ହେଡଲାଇନସ୍:

ଆରପାରିରେ ଲୋକପ୍ରିୟ ଅଭିନେତ୍ରୀ ଝରଣା ଦାସ

User Rating: 0 / 5

Star InactiveStar InactiveStar InactiveStar InactiveStar Inactive
 

ବାଟଭାଙ୍ଗି ଚାଲିଗଲେ ଅମଡ଼ା ବାଟରେ, ଦୂର ଆକାଶର ତାରା ପାଲଟିଲେ ମଲା ଜହ୍ନର ନାୟିକା 

ଶୋକଵ୍ୟକ୍ତ କଲେ ମୁଖ୍ୟମନ୍ତ୍ରୀ ଓ କେନ୍ଦ୍ରମନ୍ତ୍ରୀ, ରାଷ୍ଟ୍ରୀୟ ମର୍ଯ୍ୟଦା ସହ ସମ୍ପନ୍ନ କରାଯିବ ଶେଷକୃତ୍ୟ

ଭୁବନେଶ୍ୱର : ଭୁବନେଶ୍ୱର : ଆଉ ନାହାନ୍ତି ବର୍ଷିୟାନ୍ ଅଭିନେତ୍ରୀ ତଥା ମଲାଜହ୍ନ, ଅମଡ଼ା ବାଟ ଆଦି ଅଗଣତି ଲୋକପ୍ରିୟ ଓଡ଼ିଆ ସିନେମାର ନାୟିକା ତଥା ଲକ୍ଷଲକ୍ଷ ବେତାର ଶ୍ରୋତାଙ୍କ ଅତିପ୍ରିୟ ନାୟିକା ଝରଣା ଦାସ । ବାଟଭାଙ୍ଗି ଚାଲିଗଲେ ଅମଡ଼ା ବାଟରେ ଆଉ  ଦୂର ଆକାଶର ତାରା ପାଲଟିଲେ ମଲା ଜହ୍ନର ନାୟିକା କଟକ ଚଣ୍ଡି ରୋଡ୍ ସ୍ଥିତ ବାସଭବନରେ ଝରଣା ଦାସଙ୍କ ପରଲୋକ ହୋଇଛି । ୮୨ ବର୍ଷ ବୟସରେ ଗତକାଲି ବିଳମ୍ବିତ ରାତିରେ ତାଙ୍କର ପରଲୋକ ହୋଇଛି ।
୬୦ ଦଶକରେ ସେ ଅନେକ ଫିଲ୍ମରେ ଅଭିନୟ କରିଥିଲେ । ତାଙ୍କର ଅଭିନୟ ଅତ୍ୟନ୍ତ ପ୍ରଭାବଶାଳୀ ଥିଲା । ଯେତେବେଳେ ଓଡିଆ ଫିଲ୍କ ଇଣ୍ଡଷ୍ଟ୍ରିରେ ନାୟିକାର ଅଭାବ ଥିଲା ସେତେବେଳେ ସେ ଅଭିନୟର ଯାଦୁରେ ଦର୍ଶକଙ୍କୁ ବାନ୍ଧି ରଖୁଥିଲେ । ତାଙ୍କୁ ଦେଖିବା ପାଇଁ ଅନେକ ଦର୍ଶକଙ୍କ ଭିଡ ଜମୁଥିଲା । ତାଙ୍କର କଣ୍ଠସ୍ୱର ମଧ୍ୟ ଅତ୍ୟନ୍ତ ଜୀବନ୍ତ ଥିଲା । କେବଳ ସିନେମା ନୁହେ ବେତାରଦୁନିଆର ସେ ଥିଲେ ଅପ୍ରତିଦ୍ୱନ୍ଦ୍ୱି ନାୟିକା | ତାଙ୍କ କଥାରୁ ନିର୍ଗତ ଭାବପୂର୍ଣ୍ଣ ସଂଳାପ ଶ୍ରୋତାଙ୍କୁ ବାନ୍ଧି ରଖୁଥିଲା |
ତାଙ୍କ ବିୟୋଗରେ ଓଡ଼ିଶାର କଳା ସଂସ୍କୃତି ଜଗତରେ ଏକ ଅପୂରଣୀୟ ଶୁନ୍ୟତା ସୃଷ୍ଟି ହୋଇଯାଇଛି |
ଓଡ଼ିଆ ଚଳଚ୍ଚିତ୍ର ଜଗତର ସ୍ୱନାମଧନ୍ୟ ଅଭିନେତ୍ରୀ ଝରଣା ଦାସ ଙ୍କ ବିୟୋଗରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି | ଏକ ଶୋକ ବାର୍ତ୍ତାରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସ୍ଵର୍ଗତ ଝରଣା ଦାସଙ୍କୁ ଜଣେ ଯଶସ୍ବୀ କଳାକାର ଭାବରେ ବର୍ଣନା କରିଛନ୍ତି | ଆକାଶବାଣୀ ସହିତ ଉଭୟ ମଞ୍ଚ ଓ ଚଳଚ୍ଚିତ୍ର ରେ ବିଭିନ୍ନ ଭୂମିକାରେ ତାଙ୍କର ପ୍ରଭାବଶାଳୀ ଅଭିନୟ ତାଙ୍କୁ ବିପୁଳ ଲୋକପ୍ରିୟତା ଆଣି ଦେଇଥିଲା | ଝରଣା ଦାସଙ୍କ ସ୍ଵର ଓ ଚମତ୍କାର ଅଭିନୟ ତାଙ୍କୁ ଳଣେ କିମ୍ବଦନ୍ତୀ ଅଭିନେତ୍ରୀ ଭାବରେ ଅଜସ୍ର ସୁନାମ ଦେଇଥିଲା | ତାଙ୍କର ବିୟୋଗ ଓଡ଼ିଆ ଚଳଚ୍ଚିତ୍ର ତଥା ସାଂସ୍କୃତିକ ,ଜଗତରେ ବିରାଟ ଶୂନ୍ୟତା ସ୍ରୁଷ୍ଟି କରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି | ଶୋକ ସନ୍ତପ୍ତ ପରିବାର ବର୍ଗଙ୍କୁ ମୁଖ୍ୟମନ୍ତ୍ରୀ ଗଭୀର ସମବେଦନା ଜଣାଇବା ସହ ପରଲୋକଗତ ଆତ୍ମାର ସଦ୍ଗତି କାମନା କରିଛନ୍ତି |
ସ୍ଵର୍ଗତଃ ଝରଣା ଦାସଙ୍କ ଶେଷକୃତ୍ୟ ରାଷ୍ଟ୍ରୀୟ ମର୍ଯ୍ୟଦା ସହ ସମ୍ପନ୍ନ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି |

ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଗଭୀର ଶୋକାଵ୍ୟକ୍ତ କରିଛନ୍ତି  ବର୍ଷିୟନ ଅଭିନେତ୍ରୀ ଝରଣା ଦାସଙ୍କ ଦେହାନ୍ତରେ | ସେ ତାଙ୍କ ଶୋକ ବାର୍ତ୍ତାରେ କହିଛନ୍ତି ଯେ, "ଓଡ଼ିଶାର ବିଶିଷ୍ଟ ସିନେ ଅଭିନେତ୍ରୀ ଝରଣା ଦାସଙ୍କ ବିୟୋଗରେ ମୁଁ ଦୁଃଖିତ ଓ ମର୍ମାହତ ।  ଓଡ଼ିଶା ସିନେ ଜଗତରେ ତାଙ୍କର କୃତି ଓ ଜୀବନ୍ତ ଅଭିନୟ ଚିର ସ୍ମରଣୀୟ ହୋଇ ରହିବ । ପୁଣ୍ୟ ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଉଛି ।" 

0
0
0
s2sdefault