-
୨୦୩୦ ସୁଦ୍ଧା ୧ଲକ୍ଷ ଦୀର୍ଘସ୍ଥାୟୀ ଜୀବିକା ସୁଯୋଗ ସୃଷ୍ଟି ଲକ୍ଷ୍ୟ ଘୋଷଣା; ସମ୍ପ୍ରତି ପ୍ରତ୍ୟକ୍ଷ ଓ ପରୋକ୍ଷ ଭାବେ ୨୦୦୦୦ ନିଯୁକ୍ତ
-
ହାଇ ପରଫରମାନ୍ସ ସେଣ୍ଟର- ଡାଲମିଆ ଭାରତ ଗୋପୀଚାନ୍ଦ ଓଡ଼ିଶା ବ୍ୟାଡମିଣ୍ଟନ ଏକାଡେମୀ ଖୁବଶୀଘ୍ର ପ୍ରସ୍ତୁତ ହୋଇଯିବ
-
ଇଟ୍ରକ୍ ପାଇଲଟ ଓଡ଼ିଶାରେ ଆରମ୍ଭ
-
୨୫୦୦ କୋଟି ଟଙ୍କାର ପୁଞ୍ଜିନିବେଶ ଠିକ୍ ବାଟରେ ଆଗେଇ ଚାଲିଛି
ଭୁବନେଶ୍ୱର,: ଭାରତର ଅନ୍ୟତମ ଶୀର୍ଷସ୍ତରୀୟ ଉତ୍ପାଦନକାରୀ କମ୍ପାନୀ ଡାଲମିଆ ଭାରତ ଲିମିଟେଡ ‘ମେକ୍ ଇନ ଓଡ଼ିଶା’ କନ୍କ୍ଲେଭରେ ରାଜ୍ୟ ପ୍ରତି ନିଜର ପ୍ରତିବଦ୍ଧତାକୁ ପୁନଃଦୃଢିକରଣ କରିଛି । ଏହା ଦ୍ୱାରା ଘୋଷିତ ୨୫୦୦ କୋଟି ଟଙ୍କାର ପୁଞ୍ଜିନିବେଶ ସଠିକ ବାଟରେ ଆଗେଇ ଚାଲିଛି ଏବଂ ଏ କ୍ଷେତ୍ରରେ ରାଜଗାଙ୍ଗପୁର ଓ କଟକରେ ଏହାର ପ୍ରକଳ୍ପ ସ୍ଥାପନ ଏକ ଉଲ୍ଲେଖନୀୟ ସଫଳତା ହୋଇଛି । ଶିଳ୍ପ କାର୍ଯ୍ୟ ଓ ସାମାଜିକ ବିକାଶ ଏକ ସମୟରେ ଆଗକୁ ବଢିବା ଉଚିତ ବୋଲି ମୂଳ ତତ୍ତ୍ୱକୁ ନେଇ ୧ ଲକ୍ଷ ଦୀର୍ଘସ୍ଥାୟୀ ଜୀବିକା ସୃଷ୍ଟି ନିମନ୍ତେ ଡିବିଏଲ୍ ନିଜର ଲକ୍ଷ୍ୟ ସମ୍ପର୍କରେ ଘୋଷଣା କରିଛି । ବାର୍ଷିକ ୮.୩ ନିୟୁତ ଟନ୍ କ୍ଷମତା ସହିତ ଓଡ଼ିଶାରେ ସର୍ବବୃହତ ସିମେଣ୍ଟ ଉତ୍ପାଦନକାରୀ ଭାବରେ ଏହା ୨୦,୦୦୦ରୁ ଅଧିକ ଲୋକଙ୍କ ପାଇଁ ପ୍ରତ୍ୟକ୍ଷ ଓ ପରୋକ୍ଷ ନିଯୁକ୍ତି ସୁଯୋଗ ସୃଷ୍ଟି କରିସାରିଛି ।
ଶ୍ରୀ ପୁନିତ ଡାଲମିଆ, ମ୍ୟାନେଜିଂ ଡାଇରେକ୍ଟର, ଡାଲମିଆ ଭାରତ ଲିମିଟେଡ କହିଛନ୍ତି, “ଡାଲମିଆ ଭାରତ ଗ୍ରୁପ୍ ଓଡ଼ିଶାକୁ ଏକ ପସନ୍ଦଯୋଗ୍ୟ ନିବେଶ ସ୍ଥଳ ଏବଂ ସରକାରୀ-ଘରୋଇ ସହଭାଗିତାର ଏକ ମଡେଲ ଭାବରେ ବିବେଚନା କରୁଛି, କିନ୍ତୁ ତାହାସହିତ ଚଳିତ ବର୍ଷଗୁଡିକରେ ଏହି ସମ୍ପର୍କକୁ ଆମେ ଅଧିକ ସୁଦୃଢ କରିଆସୁଛୁ । ରାଜ୍ୟ ସହିତ ଆମର ସମ୍ବନ୍ଧ ୧୯୪୯ରୁ ରହିଆସିଛି, ଯେତେବେଳେ ପ୍ରସିଦ୍ଧ ହୀରାକୁଦ ନଦୀବନ୍ଧ ନିର୍ମାଣ ହୋଇଥିଲା ଏବଂ ତାହା ପରେ ରାଉରକେଲା ଇସ୍ପାତ କାରଖାନା, କଳିଙ୍ଗନଗରରେ ଟାଟା ଇସ୍ପାତ କାରଖାନା, ଧାମରା ବନ୍ଦର ଏବଂ ପାରାଦୀପରେ ଇଣ୍ଡିଆନ ଅଏଲ ତୈଳ ବିଶୋଧନାଗାର ନିର୍ମାଣ କରାଗଲା । ରାଜ୍ୟର ପ୍ରଗତି ଧାରାରେ ଆମକୁ ସକ୍ରିୟ ଭୂମିକା ନେବାକୁ ସୁଯୋଗ ଦେଇଥିବାରୁ ଓଡ଼ିଶା ସରକାରଙ୍କୁ ଆମେ ଧନ୍ୟବାଦ ଜଣାଉଛୁ । ଆମର ଦୂରଦୃଷ୍ଟି ହେଉଛି, ବ୍ୟବସାୟ କେବଳ ଅର୍ଥନୈତିକ ରୂପାନ୍ତରଣ ଜରିଆରେ ନୁହେଁ, ତାହାସହିତ ସାମାଜିକ ଓ ପରିବେଶ ଦୃଷ୍ଟିରୁ ଦୀର୍ଘସ୍ଥାୟୀ ହେବା ଉଚିତ । ଜନସାଧାରଣ, ପ୍ରଗତି ଓ ସଂରକ୍ଷଣ (ପିପୁଲ, ପ୍ରୋଗ୍ରେସ ଓ ପ୍ରିଜର୍ଭେସନ) ହେଉଛି ଭବିଷ୍ୟତ ବ୍ୟବସାୟର ଧାରା ଏବଂ ଡାଲମିଆ ଭାରତ ତାହା ଆଜି କାର୍ଯ୍ୟକାରୀ କରୁଛି ।”
କ୍ରୀଡା ଜରିଆରେ ଯୁବବର୍ଗଙ୍କ ନିମନ୍ତେ ପ୍ରତିବଦ୍ଧତା ରାଷ୍ଟ୍ର ଗଠନର କେନ୍ଦ୍ର ସ୍ଥଳରେ ରହିଛି । ଡାଲମିଆ ଭାରତ କ୍ରୀଡା ଓ ଫିଟ୍ନେସ୍କୁ ସମର୍ଥନ କରୁଥିବାବେଳେ ବ୍ୟାଡମିଣ୍ଟନ ଉପରେ ସ୍ୱତନ୍ତ୍ର ଭାବରେ ଦୃଷ୍ଟିନିବଦ୍ଧ କରୁଛି । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଭାରତରେ ବ୍ୟାଡମିଣ୍ଟନ ପାଇଁ ପ୍ରଥମ ହାଇ ପରଫରମାନ୍ସ ସେଣ୍ଟର- ଡାଲମିଆ ଭାରତ ଗୋପୀଚାନ୍ଦ ଓଡ଼ିଶା ବ୍ୟାଡମିଣ୍ଟନ ଏକାଡେମୀ ଭଳି ବିଶ୍ୱ ଶ୍ରେଣୀର ଭିତ୍ତିଭୂମି ଏହା ସୃଷ୍ଟି କରୁଛି, ଯାହା ବିଶ୍ୱଶ୍ରେଣୀର ଟୁର୍ଣ୍ଣାମେଣ୍ଟ ଆୟୋଜନ ଏବଂ ପରବର୍ତ୍ତୀ ପିଢିର ଭାରତୀୟ ଖେଳାଳି ବିକଶିତ କରିବା ନିମନ୍ତେ ପୂର୍ଣ୍ଣ ପ୍ରସ୍ତୁତ ରହିବ । କ୍ରୀଡା ପ୍ରତି ଡାଲମିଆର ପ୍ରତିବଦ୍ଧତା ବିବିଧ କ୍ଷେତ୍ରରେ ପରିବ୍ୟାପ୍ତ ଏବଂ ତାହା ରୁମାବାହାଲ ଓ କଟଙ୍ଗ ଗ୍ରାମରେ ଖେଳପଡିଆର ପୁନରୁଦ୍ଧାର ଓ ଉନ୍ନତିସାଧନଠାରୁ ନେଇ ପ୍ରଥମ ଆନ୍ତର୍ଜାତିକ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ- ଓଡ଼ିଶା ଓପନ୍ ୨୦୨୨ ପାଇଁ ରାଜ୍ୟ ସହିତ ସହଭାଗିତା ପର୍ଯ୍ୟନ୍ତ ରହିଛି ।
ଡିବିଏଲ୍ ନିମନ୍ତେ ୨୦୨୨ ଅତ୍ୟନ୍ତ ଉଲ୍ଲାସର ବର୍ଷ ହୋଇଛି । ଏହା ୨୧.୭ ମେଗାୱାଟ ସୌର ଶକ୍ତି ଉତ୍ପାଦନ କ୍ଷମତାରେ ପହଞ୍ଚିଛି ଏବଂ ୱେଷ୍ଟ ହିଟ୍ ରିକଭରି ସିଷ୍ଟମ୍ (ଡବ୍ଲ୍ୟୁଏଚଆରଏସ୍) ଜରିଆରେ ଉତ୍ପାଦିତ ୨୨ ମେଗାୱାଟ ସବୁଜ ଶକ୍ତିକୁ ଓଡ଼ିଶାରେ ଥିବା ତାହାର କାରଖାନାଗୁଡିକୁ ଯୋଗାଇ ଦେଉଛି । ୨୦୩୦ ସୁଦ୍ଧା ୧୦୦% ଅକ୍ଷୟ ଶକ୍ତି ବ୍ୟବହାର ସକାଶେ କମ୍ପାନୀ ରଖିଥିବା ଦୂରଦୃଷ୍ଟି ମୁତାବକ ଏହାର ଅକ୍ଷୟ ଶକ୍ତି ଉତ୍ପାଦନ ସମ୍ପ୍ରସାରଣ କାର୍ଯ୍ୟ କରାଯାଉଛି । ଏକ ଆବର୍ତ୍ତୀ ଅର୍ଥନୀତି ଆଡକୁ ଶିଳ୍ପର ରୂପାନ୍ତରଣକୁ ଆଗେଇ ନେଇ କମ୍ପାନୀ ଏହାର ଇ-ଟ୍ରକ୍ ପ୍ରୟାସ ଆରମ୍ଭ କରିଛି ଏବଂ ରାଉରକେଲା ଇସ୍ପାତ କାରଖାନାରୁ ସ୍ଲାଗ୍ ପରିବହନ ନିମନ୍ତେ ରାଜଗାଙ୍ଗପୁର କାରଖାନା ପାଇଁ ନୂଆ ଇ-ଯାନ (ଫ୍ଲିଟ୍)ର ଚଳାଚଳ ଆରମ୍ଭ କରିଛି । ଏହା ନିର୍ଗମନ ହ୍ରାସ ଏବଂ ପରିବେଶ ଉପଯୋଗୀ ପରିବହନକୁ ନିୟୋଜିତ କରିବ ।
୨୦୩୦ ସୁଦ୍ଧା ୧ ଲକ୍ଷ ଦୀର୍ଘସ୍ଥାୟୀ ଜୀବିକା ସୃଷ୍ଟି ପ୍ରକ୍ରିୟା ସମ୍ପୂର୍ଣ୍ଣ କରିବାକୁ କମ୍ପାନୀ ଲକ୍ଷ୍ୟ ରଖିଛି । ଯୁବଗୋଷ୍ଠୀଙ୍କ ନିମନ୍ତେ ପାରିପାଶ୍ୱର୍ିକ ବିକାଶ ଡିବିଏଲ୍ ପାଇଁ ଏକ ପ୍ରମୁଖ ଅଗ୍ରାଧିକାର ବିଷୟ ହୋଇଛି । ଏହା ଦୀକ୍ଷା (ଡିଆଇକେଏସ୍ଏଚଏ) ସ୍କିଲ ଟ୍ରେନିଂ ସେଣ୍ଟରଗୁଡିକ ଜରିଆରେ ବହୁବିଧ ପ୍ରୟାସ ହାତକୁ ନେଇଛି । ସ୍ୱାବଲମ୍ବନଶୀଳତା ସୃଷ୍ଟି ନିମନ୍ତେ ନୂତନ କୁଶଳତା କ୍ଷେତ୍ର ଏବଂ ଔଦ୍ୟୋଗିକତା କ୍ଷୁଦ୍ର ହେଲେ ମଧ୍ୟ ସନ୍ତୋଷଜନକ ସଫଳତା ଦେଇଛି । ପ୍ରୋଜେକ୍ଟ ହସ୍ତକଳାଠାରୁ ଛତୁ ଚାଷ; ଟେଲରିଂ ଏବଂ ବିୟୁଟି ଓ ୱେଲ୍ନେସ୍ ତାଲିମ କେନ୍ଦ୍ରଗୁଡିକ ସ୍ଥାପନ, ହେଲ୍ଥ ଆସିଷ୍ଟାଣ୍ଟ ଓ ସେଲ୍ସ୍ ଆସିଷ୍ଟାଣ୍ଟ ତାଲିମ ପାଠ୍ୟକ୍ରମ ପର୍ଯ୍ୟନ୍ତ- ଡିବିଏଲ୍ କ୍ରମାଗତ ଭାବରେ ଭୌଗୋଳିକ ଆବଶ୍ୟକତାରେ ଥିବା ଶୂନ୍ୟସ୍ଥାନକୁ ଚିହ୍ନଟ କରୁଛି ଏବଂ ବେକାରୀ ସମସ୍ୟାର ସଫଳ ସମାଧାନ ନିମନ୍ତେ ନିର୍ଦ୍ଦିଷ୍ଟ କାର୍ଯ୍ୟକ୍ରମ ପ୍ରସ୍ତୁତି ସହିତ ଯୁବବର୍ଗ ଓ ସେମାନଙ୍କ ପରିବାରଗୁଡିକର ଆର୍ଥିକ ସ୍ଥିତିରେ ଉନ୍ନତି ଆଣିବାରେ ସହାୟତା କରୁଛି ।
