କଟକ: କଟକରେ ଟେକ୍ସ-ଅରା ଏକ୍ସପୋ ୨୦୨୬ର ଉଦଘାଟିତ ହୋଇଯାଇଛି, ଯାହାକି ସୁରଟର ପ୍ରସିଦ୍ଧ ବସ୍ତ୍ର ଶିଳ୍ପର ଝଲକକୁ ଓଡ଼ିଶାରେ ପ୍ରଦର୍ଶିତ କରିଛି । ୱିସର୍ ପ୍ୟାଲେସ୍ ଠାରେ ଅନୁଷ୍ଠିତ ଏହି ଦୁଇ ଦିନିଆ ପ୍ରଦର୍ଶନୀ ଫ୍ୟାଶନ ଶିଳ୍ପ ସହ ଜଡିତ ଲୋକ, ବ୍ୟବସାୟୀ ଏବଂ ଫ୍ୟାସନ୍ ପ୍ରେମୀମାନଙ୍କ ଦୃଷ୍ଟି ଆକର୍ଷଣ କରିପାରିଛି ।
ଏହି କାର୍ଯ୍ୟକ୍ରମକୁ କଟକର ମେୟର ଶ୍ରୀଯୁକ୍ତ ସୁଭାସ ସିଂହ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ବ୍ୟବସାୟିକ ସମ୍ପର୍କକୁ ମଜବୁତ କରିବା ଏବଂ ଭାରତର ସମୃଦ୍ଧ ବସ୍ତ୍ର ଐତିହ୍ୟକୁ ପ୍ରେ।।ହିତ କରିବାରେ ଏଭଳି କାର୍ଯ୍ୟକ୍ରମର ଗୁରୁତ୍ୱ ବିଷୟରେ ସେ ଆଲୋକପାତ କରିଛନ୍ତି ।
ଉଦଘାଟନୀ ଦିନର ଏକ ମୁଖ୍ୟ ଆକର୍ଷଣ ଥିଲା ଏକ ଗ୍ରା୍ ଫ୍ୟାସନ୍ ୱାକ୍, ଯେଉଁଥିରେ ସୁରଟର ୧୫ ଜଣ ପ୍ରମୁଖ ପୋଷାକ ନିର୍ମାତାଙ୍କ କଲେକ୍ସନ ପ୍ରଦର୍ଶିତ ହୋଇଛି । ଏହି ପ୍ରଦର୍ଶନୀରେ ଆଧୁନିକ ଫ୍ୟାସନ୍ ଏବଂ ପାରମ୍ପରିକ ହସ୍ତଶିଳ୍ପର ସୁନ୍ଦର ମିଶ୍ରଣ ଦେଖିବାକୁ ମିଳିଛି, ଯାହା ଭାରତୀୟ ବସ୍ତ୍ର କ୍ଷେତ୍ରର ବିବିଧତା ଏବଂ ନୂତନତ୍ୱକୁ ପ୍ରତିଫଳିତ କରୁଛି ।
ଅଂଶଗ୍ରହଣ କରିଥିବା ନିର୍ମାତାମାନଙ୍କ ଦ୍ୱାରା ଆୟୋଜିତ ଏହି ସ୍ୱତନ୍ତ୍ର ପ୍ରଦର୍ଶନୀରେ ଦର୍ଶକମାନେ ବିଭିନ୍ନ ପ୍ରକାରର କପଡ଼ା, ପୋଷାକ ଏବଂ ନୂଆ ଡିଜାଇନ୍ ଟ୍ରେ୍ ଦେଖିବାର ସୁଯୋଗ ପାଇଛନ୍ତି । ପୂର୍ବ ଭାରତର ବଜାରରେ ଭଲ ବ୍ୟବସାୟିକ ସମ୍ପର୍କ ସୃଷ୍ଟି କରିବା ଲକ୍ଷ୍ୟରେ, ଏହି ଏକ୍ସପୋ ନିର୍ମାତା ଏବଂ କ୍ରେତାମାନଙ୍କ ମଧ୍ୟରେ ସିଧାସଳଖ ଆଲୋଚନା ପାଇଁ ସୁବିଧା ଯୋଗାଇଦେଉଛି ।
ଏହି ଅବସରରେ ଟେକ୍ସ-ଅରାର ସିଇଓ ଶ୍ରୀଯୁକ୍ତ ଆଦିତ୍ୟ ଶର୍ମା କହିଛନ୍ତି ଯେ, ଆମେ ଟେକ୍ସ-ଅରା ଏକ୍ସପୋ ୨୦୨୬ କୁ କଟକ ଆଣି ବହୁତ ଆନନ୍ଦିତ । ଏହି ପ୍ଲାଟଫର୍ମଟି ସୁରଟର ଲୋକପ୍ରିୟ ବସ୍ତ୍ର ଶିଳ୍ପକୁ ଓଡ଼ିଶାର ବଢୁଥିବା ବଜାର ସହିତ ଯୋଡିବା, ସହଭାଗୀତା ବଢାଇବା ଏବଂ ଫ୍ୟାସନ୍ ଓ ପୋଷାକ କ୍ଷେତ୍ରରେ ହୋଇଥିବା ଶ୍ରେଷ୍ଠ ନୂତନତ୍ୱକୁ ପ୍ରଦର୍ଶନ କରିବା ପାଇଁ ପ୍ରସ୍ତୁତ ହୋଇଛି ।
ଏହି ଏକ୍ସପୋ ମାର୍ଚ୍ଚ ୧୮ ତାରିଖ ପର୍ଯ୍ୟନ୍ତ ଚାଲିବ ଏବଂ ସକାଳ ୧୦ଟାରୁ ରାତି ୮ଟା ପର୍ଯ୍ୟନ୍ତ ଖୋଲା ରହିବ । ଭାରତୀୟ ବସ୍ତ୍ରର ସମୃଦ୍ଧତାକୁ ପ୍ରୋତ୍ସାହିତ କରିବା ସହିତ ଏହା ବ୍ୟବସାୟିକ ସମ୍ପର୍କକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି ।
