ବରିଷ୍ଠ ନାଗରିକ ରାଧାଶ୍ୟାମଙ୍କୁ ଉପଯୁକ୍ତ ନ୍ୟାୟ ମିଳିଲା ।
ଯାଜପୁର, (ଜୟଶଙ୍କର ଦାଶ) : ସମୟ ବଦଳିବା ସହ ବଦଳି ଯାଊଚ୍ଥି ସଂପର୍କର ପରିଭାଷା । ପ୍ରତ୍ୟେକ ଆଜି ନିଜର ଅହଙ୍କାର ଓ ସ୍ୱାର୍ଥକୁ ପ୍ରାଧାନ୍ୟ ଦେଇ ଚାଲିଚ୍ଥନ୍ତି । କେହି ବି ଚିନ୍ତା କରୁନାହାନ୍ତି ନିଜର ସ୍ୱାର୍ଥର ଆହୁତିରେ କେତେ ସଂପର୍କ ବଳି ପଡୁଚ୍ଥି । ଆଜି ପୁଅ ଭୁଲିଯାଊଚ୍ଥି ପିତା ମାତାଙ୍କୁ, ତାଙ୍କର ତ୍ୟାଗ, ବଳିଦାନ ଓ ସମର୍ପଣକୁ । ବାପା ମା ଆଜି ଅସହାୟ ହୋଇ ଭାଗ୍ୟକୁ ନିନ୍ଦୁଚ୍ଥନ୍ତି ବା କୋର୍ଟ କଚେରୀର ଆଶ୍ରୟ ନେଇ ଅକୃତଜ୍ଞ ପୁଅ ଠାରୁ ନିଜ ହକ୍ ପାଇଁ ସଂଘର୍ଷ କରୁଚ୍ଥନ୍ତି । ହେଲେ ମଙ୍ଗଳପୁରର ରାଧାଶ୍ୟାମଙ୍କୁ ନ୍ୟାୟ ଦେବାପାଇଁ ଅଂଟା ଭିଡିଲା ପ୍ରଶାସନ , ଆଉ ଶେଷରେ କୃତଘ୍ନ ଉତ୍ତରାଧିକାରୀଙ୍କୁ ପଡିଛି ପ୍ରଶାସନିକ ଛାଟ |
ମଙ୍ଗଳପୁର ଥାନା ଇଜାପୁର ଗ୍ରାମର ବରିଷ୍ଠ ନାଗରିକ ରାଧାଶ୍ୟାମ ଜେନା । ଖଲାସି ଭାବେ ଯାଜପୁର ଜଳ ସଂପଦ ବିଭାଗରେ ଚାକିରୀ କରୁଥିବା ରାଧାଶ୍ୟାମ ପୁଅ ଅଶୋକ ପାଇଁ ସ୍ୱେଚ୍ଚ୍ଥାକୃତ ଅବସର ନେଇଥିଲେ । ସେତେବେଳେ ରାଧାଶ୍ୟାମ ପୁଅ ଅଶୋକକୁ ଚାକିରୀ ଦେବା ପାଇଁ ସ୍ୱେଚ୍ଚ୍ଥାକୃତ ଭାବେ ଅବସର ନେଇଥିଲେ । ସେତେବେଳେ ପୁଅ ଅଶୋକ ବାପା ମା’ ଙ୍କର ସମସ୍ତ ଦାୟିତ୍ୱ ନେବେ ବୋଲି ଚୁକ୍ତିପତ୍ର କରିଥିଲେ । କିନ୍ତୁ ପରେ ଅଶୋକ ଓ ପରିବାର ସଦସ୍ୟ ମାନେ ରାଧାଶ୍ୟାମକୁ ନିର୍ଯ୍ୟାତନା ଦେବାର ଅଭିଯୋଗ ଆଣନ୍ତି ରାଧାଶ୍ୟାମ । ଯେଊଁଥିରେ ଅତିଷ୍ଠ ହୋଇ ରାଧାଶ୍ୟାମ ପୁଅର ଘର ଚ୍ଥାଡି ଅନ୍ୟ ସ୍ଥାନରେ ବାସ କରନ୍ତି । ପରିବାର ସଦସ୍ୟ ମାନେ ବିଶୃଙ୍ଖଳା ସୃଷ୍ଟି ସହ ଶାରିରୀକ ଓ ମାନସିକ ନିର୍ଯ୍ୟାତନା ଦିଅନ୍ତି ବୋଲି ବରିଷ୍ଠ ନାଗରିକ ରାଧାଶ୍ୟାମ ଆଇନ ୨୦୦୭ ର ଧାରା ୯ ଅନୁସାରେ ଊପଜିଲ୍ଲାପାଳ ତଥା ସିନିୟର ସିଟିଜେନ ଟ୍ରିବ୍ୟୁନାଲ ଅଥରିଟିଙ୍କୁ ଆବେଦନ କରନ୍ତି । ଊପଜିଲ୍ଲାପାଳ ତଥା ଟ୍ରିବ୍ୟୁନାଲ ଅଥରିଟି ନାରାୟଣ ଚନ୍ଦ୍ର ଧଳ ଊଭୟ ପକ୍ଷରୁ ଶୁଣିବା ପରେ ରାଧାଶ୍ୟାମଙ୍କ ଅଭିଯୋଗରେ ସତ୍ୟତାକୁ ଅନୁଭବ କରନ୍ତି । ଅଶୋକ ନିଜ ପିତା ତଥା ଜଣେ ବରିଷ୍ଠ ନାଗରିକଙ୍କପ୍ରତି ଊଚିତ ବ୍ୟବହାର କରୁ ନ ଥିବା ଓ ଯତ୍ନ ନେଊ ନ ଥିବା ହୃଦବୋଧ ହୋଇଚ୍ଥି । ସେ ପିତାଙ୍କୁ ଯତ୍ନ ଓ ସେବା ଯୋଗାଇ ଦେବା କଥା । ଏପରିକି ରାଧାଶ୍ୟାମଙ୍କର ପେନସନ ମଧ୍ୟ ଏତେ ନୁହେଁ ଯାହାକି ତାଙ୍କ ଚଳିବା ପାଇଁ ପର୍ଯ୍ୟାପ୍ତ ହୋଇପାରିବ । ପୁତ୍ର ଅଶୋକ ଯେ ହେତୁ ପିତାଙ୍କ ପ୍ରଦତ୍ତ ଚାକିରୀକୁ ଊପଭୋଗ କରୁଚ୍ଥନ୍ତି ଓ ଏହି ସର୍ତ୍ତରେ ମଧ୍ୟ ଚାକିରୀ ପାଇଥିଲେ ଯେ, ସେ ପିତାଙ୍କ ସେବା, ଯତ୍ନ ନେବେ ବୋଲି । କିନ୍ତୁ ତାହାର ଊଲଙ୍ଘନ ଘଟିଚ୍ଥି ବୋଲି ଉପଜିଲ୍ଲାପାଳ କହିଥିଲେ । ତେଣୁ ବର୍ତ୍ତମାନ ନିଜ ଦରମାରୁ ମାସିକ ଦୁଇ ହଜାର ଟଂକା ଅଶୋକ ପିତା ରାଧାଶ୍ୟାମଙ୍କ ବ୍ୟାଙ୍କ ଆକାଊଣ୍ଟକୁ ପ୍ରଦାନ କରିବେ, ଯାହାକି ଜାନୁୟାରୀ ୨୦୧୮ ଠାରୁ ଲାଗୁ ହୋଇଚ୍ଥି । ଏହି ଅର୍ଥ ଜମା ହେଉଛି କି ନା ନାହିଁ ତାହାକୁ ଜଳସେଚନ ବିଭାଗର ଡି.ଡି.ଓ. ଅନୁଧ୍ୟାନ କରିବା ପରେ ଅଶୋକଙ୍କ ଦରମା କରିବା ପାଇଁ ନିର୍ଦ୍ଦେଶ ଦିଆଗଲା । ସେହିପରି ଅଶୋକ ପିତାଙ୍କୁ କୈାଣସି ନିର୍ଯ୍ୟାତନା ବା ଖରାପ ବ୍ୟବହାର ପ୍ରଦର୍ଶନ କରିପାରିବେ ନାହିଁ । ଏହାର ବ୍ୟତିକ୍ରମ ହେଲେ ରାଧାଶ୍ୟାମ ସ୍ଥାନୀୟ ପୋଲିସର ସହାୟତା ନେଇପାରିବେ ବୋଲି ଊପଜିଲ୍ଲାପାଳ ଆଦେଶ କରିଚ୍ଥନ୍ତି । ବୋଧହୁଏ ଅବାଧ୍ୟ ଓ ଅକୃତଜ୍ଞ ପୁତ୍ର ମାନଙ୍କ ପ୍ରତି ଏହି ସରକାରୀ ଛାଟ ବର୍ତ୍ତମାନର ଶ୍ରେଷ୍ଠ ମହୋଷଧି ।
