ପଦ୍ମପୁର:- ଅଞ୍ଚଳ ମହାବିଦ୍ୟାଳୟ ରେ କ୍ରୀଡ଼ା ସଂସଦ ପକ୍ଷରୁ ଅଧ୍ୟକ୍ଷ ପ୍ରଫେସର ଖଗେଶ୍ବର ଦାଶଙ୍କ ସଭାପତିତ୍ବରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି। ବିଶିଷ୍ଟ କ୍ରୀଡ଼ାବିତ୍ ଧ୍ୟାନଚାନ୍ଦଙ୍କ ବ୍ୟକ୍ତିଗତ ଓ ଖେଳ ଜୀବନ ତଥା ଭାରତୀୟ କ୍ରୀଡ଼ା ଜଗତକୁ ତାଙ୍କର ଉଲ୍ଲେଖନୀୟ ଅବଦାନ ସମ୍ପର୍କରେ ଛାତ୍ରଛାତ୍ରୀମାନଙ୍କୁ ଅବଗତ କରାଇବା ସହିତ କ୍ରୀଡ଼ାଭ୍ୟାସଦ୍ୱାରା ସେମାନେ କିଭଳି ଶାରୀରିକ ଓ ମାନସିକ ସ୍ତରରେ ଶକ୍ତ ହୋଇପାରିବେ ସେ ବିଷୟରେ ପ୍ରଫେସର ଦାଶ ବକ୍ତବ୍ୟ ରଖିଥିଲେ। । ବରିଷ୍ଠ ପ୍ରାଧ୍ୟାପିକା ଝୁନୁ ପରିଡ଼ା, କଳ୍ପନା ପାଢ଼ୀ, ଅଧ୍ୟାପକ ସନ୍ତୋଷ କୁମାର ମିଶ୍ର, ପ୍ରମୋଦ ତ୍ରିପାଠୀ ଏବଂ କ୍ରୀଡ଼ା ସଂସଦର ଉପ-ସଭାପତି ଅଧ୍ୟାପକ ‍ଷଡ଼ାନନ ଭୋଇ ସମ୍ମାନିତ ଅତିଥି ଭାବରେ କାର୍ଯ୍ୟକ୍ରମରେ ଯୋଗଦେଇ ପ୍ରତ୍ୟେକ ମଣିଷ ନିଜନିଜ ଜୀବନରେ କିଛି ନା କିଛି ଖେଳ ସହ ନିଶ୍ଚିତ ଭାବରେ ଜଡ଼ିତ ରହିବା କଥା ବୋଲି ନିଜ ନିଜ ବକ୍ତବ୍ୟରେ କହିଥିଲେ । ଖେଳ ଶିକ୍ଷକ ସଦାନନ୍ଦ ସାହୁ ଧନ୍ୟବାଦ ଅର୍ପଣ କରିଥିଲେ। ପ୍ରାଧ୍ୟାପକ ତାରାପ୍ରସାଦ ଶତପଥୀ, ପ୍ରଭାତ ମହାପାତ୍ର, ନବକୃଷ୍ଣ ମିଶ୍ର, ପ୍ରାଧ୍ୟାପିକା ତାପିନୀ ପଣ୍ଡା, ଶର୍ମିଲା ପଣ୍ଡା, ଅଧ୍ୟାପକ ଡ. ସରୋଜ କୁମାର ନାଏକ ଓ ଶତାଧିକ ଛାତ୍ରଛାତ୍ରୀମାନେ କାର୍ଯ୍ୟକ୍ରମରେ ଉପସ୍ଥିତ ଥିଲେ। ପରିଶେଷରେ ଛାତ୍ରମାନଙ୍କ ମଧ୍ୟରେ ବନ୍ଧୁତ୍ୱପୂର୍ଣ୍ଣ ଫୁଟବଲ୍ ଏବଂ ହକି ମ୍ୟାଚ୍ ଅନୁଷ୍ଠିତ ହୋଇଥିଲା।