ବାରିପଦା/ଦିଲ୍ଲୀପ ମହାନ୍ତି-- ସ୍ଥାନୀୟ ମହାରାଜପୁର ସ୍ଥିତ ମୟୁରଭଞ୍ଜ କଲେଜ ଅଫ ଏକାଉଣ୍ଟାନସି ଆଣ୍ଡ ମ୍ୟାନେଜମେଣ୍ଟ ରା ଉଦ୍ଭିଦ ବିଜ୍ଞାନ ଓ ପ୍ରାଣୀ ବିଜ୍ଞାନ ବିଭାଗ ଦ୍ୱାରା ଏକ ଦୁଇଦିନିଆ ଜାତୀୟ ସ୍ତରୀୟ ଆଲୋଚନା ଚକ୍ର ମୁଖ୍ୟ ଅତିଥି ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ର ପି ଜି କାଉନସିଲ ର ଅଧକ୍ଷ ପ୍ରଫେସର ଡ଼ କମଲ ଲୋଚନ ବାରିକ ଙ୍କ ଦ୍ୱାରା ଉଦଘାଟିତ ହୋଇଯାଇଛି. ଅଧକ୍ଷ ପ୍ରଦୀପ କୁମାର ନୟଙ୍କ ଙ୍କ ପୌରାହିତ୍ୟ ରେ ଅନୁଷ୍ଠିତ ଏହି ଆଲୋଚନା ଚକ୍ର ର ପ୍ରଥମ ଦିନ ରେ ଉଦ୍ଘାଟନୀ ଅଧିବେଶନ ରେ ମୁଖ୍ୟ ଅତିଥି ପ୍ରଫେସର ଡ଼ ବାରିକ ଜୀବ ସମ୍ପଦ ର ସୁରକ୍ଷା ପାଈଁ ଆଗେଇ ଆସିବାକୁ ଆହ୍ୱାନ ଦେଇଥିଲେ. ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ର ପ୍ରାଣୀ ବିଜ୍ଞାନ ବିଭାଗର ପ୍ରଫେସର ଡ଼ ହେମନ୍ତ କୁମର ସାହୁ ମୁଖ୍ୟ ବକ୍ତା ଭାବେ ଯୋଗ ଦେଇ ଜୀବ ସମ୍ପଦ ର ସୁ- ଉପଯୋଗ ପାଈଁ ଆଲୋଚନା ଚକ୍ର ରେ ନିଜକୁ ସୀମିତ ନ ରଖି ସେଥିପାଇଁ କ୍ରିୟାନୁଶୀଳ ହେବାକୁ ପରାମର୍ଶ ଦେଇଥିଲେ.ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ର ଉଦ୍ଭିଦ ବିଜ୍ଞାନ ବିଭାଗ ର ପ୍ରଫେସର ଡ଼ ବିଷ୍ନୁପ୍ରିୟା ହାଁସଦା ସମ୍ମାନିତ ଅତିଥି ଭାବେ ଯୋଗ ଦେଇ ମାନବ ସମ୍ବଳ ର ବିକାଶ ପାଈଁ ଜୀବ ସମ୍ପଦ ର ସୁରକ୍ଷା ଓ ସଠିକ ଉପଯୋଗ ଉପରେ ଗୁରୁତ୍ୱ ଆରୋପ କରିଥିଲେ. ଉଦଘାଟନ ଉତ୍ସବ ରେ ଅତିଥି ମାନଙ୍କୁ ମହାବିଦ୍ୟାଳୟ ତରଫରୁ ଉପଢୌକନ ଦେଇ ସମ୍ମାନିତ କରାଯାଇଥିଲା. ପ୍ରାରମ୍ଭ ରେ ମହାବିଦ୍ୟାଳୟ ର ଉଦ୍ଭିଦ ବିଜ୍ଞାନ ମୁଖ୍ୟ ରୂପମାଞ୍ଜରୀ ବେହେରା ସେମିନାର ବିଷୟ ବସ୍ତୁ ର ଯଥାର୍ଥତା ଉପରେ ଆଲୋକପାତ କରିଥିବା ବେଳେ ପ୍ରାଣିବିଜ୍ଞାନ ବିଭାଗ ମୁଖ୍ୟ ଅଧ୍ୟାପିକା ଅଭିପ୍ସା ନାୟକ ଅତିଥି ପରିଚୟ ପ୍ରଦାନ କରିଥିଲେ.ଛାତ୍ରଛାତ୍ରୀ ମାନଙ୍କ ଦ୍ୱାରା ଚିତାକର୍ଷକ ଶାସ୍ତ୍ରୀୟ ସଂଗୀତ ଓ ନୃତ୍ୟ ପରିବେଷଣ କରାଯାଇଥିଲା.ଏହି ଉପଲକ୍ଷେ ଉଦ୍ଭିଦ ବିଜ୍ଞାନ ବିଭାଗ ର ସ୍ମରଣିକା "ବଟାନିକମ" ଅତିଥି ମାନଙ୍କ ଦ୍ୱାରା ଉନ୍ମୋଚିତ ହୋଇଥିଲା.ଶେଷରେ ଉଦ୍ଭିଦ ବିଜ୍ଞାନ ଵିଭାଗ ର ଅଧ୍ୟାପିକା କସ୍ତୁରିବା ମହାନ୍ତ ଧନ୍ୟବାଦ ଅର୍ପଣ କରିଥିଲେ. ବୈଷୟିକ ଅଧିବେଶନ ରେ କଲିକତା ସ୍ଥିତ ରାମକୃଷ୍ଣନ ମିସନ ବିବେକାନନ୍ଦ ସେଣ୍ଟିନାରୀ ସ୍ୱୟଂଶାସିତ ମହାବିଦ୍ୟାଳୟ ର ସହକାରୀ ପ୍ରଫେସର ଡ଼ ହରିଶଙ୍କର ଦେ ସମ୍ମାନିତ ଅତିଥି ତଥା ବିଶେଷଜ୍ଞ ଭାବେ ଯୋଗ ଦେଇ " ବାଇଓ ସାଇନ୍ସ :- ଇଟିସ ଊଟିଲାଇଜେସନ ଆଣ୍ଡ କଂଜର ଭେସନ" ଉପରେ ନିଜର ସନ୍ଦର୍ଭ ପାଠ କରିଥିଲେ. ଡ଼ ଦେ ମୟୁରଭଞ୍ଜ ଜିଲ୍ଲା ରେ ମିଳୁଥିବା ବିଭିନ୍ନ ଉଦ୍ଭିଦ ର ଉପକାରିତା ଉପରେ ଆଲୋକପାତ କରିଥିଲେ. ଜୀବବଜ୍ଞାନ ରେ ନାନୋ ଟେକନୋଲୋଜି ର ପ୍ରୟୋଗ ଉପରେ ସେ ଗୁରୁତ୍ୱ ଆରୋପ କରିଥିଲେ.ଫକୀର ମୋହନ ବିଶ୍ୱ ବିଦ୍ୟାଳୟ ଉଦ୍ଭିଦ ବିଜ୍ଞାନ ର ଗବେଷକ ଶ୍ରୀ କେଶରୀ ପ୍ରସାଦ ମହାନ୍ତି ଅନ୍ୟତମ ଅତିଥି ଭାବେ ଯୋଗ ଦେଇ ନିଜର ସନ୍ଦର୍ଭ ପାଠ କରିଥିଲେ. ଡ଼ ଦେ ଛାତ୍ରଛାତ୍ରୀ ମାନଙ୍କର ବିଭିନ୍ନ ପ୍ରଶ୍ନ ର ଉତ୍ତର ରଖିବା ସଙ୍ଗେ ସଙ୍ଗେ ବିଭିନ୍ନ ମୂଲ୍ୟବାନ ପରାମର୍ଶ ଦେଇଥିଲେ. ଅଧ୍ୟାପିକା ଦୀପାଞ୍ଜଳି ପାତ୍ର ଧନ୍ୟବାଦ ଅର୍ପଣ କରିଥିଲେ. ପୋଷ୍ଟ ଲଞ୍ଚ ସେସନ ରେ ଛାତ୍ରଛାତ୍ରୀ ମାନଙ୍କ ଦ୍ୱାରା ପୋଷ୍ଟର ପ୍ରଦର୍ଶନି କୁ ମହାରାଜା ଶ୍ରୀରାମ ଚନ୍ଦ୍ର ବିଶ୍ୱ ବିଦ୍ୟାଳୟ ର ଉଦ୍ଭିଦ ବିଜ୍ଞାନ ର ପ୍ରଫେସର ଡ଼ ବିଷ୍ନୁପ୍ରିୟା ହାଁସଦା ଓ ଡ଼ ଦେ ଉଦଘାଟନ କରିବା ସହ କୃତି ଛାତ୍ରଛାତ୍ରୀ ମାନଙ୍କୁ ପ୍ରମାଣ ପାତ୍ର ଓ ପୁରସ୍କାର ବିତରଣ କରିଥିଲେ.ଉଦ୍ଭିଦ ବିଜ୍ଞାନ ଅଧ୍ୟାପକ କ୍ରିତି କୌଶିକ ନାୟକ ଓ ପ୍ରାଣୀ ବିଜ୍ଞାନ ଅଧ୍ୟାପିକା ଅଭିଲିପ୍ସା ଗିରି ଆଜିର ବିଷୟ ବସ୍ତୁ ଉପରେ ନିଜର ସନ୍ଦର୍ଭ ଉପସ୍ଥାପନ କରିଥିଲେ.ଆଜିର କାର୍ଯ୍ୟକ୍ରମ କୁ ଉଦ୍ଭିଦ ବିଜ୍ଞାନ ର ମୁଖ୍ୟ ରୂପମାଞ୍ଜରୀ ବେହେରା ସଂଚାଳନ କରିଥିଲେ.