ବେଲଗୁଣ୍ଠା,-(ଶିବରାମ ଚୌଧୁରୀ )-, ଗଞ୍ଜାମ ଜିଲ୍ଳାପାଳ ଭାବେ କୀର୍ତ୍ତିଭାସନ୍ ଭି ଯୋଗ ଦେବାପରେ ତାଙ୍କ ନିର୍ଦ୍ଦେଶକ୍ରମେ ରାଜ୍ୟରେ ପ୍ରଥମ ଥର ପାଇଁ ସରକାରୀ ଅଧିକାରୀ ମାନେ ପଂଚାୟତକୁ ଯାଇ ଜନ ସାଧାରଣଙ୍କ ଅଭିଯୋଗ ଶୁଣାଣି କରୁଛନ୍ତି I ଏହି ପ୍ରରିପ୍ରେକ୍ଷୀରେ ଆଜି ବେଲଗୁଣ୍ଠା ବ୍ଳକ୍ ଖଇରପୁଟି ଗ୍ରାମ ପଂଚାୟତ କାର୍ଯ୍ୟାଳୟ ପରିସରରେ ଏକ ଅଭିଯୋଗ ଶୁଣାଣି ଶିବିରରୁ ଅନୁଷ୍ଠିତ ହୋଇଯାଇଛି I ଖଇରପୁଟି ସରପଞ୍ଚ ସତ୍ୟବାନ ସ୍ଵାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଅଭିଯୋଗ ଶୁଣାଣି କାର୍ଯ୍ୟକ୍ରମରେ ଭଂଜନଗର ଉପଜିଲ୍ଲାପାଳ ଉମାଶଙ୍କର ବେହେରା ଏବଂ ବେଲଗୁଣ୍ଠା ତହସିଲଦାର/ ବିଡ଼ିଓ କଳାକୃଷ୍ଣ ପ୍ରଧାନ ଉପସ୍ଥିତ ରହି. ମିଳିତ ଜନ ଶୁଣାଣି କରିଥିଲେ I ସେହିପରି କାର୍ଯ୍ୟକ୍ରମରେ ଗାଙ୍ଗପୁର ପୋଲିସ୍ ଏବଂ ସମସ୍ତ ବିଭାଗର ପଦାଧିକାରୀ ମାନେ ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣାଣିରେ ସହଯୋଗ କରିବା ସହିତ ଅଭିଯୋଗ ସମାଧାନ ଦିଗରେ ଭିଭିନ୍ନ ତଥ୍ୟକୂ ଉପଜିଲ୍ଲାପାଳ ଏବଂ ତହସିଲଦାରଙ୍କ ନିକଟରେ ଉପସ୍ଥାପନ କରିଥିଲେ I ଆଜି ଏହି ଅଭିଯୋଗ ଶୁଣାଣି ଶିବିରରେ ରାସନ୍ କାର୍ଡ୍, ଭତ୍ତା, ପକ୍କା ଘର ଯୋଜନା, ସୁଭଦ୍ରା ଯୋଜନା, ଜଳ ସେଚନ, ପାନୀୟ ଜଳ ଯୋଗାଣ, ବିଦ୍ୟୁତ୍ କାଟ୍ ଭଳି ବିଭିନ୍ନ ସମସ୍ୟା ସମ୍ପର୍କରେ ୨୭୮ ଟି ଅଭିଯୋଗ ଗ୍ରହଣ କରାଯାଇଥିଲା I ସରକାରଙ୍କ ନୀତିନିୟମ ଅନୁସାରେ ଗୁରୁତ୍ଵପୂର୍ଣ୍ଣ ଅଭିଯୋଗ ଗୁଡ଼ିକୁ ପ୍ରାଥମିକତା ପ୍ରଦାନ କରାଯାଇ ଯଥା ସମ୍ଭବ ସେଗୁଡ଼ିକର ସମାଧାନ କରାଯିବ ବୋଲି ପ୍ରଶାସନିକ ଅଧିକାରୀମାନେ ପ୍ରକାଶ କରିଛନ୍ତି I ପୂର୍ବରୁ ଅଭିଯୋଗ ଶୁଣାଣି ଉପଜିଲ୍ଲାପାଳଙ୍କ କାର୍ଯ୍ୟାଳୟ କିମ୍ବା ବ୍ଲକ୍ କାର୍ଯ୍ୟାଳୟରେ ହେଉଥିବା ବେଳେ ବର୍ତ୍ତମାନ ଜିଲ୍ଳାପାଳଙ୍କ ନିର୍ଦ୍ଦେଶକ୍ରମେ ନିଜ ପଂଚାୟତରେ ଅଭିଯୋଗ ଶୁଣାଣି ହେଉଥିବାରୁ ଲୋକେ ହାତ ପାଆନ୍ତାରେ ପ୍ରଶାସନକୁ ପାଇ ଖୁସି ବ୍ୟକ୍ତ କରିଛନ୍ତି I