ଗତ କୁମାର ପୁର୍ଣିମା ରାତିରେ ଘଟିଥିବା ଦୁଃଖଦ ଘଟଣା ରେ ହତ୍ୟା ର ସ୍ବୀକାର ହୋଇ ଥିଲେ ବରିଷ୍ଠ ଆଇନଜୀବୀ ତଥା ରାଜ୍ୟ ଆଇନଜୀବୀ ପରିଷଦ ସଦସ୍ୟ ପିତବାସ ପଣ୍ଡା। ଦୀର୍ଘ ୧୭ ଦିନ ପରେ ଉକ୍ତ ହତ୍ୟାକାଣ୍ଡ ମାମଲା ରେ ଛନ୍ଦି ହୋଇ ଆଜି କୋର୍ଟ ଚାଲାଣ ହୋଇଛନ୍ତି ୧୨ ଜଣ ଅଭିଯୁକ୍ତ। ଏହି ଘଟଣାରେ ପୁର୍ବତନ ବିଧାୟକ ବିକ୍ରମ ପଣ୍ଡା ଓ ପୁର୍ବତନ ମେୟର ଶିବଶଙ୍କର ଦାସ, କର୍ପୋରେଟର ମଳୟ ବିଷୋୟୀ ଙ୍କ ସମେତ ଅଭିଯୁକ୍ତ କୁ ଗିରଫ କରି ପୋଲିସ କୋର୍ଟ ଚାଲାଣ କରିଛନ୍ତି। ଆହୁରି ୩ ଜଣ ଅଭିଯୁକ୍ତ କୁ ଗିରଫ କରାଯିବ ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ମତବ୍ୟକ୍ତ କରିଛନ୍ତି। ଏହି ଘଟଣା ରାଜନୈତିକ ଓ ବ୍ୟକ୍ତିଗତ ଶତ୍ରୁତା ଥିଲା ବୋଲି ଏସ୍ ପି କହିଛନ୍ତି।
ପୋଲିସର କହିବା ଅନୁଯାୟୀ "ସ୍ବର୍ଗତ ପଣ୍ଡା ଓ ପୁର୍ବତନ ବିଧାୟକ ବିକ୍ରମ ପଣ୍ଡା ପୁର୍ବରୁ କଂଗ୍ରେସ ଦଳରେ ରାଜନୀତି କରୁଥିଲେ ଓ ପରବର୍ତ୍ତୀ ସମୟରେ ବିକ୍ରମ ପଣ୍ଡା ଦଳ ଛାଡି ବିଜେଡିରେ ଯୋଗ ଦେଇ ବିଧାୟକ ହୋଇଥିଲେ। କିନ୍ତୁ ସ୍ବର୍ଗତ ପଣ୍ଡା କଂଗ୍ରେସ ଦଳ ସହିତ ରହିଥିଲେ। ସେହି ସମୟ ଠାରୁ ଉଭୟଙ୍କ ମଧ୍ୟରେ ବ୍ୟକ୍ତିଗତ ଶତ୍ରୁତା ଆରମ୍ଭ ହୋଇ ଥିଲା। ଅନ୍ୟ ପକ୍ଷରେ ପୁର୍ବତନ ମେୟର ଶିବଶଙ୍କର ଦାସ ଙ୍କ ସହ ମଧ୍ୟ ସ୍ବର୍ଗତ ପଣ୍ଡା ଙ୍କ ର ବିଭିନ୍ନ କାରଣରୁ ମତଭେଦ ରହିଥିଲା ।
ପରବର୍ତ୍ତୀ ସମୟରେ ବିକ୍ରମ ପଣ୍ଡା ଙ୍କ ସମସ୍ତ କାର୍ଯ୍ୟ କୁ ବିରୋଧ କରି ବିଭିନ୍ନ ଗଣମାଧ୍ୟମ ଓ ସଭାସମିତି ଜରିଆରେ ବିଷୋଦଗାର ବିବୃତି ପ୍ରଦାନ କରିଥିଲେ। ଯାହା ଫଳରେ ଉଭୟ ଙ୍କ ମଧ୍ୟରେ ଶତ୍ରୁତା ବଢ଼ି ଚାଲିଥିବା ବେଳେ ଉଭୟ ଶିବଶଙ୍କର ଦାସ ଓ ବିକ୍ରମ ପଣ୍ଡା ମିଶି ପିତବାସ କୁ ରାସ୍ତା ରୁ ହଟାଇବା ଯୋଜନା କରି ବିକ୍ରମ ନିଜର ଦୁଇ ସମର୍ଥକ କର୍ପୋରେଟର ମଳୟ ବିଷୋୟୀ ଓ ଯୁବନେତା ମଦନ ଦଳେଇ କୁ ଦାୟିତ୍ଵ ଦେଇଥିଲେ। ମଳୟ ବିଷୋୟୀ ବନ୍ଥପଲୀ ଗ୍ରାମର ପୁରାତନ ଅପରାଧୀ ଉମା ବିଷୋୟୀ ସହିତ ଯୋଗାଯୋଗ କରିଥିଲେ ଓ ଗତ ସେପ୍ଟେମ୍ବର ୧୦ ତାରିଖ ରୁ ୨୪ ତାରିଖ ମଧ୍ୟରେ ପିତବାସ କୁ ହତ୍ୟା କରିବା ପାଇଁ ଜଣେ ବିହାରୀ ଯୁବକକୁ ନିୟୋଜିତ କରିଥିଲେ। କିନ୍ତୁ ଉକ୍ତ ଯୁବକ ର କୌଣସି ପାରିବାରିକ ସ୍ବାସ୍ଥ୍ୟ ସମସ୍ୟାର ସମ୍ମୁଖୀନ ହୋଇ ସେ ଚାଲିଗଲା ପରେ ଦୁଇ ସୁପାରୀ କିଲର୍ ତିରୁପତି ଭୁୟାଁ ଓ ଚିଣ୍ଟୁ ପ୍ରଧାନ କୁ ଆଣି ଏହି କାର୍ଯ୍ୟକ୍ରମ ରେ ନିୟୋଜିତ କରି ଗତ କୁମାର ପୁର୍ଣିମା ଦିନ ସଫଳ ହୋଇଥିଲେ।" ଏହି ଘଟଣା ପରେ ଗଞ୍ଜାମ ଓ ବ୍ରହ୍ମପୁର ଜିଲ୍ଲା ଏସ୍ ପି ଉଭୟ ଗୁରୁତର ସହ ପଦକ୍ଷେପ ଗ୍ରହଣ କରି ବିଭିନ୍ନ ଆଧାର ରେ ଅନୁସନ୍ଧାନ ଚଳାଇ ଘଟଣା ରେ ଜଡିତ ୧୫ ଜଣ ନାମରେ ମକଦ୍ଦମା ରୁଜୁ କରି ଆଜି ୧୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।
