ବରଗଡ :- ବରଗଡ ଜିଲ୍ଲା ପଦ୍ମପୁର ନିର୍ବାଚନ ମଣ୍ଡଳୀର ସ୍ବର୍ଗତ ବିଧାୟକ ଶ୍ରୀ ବିଜୟ ରଞ୍ଜନ ସିଂ ବାରିହା ଙ୍କର ଉଦ୍ଧେଶ୍ୟରେ ଆଜି ପାଇକମାଲ ସ୍ଥିତ ଶ୍ରୀ ଶ୍ରୀ ନୃସିଂହନାଥ ଧର୍ମଶାଳା ଠାରେ ସ୍ଥାନୀୟ ବିଜୁ ଜନତା ଓ ପାଇକମାଲ ବଣିକ ସଂଘ ତରଫରୁ ଏକ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରାଯାଇଥିଲା । ଏହି ସଭାରେ ପ୍ରଥମେ ସ୍ବର୍ଗତ ବିଧାୟକ ଙ୍କର ଆତ୍ମାର ସଦ୍ଗତି ନିମନ୍ତେ ଦୁଇ ମିନିଟ ର ମୌନ ପ୍ରାର୍ଥନା କରାଯାଇଥିଲା । ଏହାପରେ ଉପସ୍ଥିତ ସମସ୍ତେ ସ୍ବର୍ଗତ ବିଧାୟକ ଙ୍କର ଫୋଟୋ ସମ୍ମୁଖରେ ଦୀପ ଓ ଧୂପକାଠି ଲଗାଇ ଶ୍ରଦ୍ଧାସୁମନ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇଥିଲେ । ଏହାପରେ ଉପସ୍ଥିତ ସମସ୍ତଙ୍କ ମଧ୍ୟରେ ବିଜେ ବାବୁ ଙ୍କର ବାବଦରେ ଅନେକ ଆଲୋଚନା କରାଯାଇଥିଲା । ଏହି ସଭାରେ ପାଇକମାଲ ବଣିକ ସଙ୍ଘ ର ସଭାପତି ଶ୍ରୀ ଯୁଗଳ କିଶୋର ମେହେର , ସମ୍ପାଦକ ଶ୍ରୀ ସୁବ୍ରତ ସାହୁ , ବିଜୁ ଯୁବ ଜନତା ଦଳର ସଭାପତି ଶ୍ରୀ ଗୌତମ ସିଂ , ପାଇକମାଲ ପେକ୍ସ ର ସଭାପତି ଶ୍ରୀ ବିଜୟ କୁମାର ସ୍ୱାଇଁ , ପୂର୍ବତ ସରପଞ୍ଚ ଶ୍ରୀ ଧବଳେଶ୍ବର ସାହୁ , ପୂର୍ବତନ ବ୍ଲକ ଅଧ୍ୟକ୍ଷ ଶ୍ରୀ ଅଳତାଫ ମହମ୍ମଦ , ପଞ୍ଚାୟତ ସମିତିର ଅନେକ ସମିତି ସଭ୍ୟ ଓ ସରପଞ୍ଚ ତଥା ଅନେକ କର୍ମୀ ଓ ବ୍ୟବସାୟୀ ବନ୍ଧୁ ଯୋଗଦେଇ ସ୍ବର୍ଗତ ବିଧାୟକ ଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ ।