(ନିଶ୍ଚିନ୍ତକୋଇଲି -ଦେବେନ୍ଦ୍ର ଷଡ଼ଙ୍ଗୀ)- ଦିନକୁ ଦିନ ଦୁର୍ଘଟଣା ଜନିତ ମୃତ୍ୟୁ ହୁ ହୁ ହୋଇ ବଢିଚାଲିଛି l ପ୍ରଶାସନ ର ଟ୍ରାଫିକ ବ୍ୟବସ୍ଥା ଦୁର୍ବଳ ସର୍ବୋପରି ସଚେତନତା ଅଭାବ ହେତୁ ବହୁ ଧନଜୀବନ ହାନି ଘଟୁଥିବାର ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି l ମାହାଙ୍ଗା ବ୍ଲକ ଗୋତରା ଗ୍ରାମପଞ୍ଚାୟତ ଆପିଲୋ ତଳପଡା ଗ୍ରାମର ସୁବାସ ପଣ୍ଡା ଙ୍କ ପୁତ୍ର ସଞ୍ଜୟ ପଣ୍ଡା (33) ଙ୍କ ସଡ଼କ ଦୁର୍ଘଟଣା ରେ ମୃତ୍ୟୁ ଘଟିଛି l
ସଞ୍ଜୟ ଙ୍କ ନିଶ୍ଚିନ୍ତକୋଇଲି ବ୍ଲକ ଶୁକରପଡା ବଜାର ନିକଟରେ ମର୍ମଦୁନ୍ତ ସଡକ ଦୁର୍ଘଟଣା ଘଟିଛି l ଘଟଣାସ୍ଥଳରେ ସ୍କୁଟି ଆରୋହୀ ସଂଜୟ ଙ୍କ ମୃତ୍ୟୁ ଘଟିଛି l ସଂଜୟ କୌଣସି କାମରେ ଘରୁ ଯାଇ ଫେରୁଥିବା ସମୟରେ, ଶୁକରପଡା ବଜାର ମଝିରେ ଟ୍ରକ ସହିତ ମୁହାଁ ମୁହିଁ ଧକ୍କା ହୋଇଥଲା l ଫଳରେ ଘଟଣା ସ୍ଥଳରେ ସଂଜୟ ଙ୍କ ମୃତ୍ୟୁ ଘଟିଛି l ସଞ୍ଜୟ ଙ୍କ ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ତାଙ୍କ ମୃତ୍ୟରେ ପରିବାର ଲୋକେ ଭାଙ୍ଗି ପଡିଛନ୍ତି l ଘଟଣା ସ୍ଥଳରେ କିଛି ସମୟ ପାଇଁ ଉତ୍ୟକ୍ତ ଜନତା ମୃତ ଶରୀରକୁ ରାସ୍ତାରୁ ନ ହଟାଇ, ରାସ୍ତା ରୋକ କରିଥିଲେ l ମୃତକ ସଂଜୟ ଙ୍କ ପରିବାରକୁ ସରକାରୀ ସହାୟତା ଯୋଗାଇଦେବା ନିମନ୍ତେ ଗ୍ରାମବାସୀ ଙ୍କ ସମେତ ପରିବାର ଲୋକେ ଦୃଢ ଦାବି କରିଛନ୍ତି l ନିଶ୍ଚିନ୍ତକୋଇଲି ପୋଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି ଉପରେ ନଜର ରଖିଛି l