ପଦ୍ମପୁର/ନୀଳ ଦୀପ -ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ,ପଦ୍ମପୁରରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସେବାଶ୍ରୀ ଭୋଇଙ୍କ ଅଧ୍ୟକ୍ଷତାରେ ପୋଷାକ ଓ ଜୋତା ବଣ୍ଟନ ଉତ୍ସବ ଅନୁଷ୍ଠିତ ହୋଇଯାଇଛି ।ଷଷ୍ଠରୁ ଦଶମ ଶ୍ରେଣୀର ଛାତ୍ରୀ ମାନଙ୍କୁ ମଞ୍ଚାସିନ ଅତିଥି ଗଣ ପୋଷାକ ଓ ଜୋତା ବଣ୍ଟନ କରି ଉତ୍ସାହିତ କରିଥିଲେ। ମୁଖ୍ୟ ଅତିଥି ଭାବେ ଏସ୍.ଏମ୍.ସି ଅଧ୍ୟକ୍ଷ ସଂଜୟ କୁମାର ବହିଦାର ଓ ସମ୍ମାନିତ ଅତିଥି ଭାବେ ଏସ୍.ଏମ୍.ସି ଉପାଧ୍ୟକ୍ଷ ଶ୍ରୀମତୀ ସବିତା ଦାଶ ଯୋଗଦାନ କରିଥିଲେ ।ବରିଷ୍ଠ ଶ୍ରୀଯୁକ୍ତ ବୃନ୍ଦାବନ ଦାଶ ସ୍ବାଗତ ଭାଷଣ ଓ ଅତିଥି ପରିଚୟ ସହ ଉଦ୍ଧେଶ୍ୟ ଜ୍ଞାପନ ଓ ସଭାକାର୍ଯ୍ୟ ପରିଚାଳନା କରିଥିଲେ । ଏସ୍.ଏମ୍.ସି ର ସମସ୍ତ ସଦସ୍ୟ/ସଦସ୍ୟା ସମେତ ବିଦ୍ୟାଳୟର ସମସ୍ତ ଶିକ୍ଷକ,ଶିକ୍ଷୟିତ୍ରୀ ଉପସ୍ଥିତ ଥିଲେ । ଏହି ଶୁଭାବସରରେ ବିଦ୍ୟାଳୟର ମାସିକ ପତ୍ରିକା 'ପ୍ରୟାଗ'ର ଉନ୍ମୋଚନ କରାଯାଇଥିଲା । ଶ୍ରୀ ଗୋପାଳଜୀ ପ୍ରସାଦ ପାଣିଗ୍ରାହୀ ଓ ପ୍ରେମାନନ୍ଦ ବେହେରା ସାଂସ୍କୃତିକ କାର୍ଯ୍ୟ ପରିଚାଳନା କରିଥିଲେ । ଶ୍ରୀଯୁକ୍ତ ଜୀବନାନନ୍ଦ ସାହୁ ଓ ରଂଜନ କୁମାର ହୋତା ପ୍ରମୁଖ ପୋଷାକ ବଣ୍ଟନରେ ସହାୟତା କରିଥିବା ବେଳେ ଶ୍ରୀଯୁକ୍ତ ସୁଶୀଳ ବରିହା ଓ ସୁରେନ୍ଦ୍ର କୁମାର ଭୋଇ ମାସିକ ପତ୍ରିକା ପ୍ରକାଶନରେ ସହାୟତା କରିଥିଲେ । ଚିନ୍ତାମଣି ସାହୁ, ଜୋସ୍ନାମୟୀ ସାହୁ, ସୁରେଶ ଚନ୍ଦ୍ର ଚୈହାନ,ନିଳିମାରାଣୀ ମହାନ୍ତି, ରୋଜି ବଢେଇ,ସୁଷମା ଦାଶ,ବସନ୍ତ ବାଗ,ଦୁଷ୍ମନ୍ତ ଛତର,ନନ୍ଦୀନି ବାଗ ପ୍ରମୁଖ ଉପସ୍ଥିତ ଥିଲେ ।ଶେଷରେ ମିନତି ଦାଶ ଧନ୍ୟବାଦ ଅର୍ପଣ କରିଥିଲେ ।
