ଓଡ଼ଗାଁ, ୩୦।୮(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ଜିଲ୍ଲାଓଡ଼ଗାଁ ବ୍ଳକ ପାଣ୍ଡେରିପଡା ଗ୍ରାମପଞ୍ଚାୟତ ଦେଓଗାଁ ଗ୍ରାମବାସୀ ସେପ୍ଟେମ୍ବର ମାସ ୧ ତାରିଖ ସୋମବାର ଠାରୁ ଅଟକି ରହିଥିବା ଗ୍ରାମ ରାସ୍ତା ନିର୍ମାଣ କାର୍ଯ୍ୟ ହେବା ପର୍ଯ୍ୟନ୍ତ ନୟାଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟ ସାମନାରେ ଗଣତାନ୍ତ୍ରିକ ପଦ୍ଧତିରେ ଅହୋରାତ୍ର ଧାରଣା ଦେବାକୁ ଦେଓଗାଁ ଗ୍ରାମବାସୀଙ୍କ ତରଫରୁ ନୟାଗଡ଼ ଜିଲ୍ଲାପାଳଙ୍କ ସହିତ ଜିଲ୍ଲା ଆରକ୍ଷୀ ଅଧିକ୍ଷକ, ଟାଉନଥାନା ଅଧିକାରୀ ଏବଂ ସମସ୍ତ ଛାପା ଓ ବୈଦ୍ୟୁତିକ ଗଣମାଧ୍ୟମକୁ ସୂଚିତ କରିଛନ୍ତି । ସୂଚନା ଥାଉକି ରଙ୍ଗଣିପାଟଣା ଛକ ଠାରୁ ସୁନା ମୁହିଁ ପୂର୍ତ୍ତବିଭାଗ ରାସ୍ତାର ଦେଓଗାଁ ଠାରେ ବିବାଦୀୟ ପରିସ୍ଥିତି ଯୋଗୁଁ କିଛି ଅଂଶ ନିର୍ମାଣ ନହୋଇ ପଡ଼ିରହିଛି । ୨୫ ବର୍ଷ ଧରି ପଡିରହିଥିବା ବିବାଦୀୟ ରାସ୍ତାକୁ ନକ୍ସା ଅନୁସାରେ ନିର୍ମାଣ କରିବା ନିମନ୍ତେ ଗତ ଜୁନ୍ ମାସରେ ପୂର୍ତ୍ତବିଭାଗ ଅଧିକ୍ଷଣ ଯନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଅଧିକ୍ଷଣ ଯନ୍ତ୍ରୀ ଓଡ଼ଗାଁ ପୂର୍ତ୍ତ ବିଭାଗ ଯନ୍ତ୍ରୀଙ୍କୁ ରାସ୍ତା ନିର୍ମାଣ ନିମନ୍ତେ ପଦକ୍ଷେପ ଗ୍ରହଣ ପାଇଁ ଚିଠି କରିଥିଲେ । ଘଟଣାକୁ ୨ ମାସ ବିତିଯାଇଥିଲେ ମଧ୍ୟ ରାସ୍ତା ନିର୍ମାଣ ହୋଇପାରିନାହିଁ । ଇତିମଧ୍ୟରେ ଗ୍ରାମବାସୀଙ୍କ ତରଫରୁ ଜିଲ୍ଲାପାଳ ଏବଂ ପୂର୍ତ୍ତବିଭାଗକୁ ଏକାଧିକ ଥର ସ୍ମରଣ କରାଇବା ସତ୍ବେ ମଧ୍ୟ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ନହେବାରୁ ଆସନ୍ତା ୧ ତାରିଖ ଠାରେ ଗ୍ରାମବାସୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ ।