ରାଉରକେଲା,(ବସନ୍ତ କୁମାର ଜେନା): ସେକ୍ଟର-୭ ଥାନାରେ ରୁଜୁ ହୋଇଥିବା ବହୁଚର୍ଚ୍ଚିତ ଅପରାଧ ମାମଲାରେ ପୁଲିସକୁ ଆଉ ଏକ ସଫଳତା ମିଳିଛି। ମାମଲାର ତଦନ୍ତକୁ ଆଗକୁ ବଢ଼ାଇ ପୁଲିସ ସହ-ଅଭିଯୁକ୍ତ *ବିଶୁ ଓରଫ ଉମାକାନ୍ତ ହରିପ୍ପା (୩୫)*ଙ୍କୁ ଗିରଫ କରି ଅଦାଲତ ଚାଲାଣ କରିଛି।
ସୂଚନା ଅନୁଯାୟୀ, ଗତ ୧୬ ଜୁନ୍ ୨୦୨୬ରେ ଜଣେ ମହିଳାଙ୍କ ଲିଖିତ ଅଭିଯୋଗ ଆଧାରରେ ସେକ୍ଟର-୭ ଥାନାରେ ମାମଲା ରୁଜୁ ହୋଇଥିଲା। ପୂର୍ବରୁ ଏହି ଘଟଣାରେ ତିନିଜଣଙ୍କୁ ଗିରଫ କରାଯାଇଥିବା ବେଳେ ଦୁଇଜଣ ଅଭିଯୁକ୍ତ ଚିକିତ୍ସାଧୀନ ଅବସ୍ଥାରେ ପୁଲିସ ହେପାଜତରେ ରହିଛନ୍ତି।
ତଦନ୍ତର ଅଗ୍ରଗତି କ୍ରମରେ ୨୭ ଜୁନ୍ରେ ବିଶୁ ଓରଫ ଉମାକାନ୍ତ ହରିପ୍ପାଙ୍କୁ ଗିରଫ କରାଯାଇ ସମ୍ପୃକ୍ତ ଧାରାରେ ଅଦାଲତକୁ ପଠାଯାଇଛି। ଅଭିଯୁକ୍ତଙ୍କ ନିକଟରୁ OD-14AH-6561 ନମ୍ବର ବିଶିଷ୍ଟ ଏକ ଆକ୍ଟିଭା ସ୍କୁଟି ଜବତ କରାଯାଇଛି।
ଏହି ମାମଲାରେ ସମ୍ପୃକ୍ତ ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ପୁଲିସର ତଦନ୍ତ ଓ ଚଢ଼ାଉ ଜାରି ରହିଥିବା ସୂଚନା ମିଳିଛି।