ଶିକ୍ଷକ ବଦଳିକୁ ନେଇ ଜନତାଙ୍କ ଅସନ୍ତୋଷ ଉପଜିଛି । କେନ୍ଦ୍ରାପଡ଼ା ଜିଲ୍ଲାର ଅନ୍ତେଇପାହିଲ ଅଞ୍ଚଳର ବାଲିଘାଇ ବଜ୍ରସୁନା ଉଚ୍ଚ ପ୍ରାଥମିକ ବିଦ୍ୟାଳୟକୁ ଆଜି ସକାଳୁ ତାଲା ପକାଇ ଆନ୍ଦୋଳନରେ ଯୋଗ ଦେଇଛନ୍ତି ଅଞ୍ଚଳବାସୀ ସହିତ ଛାତ୍ରଛାତ୍ରୀ । ସୂଚନା ଅନୁସାରେ, ବିଦ୍ୟାଳୟରୁ ଜଣେ କାର୍ଯ୍ୟକୁଶଳ ଶିକ୍ଷକଙ୍କୁ ବଦଳି କରାଯାଇଥିବାରୁ ସ୍ଥାନୀୟ ଲୋକମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ଏହାକୁ ନେଇ ଅଭିଭାବକମାନେ କହିଛନ୍ତି ଯେ, “ଗ୍ରାମୀଣ ଅଞ୍ଚଳରେ ଭଲ ଶିକ୍ଷକ ମାନଙ୍କୁ ବଦଳି କରି ନେଇଯିବା, ଆମ ପିଲାମାନଙ୍କ ଭବିଷ୍ୟତ ସହ ଖେଳ”।ଆନ୍ଦୋଳନକାରୀ ମାନେ ସ୍ପଷ୍ଟ କରିଦେଇଛନ୍ତି ଯେ, ଶିକ୍ଷକଙ୍କୁ ପୁଣିଥରେ ବିଦ୍ୟାଳୟରେ ନିଯୁକ୍ତ କରାଯାଇନଥିଲେ ଆନ୍ଦୋଳନକୁ ଆହୁରି ତୀବ୍ର କରାଯିବ । ଏହା ସହିତ, ଛାତ୍ରଛାତ୍ରୀମାନେ କ୍ଲାସରୁମ୍ରେ ପଢ଼ିବାକୁ ଅସ୍ବୀକାର କରି, ଅଭିଭାବକମାନଙ୍କ ସହିତ ସଡ଼କରେ ନାରାଜୋଗ କରିଥିବା ଦୃଶ୍ୟ ଦେଖିବାକୁ ମିଳିଛି ।ଘଟଣା ସ୍ଥଳକୁ ଶିକ୍ଷା ବିଭାଗର କର୍ମଚାରୀ ଓ ସ୍ଥାନୀୟ ପ୍ରଶାସନ ପହଞ୍ଚି, ପରିସ୍ଥିତିକୁ ସାମ୍ୟାବସ୍ଥାରେ ଆଣିବା ପାଇଁ ପ୍ରୟାସ କରୁଛନ୍ତି ।
