କେନ୍ଦ୍ରାପଡା(ପ୍ରଫୁଲ୍ଲ କୁମାର ମଲ୍ଲ): ବ୍ରହ୍ମଣୀ ନଦୀ ବନ୍ୟା ଜଳ ବନ୍ଦୀରେ ଲୋକେ କୁମ୍ଭୀର ଓ ସାପ ର ଭୟରେ ଆତଙ୍କିତ ଥିବାବେଳେ ଘଟିଛି ହୃଦୟ ବିଦାରକ ଘଟଣା ! ବିଷଧର ସାପ କାମୁଡ଼ାରେ ଚାଲିଗଲା ୪ବର୍ଷ ଶିଶୁ ପୁତ୍ରର ଜୀବନ ! ମୃତ ଶିଶୁ ହେଲେ ପଟ୍ଟାମୁଣ୍ଡାଇ ବ୍ଲକ ଡାମରପୁର ପଂଚାୟତ ତେଲିପାଟଣା ଗାଁର ନାରାୟଣ ପ୍ରସାଦ ସାହୁ ଙ୍କ ଶିଶୁପୁତ୍ର ଅନ୍ତର୍ଯ୍ୟାମୀ ସାହୁ ! ସଖାଳୁ ଖାଇସାରି ଘର ବାହାରକୁ ଯିବାପାଇଁ ଘର ଦାୱାରେ ଥିବା ଆଖାବସ୍ଥା ପାଖରୁ ଜୋତା ବାହାର କରିବା ବେଳେ ଲୁଚି ରହିଥିବା ବିଷାକ୍ତ ସାପଟି ଶିଶୁକୁ କାମୁଡି ଦେଇଥିଲା ! ଡାମରପୁର ପଞ୍ଚାୟତ ଲୋକେ ଜଳବନ୍ଦୀରେ ରହି ଯୋଗାଯୋଗ ବିଛିନ୍ନ ହୋଇଥିବାରୁ ଶିଶୁପୁତ୍ରକୁ ବୁଲାଣି ରାସ୍ତାରେ ସ୍ୱାସ୍ଥ୍ୟ କେନ୍ଦ୍ରକୁ ଆଣିବା ବିଳମ୍ଭ ହେବା ଫଳରେ ଚାଲିଗଲା କଅଁଳ ଶିଶୁର ଜୀବନ ! ପଟ୍ଟାମୁଣ୍ଡାଇ ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରରେ ଏକମାତ୍ର ୪ବର୍ଷର ପୁଅର ଶବକୁ ଧରି ଛାତି ଫଟାଇ କାନ୍ଦୁଛି ମା !