ବାଇଗୁଣିଆରେ ଗୋଷ୍ଠୀ ସଂଘର୍ଷ, ୪ ଆହତ

User Rating: 0 / 5

Star InactiveStar InactiveStar InactiveStar InactiveStar Inactive
 

ନୟାଗଡ଼(ବିଶ୍ଵଜିତ ନାୟକ) :- ନୟାଗଡ଼ ଜିଲ୍ଲା ଫତେଗଡ ଥାନା ବାଇଗୁଣିଆ ପଞ୍ଚାୟତ ବାଇଗୁଣିଆ ଗ୍ରାମର ତାରିଣୀ ଛକଠାରେ ଶନିବାର ରାତି ୭ ଟା ସମୟରେ ଦୁଇ ସାହିର ଯୁବକଙ୍କ ମଧ୍ୟରେ ଖଣ୍ତା ଓ ଭୂଜାଲିରେ ହଣାହଣି ହୋଇଛନ୍ତି। ଏଥିରେ ଦୁଇ ସାହିର ୪ ଜଣ ଯୁବକ ଆହତ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।ଫତେଗଡ ପୋଲିସ ଓ ଜଗନ୍ନାଥ ପ୍ରସାଦ ଫାଣ୍ଡି ଅଧିକାରୀ ଉପସ୍ଥିତ ରହି ପରିସ୍ଥିତି ନିୟନ୍ତ୍ରଣ କରିଛନ୍ତି ଏବଂ ଗ୍ରାମରେ ଉତ୍ତେଜନା ମୁଳକ ପରିସ୍ଥିତି ସୃଷ୍ଟି ହୋଇଛି। ପୂର୍ବ ଶତୃତାକୁ ନେଇ ବାଇଗୁଣିଆ ଗ୍ରାମ ଅନୁସୂଚିତ ଜାତି ସାହିର ଜଣେ ଯୁବକ ସେହି ଗ୍ରାମର ଗଉଡସାହିର ରାଜେଶ କୁମାର ବେହେରାଙ୍କୁ ଖଣ୍ତାରେ ଆକ୍ରମଣ କରିଥିଲେ ।ଏଥିରେ ରାଜେଶଙ୍କ ପିଠିରେ ଗୁରୁତର କ୍ଷତ ହୋଇଛି। ସେ ଭାପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଖବରପାଇ ଫତେଗଡ ଥାନା ଏଏସଆଇ ପ୍ରଶାନ୍ତ ବିଶ୍ୱାଳ ସଦଳବଳେ ବାଇଗୁଣିଆ ଗ୍ରାମରେ ପହଞ୍ଚିଥିବା ବେଳେ ସେହିପରି ଜଗନ୍ନାଥ ପ୍ରସାଦ ଫାଣ୍ଡି ଅଧିକାରୀ ସଞ୍ଜୟ କୁମାର ଜଗଦେବ ପହଞ୍ଚିଛନ୍ତି। ରାତି ୯ ଟା ସୁଦ୍ଧା ଗ୍ରାମରେ ପୋଲିସ ମୂତୟନ ରହିଥିବା ଜଣାପଡିଛି।ପୋଲିସ ତଦନ୍ତ କରି ଅଭିଯୁକ୍ତ ମାନଙ୍କୁ ଧରିବା ପାଇଁ ତଲାସୀ ଜାରି ରଖିଛନ୍ତି।ଗ୍ରାମରେ ଉତ୍ତେଜନା ସୃଷ୍ଟି ହୋଇଛି।

0
0
0
s2sdefault