ଝାରସୁଗୁଡ଼ା, ୨୭ ଜୁନ: ଝାରସୁଗୁଡ଼ା ଜିଲ୍ଲାରେ ଶୁକ୍ରବାର ବିଭିନ୍ନ ଅଞ୍ଚଳରେ ବର୍ଷା ହୋଇଥିବା ବେଳେ ଜିଲ୍ଲାର ହାରାହାରି ବର୍ଷା ପରିମାଣ ୧୧.୧୨ ମି.ମି. ରେକର୍ଡ ହୋଇଛି। ଦିନକରେ ଜିଲ୍ଲାରେ ମୋଟ ୫୫.୬ ମି.ମି. ବର୍ଷା ହୋଇଥିବା ସୂଚନା ମିଳିଛି।
ବ୍ଲକ୍ଭିତ୍ତିକ ବର୍ଷା ପରିମାଣ ମଧ୍ୟରେ କିର୍ମିରାରେ ସର୍ବାଧିକ ୨୯.୨ ମି.ମି. ଏବଂ କୋଲାବିରାରେ ୨୪.୪ ମି.ମି. ବର୍ଷା ରେକର୍ଡ ହୋଇଛି। ଅନ୍ୟପକ୍ଷରେ ଝାରସୁଗୁଡ଼ା ଓ ଲଖନପୁର ବ୍ଲକ୍ରେ ପ୍ରତ୍ୟେକ ୧.୦ ମି.ମି. ବର୍ଷା ହୋଇଥିବା ବେଳେ ଲାଇକେରା ବ୍ଲକ୍ରେ କୌଣସି ବର୍ଷା ହୋଇନଥିବା (୦.୦ ମି.ମି.) ଜଣାପଡ଼ିଛି।
ଜିଲ୍ଲା ଜରୁରୀକାଳୀନ ପରିଚାଳନା କେନ୍ଦ୍ର, ଝାରସୁଗୁଡ଼ା ପକ୍ଷରୁ ପ୍ରକାଶିତ ରିପୋର୍ଟରେ ଏହି ସୂଚନା ଦିଆଯାଇଛି।
