ଶାଇଛନ୍ତି । ଏହି ଖବର ଶୁଣି ବିଭିନ୍ନ ମହଲରେ ଆନନ୍ଦର ଲହରି ଖେଳିଯାଇଛି ।