ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ରାୟଗଡ ସ୍ଥିତ ସରକାରୀ ଉଚ୍ଚ ବିଦ୍ୟାଳୟ ନିକଟରେ ରାୟଗଡ ପୋଲିସ ଓ ମହେନ୍ଦ୍ର ବନ ରେଞ୍ଜର ମିଳିତ ଚଢ଼ାଉ କରାଯାଇ ୪ କିଲୋ ୩୦୦ ଗ୍ରାମ ଓଜନର ଧଳା ଚନ୍ଦନ କାଠ ଜବତ କରା ଯାଇଛି । ଏ ସଂକ୍ରାନ୍ତରେ ସମ୍ପୃକ୍ତ ଥିବା ବାବୁରାଓ ପାସୁପୁରେଡିକୁ ଗିରଫ କରାଯାଇ କୋର୍ଟ ଚାଲାଣ କରା ଯାଇଥିବା ବିଭାଗୀୟ ସୂତ୍ରରୁ ଜଣାଯାଇଛି ।
ପ୍ରକାଶ ଯେ , ସମ୍ପୃକ୍ତ ବାବୁରାଓ ପାସୁପୁରେଡି ଜଲାଙ୍ଗ ଗ୍ରାମ ଅଞ୍ଚଳରୁ ରାୟଗଡକୁ ଏକ ବାଇକ ଯୋଗେ ଧଳା ଚନ୍ଦନ କାଠ ଧରି ଆସୁଥିଲା । ଏହି ସମୟରେ ରାୟଗଡ ପୋଲିସ ଓ ମହେନ୍ଦ୍ର ବନ ରେଞ୍ଜର କୌଣସି ସୂତ୍ରରୁ ଖବର ପାଇ ସମ୍ପୃକ୍ତ ବାଇକକୁ ଅଟକାଇ ତା ଉପରେ ଚଢ଼ାଉ କରି ଯାଞ୍ଚ କରିଥିଲେ । ସେତେବେଳେ ସେ ଧଳା ଚନ୍ଦନ କାଠ ଧରିଥିବା ଜଣା ପଡ଼ିଥିଲା ।
ଏହି ଚଢ଼ାଉ ବେଳେ ବନ ବିଭାଗ ମହେନ୍ଦ୍ର ରେଞ୍ଜର କବିନ ପରିଛଙ୍କ ପ୍ରତ୍ୟକ୍ଷ ତତ୍ତ୍ଵ ବଧାନରେ ଫରେଷ୍ଟର ସନ୍ତୋଷ ରଥ , ଫରେଷ୍ଟ ଗାର୍ଡ କାଳି ପ୍ରସାଦ ଶବର , ଚିନ୍ତାମଣି ଶବର , ଗୀତାଞ୍ଜଳି ପଟ୍ଟନାୟକ ଓ ରାୟଗଡ଼ ପୋଲିସ ଏସ ଆଇ ରତ୍ନ ନିଧି ପାତ୍ର , ହାବିଲଦାର ଭାସ୍କର ସାୟା ଏବଂ ପାରା ଦଳ ପ୍ରମୁଖ ଚଢ଼ାଉ କରିଥିଲେ ।
