ସୁବର୍ଣ୍ଣପୁର, ଶାସକ ପ୍ରଶାସକ (ପ୍ରକାଶ କୁମାର ହାତୀ): ସୁବର୍ଣ୍ଣପୁର ଜିଲ୍ଲା ଡ଼ୁଙ୍ଗୁରିପାଲି ବ୍ଲକ ଗଜବନ୍ଧ କ୍ଲଷ୍ଟର ଅନ୍ତର୍ଗତ ବ୍ରାହ୍ମଣୀପାଲି ପ୍ରାଥମିକ ବିଦ୍ୟାଳୟ ରେ ମୌଳିକ ସଂଖ୍ୟା ଜ୍ଞାନ ଷ୍ଟେସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ପ୍ରଧାନଶିକ୍ଷୟିତ୍ରୀ କୁମୁଦିନୀ ମହାନନ୍ଦ ସଭାପତିତ୍ୱ କରି ପ୍ରଥମ ଶ୍ରେଣୀ ଓ ଶିଶୁବାଟିକା ଶ୍ରେଣୀ ର ଯୋଗ୍ୟ ଛାତ୍ରଛାତ୍ରୀ ଙ୍କ ନାମ ଲେଖାଇବା, ପ୍ରତିଦିନ ବିଦ୍ୟାଳୟ କୁ ଆସିବା, ବିଦ୍ୟାଳୟ ର ବିଭିନ୍ନ କାର୍ଯ୍ୟକ୍ରମ ରେ ସକ୍ରିୟ ଭାବେ ଯୋଗ ଦେବାପାଇଁ ସମସ୍ତ ଛାତ୍ରଛାତ୍ରୀ, ଅବିଭାବକ ଓ ଶିକ୍ଷକ ଶିକ୍ଷୟିତ୍ରୀ ଙ୍କୁ ଆହ୍ୱାନ ଦେଇଥିଲେ l ଛାତ୍ରଛାତ୍ରୀମାନେ ଜନସଚେତନତା ଶୋଭାଯାତ୍ରା ରେ ସଭିଏଁ ପଢିବା ସଭିଏଁ ବଢିବା, ସମସ୍ତେ ଶିଖିବା ସମସ୍ତଙ୍କୁ ଶିଖାଇବା, ଆଜିର ଆହ୍ୱାନ ସମସ୍ତଙ୍କୁ ଶିକ୍ଷାଦାନ ପରି ସ୍ଲୋଗାନ ଦେଇ ପ୍ଲାକାର୍ଡ ସହ ଗ୍ରାମ ପରିକ୍ରମା କରିଥିଲେ l ଏହି ଅବସରରେ ନୂତନ ଛାତ୍ରଛାତ୍ରୀ ଙ୍କୁ ଫୁଲ ଚନ୍ଦନ ଓ ଶିକ୍ଷଣ ସାମଗ୍ରୀ, ଚକଲେଟ ପ୍ରଦାନ କରି ସ୍ୱାଗତ କରାଯାଇଥିଲା l ଶିଶୁବାଟିକା ଶିକ୍ଷୟିତ୍ରୀ ରଶ୍ମିତା କୁଅଁର ଛାତ୍ରଛାତ୍ରୀ ମାନଙ୍କୁ ମୌଳିକ ସଂଖ୍ୟା ଜ୍ଞାନ ଷ୍ଟେସନ କାର୍ଯ୍ୟକ୍ରମ ମାଧ୍ୟମରେ ଗଣିତ ଧନ୍ଦା, ଗଣିତ ମଜା ଓ ଗଣିତ ଖେଳ ମାଧ୍ୟମରେ ଗଣିତ ଶିଖିବାକୁ ଆଗ୍ରହୀ କରାଇଥିଲେ l ଶେଷରେ ଶିକ୍ଷକ ଅଭିରାମ ପରାଭୂଏ ଧନ୍ୟବାଦ ଅର୍ପଣ କରିଥିଲେ l ସମସ୍ତ ଅବିଭାବକ ଓ ଛାତ୍ରଛାତ୍ରୀ ସହଯୋଗ କରିଥିଲେ l