ବେଲଗୁଣ୍ଠା,-(ଶିବରାମ ଚୌଧୁରୀ)- ,ମହିଳା ମାନଙ୍କୁ ବିଭିନ୍ନ ପ୍ରକାର ସହାୟତା ଯୋଗାଇ ଦେବା ଉଦ୍ଦେଶ୍ୟରେ ସ୍ଥାପିତ ନିର୍ଯ୍ୟାତିତା ମହିଳାଙ୍କ ପାଇଁ ଏକକାଳୀନ ସମାଧାନ କେଂଦ୍ର ସଖୀ-ୱାନ୍ ଷ୍ଟପ୍ ସେଣ୍ଟର୍ ସମ୍ପର୍କରେ ବେଲଗୁଣ୍ଠା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ଗୋବରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଏବଂ ଗାଙ୍ଗପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଆଶା କର୍ମୀ ମାନଙ୍କୁ ତାଲିମ୍ ପ୍ରଦାନ କରାଯାଇଛି I ବିଶେଷ କରି ସଖୀ ୱାନ୍ ଷ୍ଟପ୍ ସେଣ୍ଟର୍ ନିର୍ଯ୍ୟାତିତା ମହିଳାଙ୍କୁ ଯୋଗାଇ ଦେଉଥିବା ପୋଲିସ୍ ସହାୟତା, ଡ଼ାକ୍ତରୀ ସହାୟତା, ଆଇନଗତ ସହାୟତା, ମନସ୍ତାତ୍ତ୍ୱିକ ଓ ସାମାଜିକ ପରାମର୍ଶ,ଆଶ୍ରୟ ସମେତ ଅନ୍ୟାନ୍ୟ ସହାୟତା ସମ୍ପର୍କରେ ଉପସ୍ଥିତ ଆଶାକର୍ମୀ ମାନଙ୍କୁ ତାଲିମ୍ ପ୍ରଦାନ କରାଯାଇଥିଲା I ମାଷ୍ଟର୍ ଟ୍ରେନର୍ ଆଇନଜୀବୀ ସ୍ନେହମୟୀ ପାଢୀ, ସୌଦାମିନୀ ସାହୁ ଏବଂ ପ୍ରଭାସିନୀ ପାଣିଗ୍ରାହୀ ପ୍ରମୁଖ ତାଲିମ୍ ପ୍ରଦାନ କରିଥିଲେ I କାର୍ଯ୍ୟକ୍ରମକୁ ବିପିଏମ୍ ଦୂର୍ଗା ପ୍ରସାଦ ପଟ୍ଟନାୟକ ପରିଚାଳନା କରିଥିଲେ I ମହିଳା ସ୍ୱାସ୍ଥ୍ୟ ପରିଦର୍ଶିକା କାର୍ଯ୍ୟକ୍ରମରେ ସହଯୋଗ କରିଥିଲେ I