ସୁରେନ୍ଦ୍ର କୁମାରଙ୍କୁ ସରକାରଙ୍କ ଦଶହରା ଭେଟି, ପାଇଲେ ଜଳସମ୍ପଦ
ଲୋହାନୀ ହେଲେ ମୁଖ୍ୟ ନିର୍ବାଚନ ଅଧିକାରୀ
BHUBANESWAR(SPB): ବିଜେପୁର ନିର୍ବାଚନ ପ୍ରକ୍ରିୟା ଚାଲିଥିବା ବେଳେ ବଦଳିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ | ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଥିବା ୧୯୯୩ ବ୍ୟାଚ ଆଇଏଏସ ଅଫିସର ସୁରେନ୍ଦ୍ର କୁମାରଙ୍କୁ ଜଳସମ୍ପଦ ବିଭାଗର ପ୍ରମୁଖ ଶାସନ ସଚିବ ଭାବେ ନିଯୁକ୍ତି ଦିଆ ଯାଇଛି | ସେହିପରି ଅବକାରୀ ବିଭାଗର କମିଶନର ତଥା ଶାସନ ସଚିବ ତଥା ଜିଏସଟି କମିଶନର ଦାୟିତ୍ୱ ତୁଲାଉଥିବା ୧୯୯୫ ବ୍ୟାଚ୍ ଆଇଏଏସ୍ ଅଫିସର ସୁଶୀଲ କୁମାର ଲୋହାନିଙ୍କୁ ରାଜ୍ୟ ମୁଖ୍ୟନିର୍ବାଚନ ଅଧିକାରୀ ଭାବେ ଅବସ୍ଥାପିତ କରିଛନ୍ତି ସରକାର | ୨୦୧୭ ବ୍ୟାଚ୍ ଆଇଏଏସ୍ ସୋମେଶ କୁମାର ଉପାଧ୍ୟାୟଙ୍କୁ ଓମ୍ଫେଡର ସିଜିଏମ୍ ଭାବେ ନିଯୁକ୍ତି ଦିଆଯାଇଥିବା ବେଳେ ସେହି ବ୍ୟାଚର ଆଇଏଏସ୍ ପି.ଅନ୍ୱେଷା ରେଡ୍ଡୀ ହେଲେ ଓଡିଶା ଖଣି ନିଗମର କାର୍ଯ୍ୟ ନିର୍ବାହୀ ନିର୍ଦ୍ଦେଶକ , ପାଟିଲ ଆଶିଷ ଇଶ୍ୱରଙ୍କୁ ଗ୍ରିଡକୋର କାର୍ଯ୍ୟ ନିର୍ବାହୀ ନିର୍ଦ୍ଦେଶକ, ଦିବାକର ଟି.ଏସ୍ଙ୍କୁ ଓକାକର ଓଏସ୍ଡି ଓ ହେମକାନ୍ତ ସାଏଙ୍କୁ ଓଟିଡିସି ପରିଚାଳନା ନିର୍ଦେଶକଭାବେ ଅବସ୍ଥାପିତ କରାଯାଇଛି |
